చింతూరు
చింతూరు, ఆంధ్రప్రదేశ్ రాష్ట్రం, తూర్పు గోదావరి జిల్లాలో ఇదే పేరుతో ఉన్న మండలానికి కేంద్రం.ఇది సమీప పట్టణమైన పాల్వంచ నుండి 95 కి. మీ. దూరంలో ఉంది.
చింతూరు | |
|---|---|
 చింతూరు అడవి సమీపంలో ఇళ్లు | |
 | |
.svg)  చింతూరు | |
| అక్షాంశ రేఖాంశాలు: 17°45′N 81°24′E / 17.750°N 81.400°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | అల్లూరి సీతారామరాజు |
| మండలం | చింతూరు |
| విస్తీర్ణం | 2.46 కి.మీ2 (0.95 చ. మై) |
| జనాభా (2011)[1] | 3,818 |
| • జనసాంద్రత | 1,600/కి.మీ2 (4,000/చ. మై.) |
| అదనపు జనాభాగణాంకాలు | |
| • పురుషులు | 1,876 |
| • స్త్రీలు | 1,942 |
| • లింగ నిష్పత్తి | 1,035 |
| • నివాసాలు | 1,150 |
| ప్రాంతపు కోడ్ | +91 ( ) |
| పిన్‌కోడ్ | 533347 |
| 2011 జనగణన కోడ్ | 579197 |
గణాంకాలు
మార్చు2011 భారత జనగణన గణాంకాల ప్రకారం ఈ గ్రామం 1150 ఇళ్లతో, 3818 జనాభాతో 246 హెక్టార్లలో విస్తరించి ఉంది. గ్రామంలో మగవారి సంఖ్య 1876, ఆడవారి సంఖ్య 1942. షెడ్యూల్డ్ కులాల సంఖ్య 302 కాగా షెడ్యూల్డ్ తెగల సంఖ్య 1155. గ్రామం యొక్క జనగణన లొకేషన్ కోడ్ 579197[2].పిన్ కోడ్: 507126.
2014 లో తెలంగాణ రాష్ట్రం ఏర్పడినపుడు, ఈ గ్రామాన్ని ఈ మండలంతో సహా ఖమ్మం జిల్లా నుండి ఆంధ్రప్రదేశ్ లోని తూర్పు గోదావరి జిల్లాలో చేర్చారు. ఆ తరువాత 2022 లో చేసిన జిల్లాల పునర్వ్యవస్థీకరణలో ఇది మండలంతో పాటు అల్లూరి సీతారామరాజు జిల్లాలో కలిసింది. [3] [4]
గ్రామ భౌగోళికం
మార్చుఇది పూర్వం ఆంధ్ర ప్రదేశ్ రాష్ట్రంలోని తూర్పు గోదావరి జిల్లాకు చెందిన ఒక మండలం, కాగా ఆంధ్ర ప్రదేశ్ ప్రత్యేక రాష్ట్రంగా ఏర్పడిన తర్వాత పోలవరం ప్రాజెక్టు నిర్మాణంలో భాగంగా ముంపునకు గురికాబోయే ఈ మండలం జూన్ 2014 న ఆంధ్ర ప్రదేశ్ లోని తూర్పు గోదావరి జిల్లాలో కలిపారు. చింతూరు మండల కేంద్రం కాగా, జిల్లా కేంద్రం కాకినాడ, డివిజను కేంద్రం రంపచోడవరం.
చింతూరు శబరి నదీతీరాన గలదు. చింతూరు మండలం శబరి నదికి ఇరువైపులా ఆవరించి ఉంది. చత్తీస్ ఘడ్, ఒరిస్సా రాష్ట్రాల సరిహద్దుల నుండి ప్రవహిస్తున్న శబరి నది ఈ మండల సరిహద్దున ఆంధ్ర ప్రదేశ్ లో ప్రవేశించు తుంది. శబరి నదికి సీలేరు ఉపనది. సీలేరు నది రాష్ట్రానికి అత్యధిక విద్యుత్తును అందించే జలవిద్యుత్ కేంద్రాలైన మోతుగూడెం, సీలేరు, డొంకరాయిలు ఆంధ్ర, ఒరిస్సా రాష్ట్రాలను వేరుచేయుచూ శబరితో కలసి కూనవరం వద్ద భారతదేశంలో రెండవ అతిపెద్ద నది, దక్షిణ గంగగా పిలువబడే గోదావరి నదిలో కలుస్తుంది.
సామాజిక భౌగోళిక స్థితిగతులు
మార్చు ఈ మండలంలో అత్యధికులు ఆదివాసీ గిరిజన తెగలు కాగా కొద్ది మంది ఇతర ప్రాంతముల నుండి వచ్చి సమీపంలోని అటవీ ప్రాంతంలో స్థిరపడిన వారు కూడా నివాసముంటున్నారు. ఈ ప్రాంతంలో కోయదొర, కొండ దొర, కొండ రెడ్లు, కొండ కాపు, వాల్మీకి మొదలగు షెడ్యుల్డ్ జాతుల వారు, ఆంధ్రప్రదేశ్ ఒరిస్సాల నుండి వచ్చి స్థిరపడిన సగాలీలు తదితరులు ఉన్నారు. ఇక్కడ ప్రజలు తెలుగు, కోయ, ఉర్దూ.భాషలు మాట్లాతారు.
