కూళ్ళ
కూళ్ళ , డాక్టర్ బి.ఆర్. అంబేద్కర్ కోనసీమ జిల్లా, పామర్రు మండలానికి చెందిన గ్రామం.[1].. పిన్ కోడ్: 533 305.
| కూళ్ళ | |
| — రెవెన్యూ గ్రామం — | |
.svg)  కూళ్ళ |
|
| అక్షాంశరేఖాంశాలు: 16°45′18″N 82°00′24″E / 16.7549°N 82.0067°E | |
|---|---|
| రాష్ట్రం | ఆంధ్రప్రదేశ్ |
| జిల్లా | కోనసీమ |
| మండలం | పామర్రు |
| ప్రభుత్వం | |
| - సర్పంచి | |
| జనాభా (2011) | |
| - మొత్తం | 4,172 |
| - పురుషులు | 2,126 |
| - స్త్రీలు | 2,046 |
| - గృహాల సంఖ్య | 1,304 |
| పిన్ కోడ్ | 533 305 |
| ఎస్.టి.డి కోడ్ | |
ఇది మండల కేంద్రమైన పామర్రు నుండి 8 కి. మీ. దూరం లోను, సమీప పట్టణమైన రామచంద్రపురం నుండి 20 కి. మీ. దూరంలోనూ ఉంది.
గణాంకాలు మార్చు
2001 వ.సంవత్సరం జనాభా లెక్కల ప్రకారం గ్రామ జనాభా 4,387.[2] ఇందులో పురుషుల సంఖ్య 2,227, మహిళల సంఖ్య 2,160, గ్రామంలో నివాసగృహాలు 1,201 ఉన్నాయి.
2011 భారత జనగణన గణాంకాల ప్రకారం ఈ గ్రామం 1304 ఇళ్లతో, 4172 జనాభాతో 779 హెక్టార్లలో విస్తరించి ఉంది. గ్రామంలో మగవారి సంఖ్య 2126, ఆడవారి సంఖ్య 2046. షెడ్యూల్డ్ కులాల సంఖ్య 945 కాగా షెడ్యూల్డ్ తెగల సంఖ్య 30. గ్రామ జనగణన లొకేషన్ కోడ్ 587722[3].పిన్ కోడ్: 533305.
గ్రామ విశేషాలు మార్చు
అత్యంత పురాతనమైన ఈ గ్రామం గౌతమి (గోదావరి) నదీ తీరంలో ఉంది. పవిత్ర పుణ్యక్షేత్రాలైన ద్రాక్షారామ, కోటిపల్లి లకు అతి చేరువలో ఉంది. గ్రామంలో సోమేశ్వర స్వామి, వేంకటేశ్వర స్వామి, కనకదుర్గ ఆలయాలు ఉన్నాయి. దక్షాణమ్మవారు గ్రామదేవతగా కొలువుదీరి ఉన్నారు. గ్రామానికి నరజాడ, తమ్మయ్యపాలెం, నీలగిరిపేట, పి.కొంపలు, మల్లవరం తదితరాలు శివారు గ్రామాలుగా ఉన్నాయి. గ్రామానికి పామర్రు, వాకతిప్ప, కోరుమిల్లి, సుందరపల్లి, అముజూరు సరిహద్దు గ్రామాలుగా ఉన్నాయి.
మునసబు గారిరక ఇల్లుగా పిలువబడే అత్యంత పెద్ద భవంతిలో పలు చిత్రాలు, టి.వి సీరియల్స్ చిత్రీకరిస్తున్నారు. దూరదర్శన్లో ప్రసారమై విశేష ప్రాచుర్యాన్ని పొందిన "రాజశేఖర చరిత్ర" సీరియల్ లో ఎక్కువ భాగం ఈ గ్రామంలోనే చిత్రీకరించబడింది. కృష్ణ నటించిన " ఊరికి మొనగాడు", భోగిమంటలు; బాలకృష్ణ నటించిన "బొబ్బిలి సింహం", "సాహస సామ్రాట్"; శ్రీకాంత్ నటించిన " ఊరికి మొనగాడు"; రజనీకాంత్ నటించిన "వీరా" (అల్లరి మొగుడు తమిళ అనువాదం) తదితర చిత్రాలు ఇక్కడ చిత్రీకరించబడ్డాయి. ఇటీవల విడుదల అయిన "నోట్ బుక్" (రాజీవ్ , గాయత్రి నటించిన) కూడా ఇక్కడే చిత్రీకరించబడింది.
