ఉదయకిరణ్ (నటుడు)
ఉదయ్ కిరణ్ (1980 జూన్ 26 - 2014 జనవరి 6) తెలుగు, తమిళం భాషా చిత్రాల్లో ప్రసిద్ధ కథానాయకుడు. ఇతను తెలుగులో కథానాయకుడిగా వచ్చిన మొదటి మూడు సినిమాలు బాక్సాఫీసు వద్ద హిట్ కావటంతో హ్యాట్రిక్ హీరో అనే బిరుదు సంపాదించుకున్నాడు.[1]
ఉదయ్ కిరణ్ | |
|---|---|
 2009 నాటి ఉదయ్ కిరణ్ | |
| జననం | వాజపేయాజుల ఉదయ్ కిరణ్ 1980 జూన్ 26 |
| మరణం | 2014 జనవరి 6 (వయసు 33) |
| వృత్తి | నటుడు |
గుర్తించదగిన సేవలు | నువ్వు నేను (2001) చిత్రం (2000) |
| ఎత్తు | 5'10 |
జీవితం
మార్చుఉదయ్ కిరణ్ 1980 జూన్ 26న తెలంగాణలోని హైదరాబాదులో పుట్టాడు. ఇతని తల్లితండ్రులు వీవీకే మూర్తి, నిర్మల. ఇతడు కేవీ పికేట్ లో తన చదువును పూర్తి చేసాడు. ఆ పై వెస్లీ కాలేజీ నుండి బీకాంలో పట్టభద్రుడయ్యాడు. చిరంజీవి కూతురు సుస్మితతో 2003లో నిశ్చితార్థం జరిగినా [2] వ్యక్తిగత కారణాల వల్ల పెళ్ళి కార్యరూపం దాల్చలేదు.[3][4] ఆ తర్వాత 2012లో అక్టోబరు 24న విషితను వివాహమాడారు. 2014 జనవరి 6న అర్ధరాత్రి శ్రీనగర్ కాలనీలోని జ్యోతి హోమ్స్‌లోని తన ఫ్లాట్‌లోనే ఉరి వేసుకుని ఆత్మహత్య చేసుకున్నాడు.[5]
సినీ జీవితం
మార్చుతేజ తీసిన చిత్రం సినిమా ద్వారా పరిచయమయిన ఉదయ్ కిరణ్, ఒక కొత్త పోకడను హీరోల్లోకి తెచ్చాడు. ఈ సినిమా పెద్ద హిట్ అయింది. ఆ పై వచ్చిన నువ్వు నేను [6] ఇంకా మనసంతా నువ్వే కూడా వరుసగా హిట్ అయ్యాయి. నువ్వు నేను సినిమాలోని యువకుని పాత్రపోషణకు గానూ 2001 ఫిలింఫేర్ అవార్డ్ ఇతడ్ని వరించింది. తరువాత వచ్చిన కలుసుకోవాలని సినిమాలో తన నృత్య ప్రతిభను ఉదయకిరణ్ చూపాడు. శ్రీరాం సినిమా ద్వారా ఒక పరిపక్వ నటనను మనకు చూపిస్తాడు. చిత్రం, నువ్వునేను, జై శ్రీరామ్, మనసంతా నువ్వే లాంటి విజయవంతమైన చిత్రాల్లో ఉదయ్ కిరణ్ నటించారు. తర్వాత వచ్చిన కొన్ని ఫ్లాపుల తర్వాత 2005లో తమిళంలో బాలచందర్ దర్శకత్వంలో వచ్చిన పాయ్ చిత్రం ద్వారా తమిళ సినిమా రంగంలో ప్రవేశించారు. తరువాత మరో రెండు సినిమాలు, వంబు సందై, పెన్ సింగం అనే సినిమాలు తీసాడు. ఆయన నటించాల్సిన కొన్ని సినిమాలు అనివార్య కారణాల వాళ్ళ నిలిచిపోయాయి.[7]
ఆత్మహత్య
మార్చుఉదయ్ కిరణ్ శ్రీనగర్‌కాలనీలో భార్య విషితతో కలిసి మూడు బెడ్ రూమ్ ఇంటిలో అద్దెకుంటున్నారు. మూడు పడక గదులు కలిగిన ఈ ఇంటిలోని ఓ గదిని వ్యాయామశాలగా మార్చుకున్నారు. 2014 నూతన సంవత్సర వేడుకల నిమిత్తం బెంగళూరు వెళ్లిన ఉదయ్ కిరణ్, విషిత 2014 జనవరి 2 న నగరానికి చేరుకున్నారు. ఫేస్‌బుక్ సంస్థలో పనిచేస్తున్న విషిత.. తన సహోద్యోగి, స్నేహితుడు రోహిత్ పుట్టిన రోజు వేడుకల్లో పాల్గొనేందుకు జనవరి 5 ఆదివారం మధ్యాహ్నం 3 గంటల ప్రాంతంలో మణికొండ వెళ్లారు. కొద్ది రోజులుగా డిప్రెషన్‌లో ఉంటున్న ఉదయ్ కిరణ్ పరిస్థితి గమనించిన ఆమె తనతో పాటు రమ్మనగా... ఉదయ్ నిరాకరించాడు. దీంతో తన తల్లిదండ్రుల్ని ఇంట్లో ఉంచి విషిత పార్టీకి వెళ్లారు. సాయంత్రం 5 గంటల ప్రాంతంలో అత్త మేఘల, మామ గోవిందరాజన్‌లను మణికొండలోని వాళ్ల ఇంటికి వెళ్లిపోవాల్సిందిగా ఉదయ్ చెప్పారు. తాను రాత్రి 11 గంటలకు వచ్చి విషితను పికప్ చేసుకుంటానని చెప్పడంతో మేఘల, గోవిందరాజన్ వెళ్లిపోయారు. పుట్టినరోజు వేడుకలు ముగించుకున్న విషిత 11 గంటల ప్రాంతంలో తల్లిదండ్రుల ఇంటికి వెళ్లి ఉదయ్ రాక కోసం వేచి చూశారు. పావు గంట గడచినా రాకపోయే సరికి ఫోన్ చేశారు. ఫోన్ మోగుతున్నా ఎత్తకపోవడంతో మరో మూడుసార్లు ప్రయత్నించారు. అర్ధరాత్రి 12 గంటల వరకు కూడా ఉదయ్ రాకపోవడం, ఫోన్ చేసినా స్పందించకపోవడంతో ఆందోళన చెందిన విషిత... తన మేనమామ, తండ్రితో కలిసి మణికొండ నుంచి బయల్దేరారు.