సరిహద్దులు
మార్చుచింతూరు ఆంధ్ర, ఆంధ్ర ప్రదేశ్, ఛత్తీస్ ఘడ్, ఒడిస్సా రాష్ట్రాలను కలుపు జాతీయ రహదారులు ఎన్‌హెచ్ 221, ఎన్‌హెచ్ 41 లకు జంక్షన్ గా ఉంది. విశాఖపట్నం, రాజమహేంద్రవరం, కాకినాడ, భద్రాచలం, విజయవాడ, హైదరాబాద్ లే కాక ఛత్తీస్ ఘడ్, ఒరిస్సా లలోని జగదల్ పూర్, జైపూర్ లకు పోవు రహదారులు కలిగియుండి ఆయా ప్రదేశములకు డైరెక్ట్ బస్సు సౌకర్యం కలిగిఉంది.
పర్యాటక కేంద్రాలు
మార్చుప్రముఖ ఆధ్యాత్మిక కేంద్రములైన భద్రాచలం, రాజమహేంద్రవరం, ప్రముఖ విహార, పర్యటక కేంద్రములైన పాపికొండలు, కోనసీమ, విశాఖపట్నం, కాకినాడ, విజయవాడ, హైదరాబాద్, మణుగూరు, కొత్తగూడెం, మల్కనగిరిలు చింతూరుకు అందుబాటులో ఉన్నాయి. అంతేగాక మండలానికి అతి సమీపములో అందమైన చింతూరు - మారేడుమిల్లి ఘాట్ రోడ్డు, టైగర్ క్యాంపు, పాములేరు, పాలధార, జలతరంగిణి, పాపి కొండలు జాతీయ అభయారణ్యము, అల్లూరి సీతారామరాజు రక్షిత అటవీ ప్రాంతము, పొల్లూరు, కల్లేరు, సుకుమామిడి జలపాతములు, మోతుగూడెం, ఎగువ సీలేరు, దిగువ సీలేరు, డొంకరాయి, కొంట, మూడు రాష్ట్రముల కూడలి (Tri State Junction) ప్రాంతములు పర్యాటక కేంద్రములుగా భాసిల్లుతున్నాయి.
విద్యా సౌకర్యాలు
మార్చుగ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు ఐదు, ప్రభుత్వ ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాల ఒకటి ఉన్నాయి. 2 ప్రభుత్వ జూనియర్ కళాశాలలు, ఒక ప్రైవేటు జూనియర్ కళాశాల ఉన్నాయి. ఒక ప్రైవేటు వృత్తి విద్యా శిక్షణ పాఠశాల ఉంది. సమీప ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల భద్రాచలంలో ఉన్నాయి. సమీప వైద్య కళాశాల ఖమ్మంలోను, పాలీటెక్నిక్‌ ఎటపాక లోను, మేనేజిమెంటు కళాశాల పాల్వంచలోనూ ఉన్నాయి. సమీప అనియత విద్యా కేంద్రం పాల్వంచలోను, దివ్యాంగుల ప్రత్యేక పాఠశాల ఖమ్మంలోనూ ఉన్నాయి.
వైద్య సౌకర్యం
మార్చుప్రభుత్వ వైద్య సౌకర్యం
మార్చుచింతూరులో ఉన్న ఒకప్రాథమిక ఆరోగ్య కేంద్రంలో ఇద్దరు డాక్టర్లు, ఇద్దరు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
మార్చుగ్రామంలో2 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు, డిగ్రీ లేని డాక్టరు ఒకరు ఉన్నారు. ఒక మందుల దుకాణం ఉంది.
తాగు నీరు
మార్చుగ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం
మార్చుమురుగునీరు బహిరంగ కాలువల ద్వారా ప్రవహిస్తుంది. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
మార్చుచింతూరులో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 కి.మీ. లోపు దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు
మార్చుగ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.
ఆరోగ్యం, పోషణ, వినోద సౌకర్యాలు
మార్చుగ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. గ్రంథాలయం గ్రామం నుండి 10 కి.మీ.కి పైబడిన దూరంలో ఉంది.
విద్యుత్తు
మార్చుగ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి విద్యుత్ సరఫరా చేస్తున్నారు.
భూమి వినియోగం
మార్చుచింతూరులో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 8 హెక్టార్లు
- వ్యవసాయం సాగని, బంజరు భూమి: 8 హెక్టార్లు
- వ్యవసాయం చేయదగ్గ బంజరు భూమి: 27 హెక్టార్లు
- నికరంగా విత్తిన భూమి: 202 హెక్టార్లు
- నీటి సౌకర్యం లేని భూమి: 170 హెక్టార్లు
- వివిధ వనరుల నుండి సాగునీరు లభిస్తున్న భూమి: 32 హెక్టార్లు
నీటిపారుదల సౌకర్యాలు
మార్చుచింతూరులో వ్యవసాయానికి నీటి సరఫరా కింది వనరుల ద్వారా జరుగుతోంది.
- ఇతర వనరుల ద్వారా: 32 హెక్టార్లు
ఉత్పత్తి
మార్చుచింతూరులో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
మార్చుమూలాలు
మార్చు- ↑ 1.0 1.1 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "Office of the Registrar General & Census Commissioner, India - Village amenities of 2011".
- ↑ "THE ANDHRA PRADESH REORGANISATION (AMENDMENT) BILL, 2014" (PDF). prsindia.org. Archived from the original (PDF) on 2022-09-07. Retrieved 2022-09-07.
- ↑ "ఆంధ్రప్రదేశ్ రాజపత్రము" (PDF). ahd.aptonline.in. Archived from the original (PDF) on 2022-09-06. Retrieved 2022-09-06.
వెలుపలి లింకులు
మార్చు