గ్రామానికి చెందిన ప్రముఖులలో చిట్టూరి జగపతి రావు (శ్రీనివాస హేచరీస్ అధినేత), చిట్టూరి రవీంద్ర (బూరుగుపూడి మాజీ శాసన సభ్యులు, రాజమండ్రి మాజీ పార్లమెంట్ సభ్యులు), చిట్టూరి వీర రాఘవులు (నాగార్జున విశ్వవిద్యాలయ మాజీ ఉప కులపతి) తదితరులు ఉన్నారు.
గ్రామంలో 1960లో తొలిసారిగా ప్రాథమిక పాఠశాల స్ఠాపించబడింది. చిట్టూరి జగపతి రావు (శ్రీనివాస హేచరీస్ అధినేత) ఆర్థిక సహకారంతో 2003 సంవత్సరంలో ప్రభుత్వ ఉన్నత పాఠశాల స్ఠాపించబడింది. శివారు గ్రామాలతో కలుపుకుని మొత్తం 7 ప్రాథమిక పాఠశాలలు ఉన్నాయి.
పురాతనకాలం నుండి సంక్రాంతి పండుగ రోజుల్లో కోడి పందాలను నిర్వహించడం ఆనవాయితీగా వస్తుంది. ఈ పందాలకు పరిసర గ్రామ ప్రజలు విశేషంగా హాజరు అవుతూ ఉంటారు.
విద్యా సౌకర్యాలు మార్చు
గ్రామంలో ప్రభుత్వ ప్రాథమిక పాఠశాలలు ఏడు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి సమీప బాలబడి పామర్రులో ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల రామచంద్రపురంలో ఉన్నాయి. సమీప వైద్య కళాశాల కాకినాడలోను, మేనేజిమెంటు కళాశాల, పాలీటెక్నిక్‌లు రామచంద్రపురంలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం రామచంద్రపురంలోను, దివ్యాంగుల ప్రత్యేక పాఠశాల కాకినాడ లోనూ ఉన్నాయి.
వైద్య సౌకర్యం మార్చు
ప్రభుత్వ వైద్య సౌకర్యం మార్చు
కూళ్ళలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం మార్చు
గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ముగ్గురు ఉన్నారు. రెండు మందుల దుకాణాలు ఉన్నాయి.
తాగు నీరు మార్చు
గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. కాలువ/వాగు/నది ద్వారా, చెరువు ద్వారా కూడా గ్రామానికి తాగునీరు లభిస్తుంది.
పారిశుధ్యం మార్చు
గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు మార్చు
కూళ్ళలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు మార్చు
గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు గ్రామం నుండి 5 కి.మీ. లోపు దూరంలో ఉంది. ఏటీఎమ్, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. వారం వారం సంత గ్రామం నుండి 5 నుండి 10 కి.మీ. దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.
ఆరోగ్యం, పోషణ, వినోద సౌకర్యాలు మార్చు
గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు, గ్రంథాలయం గ్రామం నుండి 5 నుండి 10 కి.మీ. దూరంలో ఉన్నాయి.
విద్యుత్తు మార్చు
గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం మార్చు
కూళ్ళలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 430 హెక్టార్లు
- నికరంగా విత్తిన భూమి: 349 హెక్టార్లు
- వివిధ వనరుల నుండి సాగునీరు లభిస్తున్న భూమి: 349 హెక్టార్లు
నీటిపారుదల సౌకర్యాలు మార్చు
కూళ్ళలో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 349 హెక్టార్లు
ఉత్పత్తి మార్చు
కూళ్ళలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు మార్చు
మూలాలు మార్చు
- ↑ "భారత ప్రభుత్వం నిర్వహించిన 2011 గణాంకాల జాలగూడు". Archived from the original on 2014-07-19. Retrieved 2013-12-09.
- ↑ "ఆర్కైవ్ నకలు". Archived from the original on 2014-07-19. Retrieved 2013-12-09.
- ↑ "Office of the Registrar General & Census Commissioner, India - Village amenities of 2011".