ఒంటి గంట ప్రాంతంలో శ్రీనగర్‌కాలనీలోని ప్లాట్‌కు వచ్చి తలుపు తట్టగా స్పందన లేకపోవడం, ఉదయ్ అంటూ పిలిచినా పలకకపోవడంతో మారుతాళం చెవితో తలుపులు తీసుకుని లోపలకు వెళ్లారు. లోపల నుంచి మూసి ఉన్న వ్యాయామశాల తలుపు ఎంతకూ తెరుచుకోకపోవడంతో వాచ్‌మన్లు మరికొందరితో కలసి బలవంతంగా తెరిచారు. అక్కడ ఉరివేసుకుని ఉదయ్ కిరణ్ కనిపించడంతో వారంతా దిగ్భ్రాంతికి గురయ్యారు. అనంతరం ఉరి వేసుకున్న తాడును తొలగించి కిందకు దింపారు. కొనప్రాణమైనా ఉంటుందని ఆశించి అపోలో ఆస్పత్రి అంబులెన్స్‌కు ఫోన్ చేశారు. రాత్రి 2 గంటల ప్రాంతంలో అంబులెన్స్‌లో జూబ్లీహిల్స్ అపోలో ఆస్పత్రికి తరలించారు. వైద్య పరీక్షలు నిర్వహించిన వైద్యులు రాత్రి 2.30 గంటల ప్రాంతంలో ఉదయ్ మృతి చెందినట్లుగా ప్రకటించారు.[8]
శవ పంచనామా
మార్చుసినీ నటుడు ఉదయ్ కిరణ్ ఆత్మహత్యకు సంబంధించిన మిస్టరీ వీడింది. ఉదయ్ కిరణ్ ఆత్మహత్యకు సంబంధించిన ఫోరెన్సిక్ రిపోర్టు పోలీసులకు అందింది. ఆత్మహత్యకు ముందు ఉదయ్ కిరణ్ మద్యం సేవించారని ఫోరెన్సిక్ రిపోర్టులో వెల్లడైంది. మానసిక క్షోభకు గురైన ఉదయ్ కిరణ్ ఆత్మహత్యకు ముందు మద్యం సేవించారని నివేదికలో వెల్లడైంది. ఉదయ్ కిరణ్ ఆత్మహత్యను పోలీసులు అనుమానస్పద మృతిగా కేసు నమోదు చేశారు. ఉదయ్ కిరణ్ ఆత్మహత్యకు సంబంధించిన కేసులో ఫోరెన్సిక్ రిపోర్టు అందకపోవడంతో చార్జిషీట్ నమోదు చేయలేదని పోలీసులు తెలిపారు. ఫోరెన్సిక్ రిపోర్టు ఆధారంగా ఉదయ్ కిరణ్ ది ఆత్మహత్యే అని పోలీసులు నిర్ధారించారు. ఊపిరి ఆడకపోవడం వల్లే మరణించారని నివేదికలో వెల్లడైనట్టు పోలీసులు తెలిపారు.[9]
సినిమాలు
మార్చు| రిలీజ్ తేదీ | చిత్రం పేరు | భాష | పాత్ర | దర్శకుడు | వ్యాఖ్యలు |
|---|---|---|---|---|---|
| 28వ మార్చి 2015 | చిత్రం చెప్పిన కథ | తెలుగు | మోహన్ | ||
| 11వ ఏప్రిల్ 2013 | జై శ్రీరామ్[10] | తెలుగు | శ్రీరాం శ్రీనివాస్ | బాలజీ యన్ సాయి | |
| 2012 | ఈ పెద్దోళ్ళున్నారే | తెలుగు | వీఎన్ఆదిత్య | నిర్మాణంలో | |
| 2012 | దిల్ కబాడీ | తెలుగు | శ్రీ | ||
| 20వ ఏప్రిల్ 2012 | నువ్వెక్కడుంటే నేనక్కడుంటా | తెలుగు | హరి | శుభసెల్వం | |
| 3వ జూన్ 2010 | పెన్ సింగం | తమిళం | సూర్య | బలి శ్రీరంగం | తెలుగులో అల్లడిస్తాగా డబ్ అయింది |
| 7వ నవంబరు 2008 | ఏకలవ్యుడు | తెలుగు | కార్తీక్ | కే రామకృష్ణ | |
| 12వ సెప్టెంబరు 2008 | గుండె ఝల్లుమంది | తెలుగు | బాల్రాజు (రాజేశ్) | మదన్ | |
| 29వ ఫిబ్రవరి 2008 | వంబు సందయి | తమిళం | ప్రభాకర్ | రాజ్ కపూర్ | లక్ష్మీ పుత్రుడుగా తెలుగులో డబ్ అయింది |
| 1వ నవంబరు 2007 | వియ్యాలవారి కయ్యాలు | తెలుగు | వంశీ | ఈ. సత్తిబాబు | |
