అత్తకి యముడు అమ్మాయికి మొగుడు

తెలుగు సినిమా*వేదిక

గీతా ఆర్ట్స్ పతాకంపై అల్లు అరవింద్ 1989లో నిర్మించిన చిత్రం ఇది. దీనికి దర్శకుడిగా ఎ.కోదండరామిరెడ్డి, ముఖ్యమైన మాటలు సత్యానంద్ సరిగ్గా సరిపోయారు.

అత్తకి యముడు అమ్మాయికి మొగుడు (1989 తెలుగు సినిమా)
దర్శకత్వం	ఎ.కోదండరామిరెడ్డి
నిర్మాణం	అల్లు అరవింద్
చిత్రానువాదం	ఎ.కోదండరామిరెడ్డి
తారాగణం	చిరంజీవి, విజయశాంతి,వాణిశ్రీ, సుత్తివేలు, కైకాల సత్యనారాయణ, అల్లు రామలింగయ్య, రావు గోపాలరావు, బేతా సుధాకర్, అన్నపూర్ణ, బ్రహ్మానందం
సంగీతం	కె.చక్రవర్తి
నేపథ్య గానం	ఎస్.పి.బాలసుబ్రహ్మణ్యం, ఎస్.జానకి
సంభాషణలు	పరుచూరి సోదరులు
నిర్మాణ సంస్థ	గీతా ఆర్ట్స్
నిడివి	140 ని.
భాష	తెలుగు
ఐ.ఎమ్.డీ.బి పేజీ

విజయభేరి

ఈ చిత్రం 14 కేంద్రాలలో వంద రోజులు ప్రదర్శించబడింది. 1989 జూన్ 24 తేదీన రాజమండ్రిలో శతదినోత్సవం జరిగింది.

పాటలు

• మెరుపులా లా లా, ఆడతా తా తా
• శాంతి ఓం శాంతి ఆరే ఖైదీ
• కలలో పెట్టని ముద్దులు పెట్టు
• దిగు దిగు దిగు భామ ఆ ప్రేమ
• టింగు రంగ చక్కనమ్మ చెక్కిలెంత

విశేషాలు

• ఈ చిత్రాన్ని తమిళంలో రజినీకాంత్ కథానాయకుడిగా మాప్పిళ్ళై (అల్లుడు) గా పునర్నిర్మించారు. కథానాయకుడి వివాహం చెడగొట్టటానికి వచ్చిన అల్లరి మూకతో ఫయిట్ చేసి గుడి మెట్ల దగ్గిరే వారిని పంపించే నాయకుడి స్నేహితుడిగా చిరు ఇందులో ప్రత్యేక పాత్రని పోషించాడు. ఆ అల్లరి మూకలో శ్రీహరి కూడా ఉండటం విశేషం. చిరు తన స్వంత గళంతోనే తమిళంలో సంభాషణలు చెప్పటం విశేషం. కథానాయిక పాత్ర అమల పోషించింది. అత్త పాత్ర శ్రీవిద్య పోషించింది. రజినీ తన అత్తని చిరుకు పరిచయం చేసేటప్పుడు, చిరు రజినీ చెవిలో, 'మీ అత్త బాగుందిరా!' అనటం, దానికి రజినీ చిరుని 'కొంప ముంచేలా ఉన్నావు! నువ్వు బయలుదేరరా బాబూ!' అని అనటం ప్రేక్షకులని గిలిగింతలు పెడుతుంది.
• హిందీలో అనిల్ కపూర్ హీరోగా జమై రాజా పేరుతో ఈ చిత్రాన్ని పునర్మించారు. హేమా మాలిని అత్తగా, మాధురీ దీక్షిత్ కథానాయికగా నటించారు. ఎ.కోదండరామిరెడ్డి హిందీ చిత్రానికి కూడా దర్శకత్వం వహించాడు.

బయటి లింకులు

[1] మాప్పిళ్ళైలో చిరంజీవి

మూలాలు

చిరంజీవి నటించిన సినిమాల జాబితా