| 23వ డిసెంబరు 2006 | పోయి | తమిళం | కంబన్/వేమన | కే.బాలచందర్ | అబద్ధంగా తెలుగులోకి డబ్ అయింది |
| 6వ ఏప్రిల్ 2005 | ఔనన్నా కాదన్నా | తెలుగు | రాం మోహన్ | తేజ | |
| 5వ ఫిబ్రవరీ 2004 | లవ్‌టుడే | తెలుగు | శివ | అర్పుధన్ | |
| 15వ ఆగస్టు 2003 | నీకు నేను నాకు నువ్వు | తెలుగు | ఆనంద్ | రాజశేఖర్ | |
| 17వ మార్చి 2003 | జోడీ నం.1 | తెలుగు | గౌతం | ప్రతాని రామకృష్ణ గౌడ్ | కొన్ని సన్నివేశాలలో స్త్రీ వేషం వేస్తాడు |
| 1వ నవంబరు 2002 | నీ స్నేహం | తెలుగు | వేణు మాధవ్ | పరుచూరి మురళి | |
| 30వ ఆగస్టు 2002 | హోలీ | తెలుగు | కిరణ్ | ఎస్వీఎన్ వరప్రసాద్ | |
| 21వ జూన్ 2002 | శ్రీరామ్ | తెలుగు | శ్రీరాం | వీఎన్ ఆదిత్య | |
| 8వ ఫిబ్రవరీ 2002 | కలుసుకోవాలని | తెలుగు | రవి | రఘు రాజ్ | |
| 19వ అక్టోబరు 2001 | మనసంతా నువ్వే | తెలుగు | చంటి/వేణు | వీఎన్ ఆదిత్య | |
| 10వ ఆగస్టు 2001 | నువ్వు నేను | తెలుగు | రవి | తేజ | |
| 17వ జూన్ 2000 | చిత్రం | తెలుగు | రమణ | తేజ |
బిరుదులు
మార్చు- ఫిలింఫేర్ ఉత్తమ కథానాయకుడు (తెలుగు) - నువ్వు నేను (2001) కు గానూ
మూలాలు
మార్చు- ↑ "నేను నటుడిగా ప్రతిచోటకి చేరాలి.. ఉదయ్ కిరణ్, 25 జూన్ 2008న టోటల్ టాలీవుడ్ ఇంటర్వ్యూ తెలుగు రూపం". Archived from the original on 2013-12-31. Retrieved 2014-01-08.
- ↑ "Uday Kiran gets engaged to Chiru's daughter today". timesofindia.com. 2013-04-18.
- ↑ "Incompatibility hits star wedding". timesofindia.com. 2013-07-01. Archived from the original on 2014-01-06. Retrieved 2014-01-08.
- ↑ "Marriage is not a priority now: Uday Kiran". sify.com. Archived from the original on 2014-01-10. Retrieved 2014-01-08.
- ↑ http://www.thehindu.com/news/cities/Hyderabad/uday-kiran-suicide-enter-woman-financier/article5554587.ece
- ↑ "నువ్వు నేను సినీ సమీక్ష (ఆంగ్లం)". Archived from the original on 2012-03-24. Retrieved 2012-06-21.
- ↑ Namasthe Telangana (26 June 2021). "ఉదయ్ కిరణ్ కెరీర్‌లో ఆగిపోయిన సినిమాలు ఇవే." Namasthe Telangana. Archived from the original on 26 జూన్ 2021. Retrieved 26 June 2021.
- ↑ "Actor Uday Kiran commits suicide". TimesOfIndia. 2014-01-07. Archived from the original on 2014-01-09. Retrieved 2014-01-13.
- ↑ http://www.thehindu.com/news/cities/Hyderabad/uday-kirans-death-evidence-points-to-suicide/article5550132.ece
- ↑ The Hindu, Movie Review (13 April 2013). "Jai Sriram: A clichéd story". Y. Sunita Chowdhary. Archived from the original on 16 April 2013. Retrieved 11 July 2019.