యాని
బేబీ యాని (ఆంగ్లం: Baby Annie; 2001 మార్చి 31) తెలుగు చిత్రాలలో నటించిన భారతీయ బాలనటి. ఆమె 2011 రాజన్నలో మల్లమ్మ పాత్రకు ప్రసిద్ది చెందింది,[1] దీనికి ఆమె నంది అవార్డును అందుకుంది.[2][3][4] ఆమె జగపతి బాబు, ఛార్మీలతో కలిసి నటించి అనుకోకుండా ఒక రోజు (2005) చిత్రంతో అరంగేట్రం చేసింది. ఆమె స్టాలిన్ (2006), అతిది (2007), స్వాగతం (2008), ఏక్ నిరంజన్ (2009) వంటి ప్రముఖ చిత్రాలలో నటించింది.
యాని | |
|---|---|
 | |
| జననం | 2001 మార్చి 31 |
| జాతీయత | ఇండియన్ |
| వృత్తి | నటి |
| క్రియాశీల సంవత్సరాలు | 2005 - ప్రస్తుతం |
2020లో వచ్చిన జీ5 తెలుగు వెబ్ సిరీస్ లూజర్ లో ప్రియదర్శి, కల్పిక గణేష్ లతో కలసి యాని ప్రధాన పాత్రల్లో నటించించింది[5]
కెరీర్ సవరించు
హైదరాబాద్‌లో మలయాళం మాట్లాడే దంపతులకు 2001 మార్చి 31న జన్మించిన యాని 4 సంవత్సరాల వయస్సులో తన నటనా జీవితాన్ని ప్రారంభించింది.[6] తన కెరీర్ లో చిరంజీవి, మహేష్ బాబు, నందమూరి బాలకృష్ణ, జగపతి బాబు, గోపీచంద్, రామ్ పోతినేని, రామ్ చరణ్, ఉదయ్ కిరణ్, ఆది పినిశెట్టి వంటి తెలుగు చలనచిత్ర పరిశ్రమలోని చాలా మంది అగ్ర నటులతో స్క్రీన్‌ను పంచుకుంది. సురేష్ ప్రొడక్షన్స్‌లో దినేష్ లాల్ యాదవ్ దర్శకత్వం వహించిన శివ అనే భోజ్‌పురి చిత్రంలో కూడా ఆమె నటించింది.[7]
గుర్తింపు సవరించు
ఆమె మూడు నంది పురస్కారాలను గెలుచుకుంది, ఒకటి ట్రాప్ (టెలిఫిల్మ్) (2007), మరొకటి గోరింటాకు సీరియల్ (2010) కాగా మూడవది రాజన్న (2011) చలనచిత్రం. రాజన్న చిత్రానికి గాను ఆమె ఉత్తమ బాలనటిగా నంది అవార్డు-2011తో[8][9] పాటు ఉత్తమ సహాయ నటిగా ఫిల్మ్‌ఫేర్ అవార్డు - తెలుగు-2011ని[10][11] కూడా కైవసం చేసుకుంది.[12] అంతేకాకుండా ఈ చిత్రంతో ఆమె ఉత్తమ బాలనటిగా సంతోషం ఫిల్మ్ అవార్డు, TSR–TV9 నేషనల్ ఫిల్మ్ అవార్డ్స్ స్పెషల్ జ్యూరీ అవార్డు – ఉత్తమ బాలనటి లను సొంతం చేసుకుంది.
మూలాలు సవరించు
- ↑ Sify.com (24 August 2011). "Rajanna child artist". Sify.com. Archived from the original on 18 ఏప్రిల్ 2012. Retrieved 24 August 2011.
- ↑ "Nandi Awards Winners List −2011". 13 October 2012.
- ↑ "Annie: I felt as if I was Mallamma".
- ↑ "Rajanna Movie Child Artist Annie Photos Stills | New Movie Posters". 26 December 2011.
- ↑ Andrajyothy (6 June 2020). "సక్సెస్‌మీట్‌లో 'లూజర్'". Archived from the original on 19 October 2021. Retrieved 19 October 2021.
- ↑ baby annie telugu actress | New Movie Posters
- ↑ "Shiva Bhojpuri Full Movie |Action Movies". 8 July 2017 – via YouTube.
- ↑ "2011 Nandi Awards winners list". The Times of India.
- ↑ "Nandi Awards winners list: Mahesh Babu, Nayantara – Best Actors". filmibeat.com. 12 April 2013.
- ↑ "59th Idea Filmfare Awards South (Winners list)". filmfare.com.
- ↑ "59th Idea Filmfare Awards 2011(South): Telugu".
- ↑ Rajanna Movie Fame Baby Annie Present Life Will Shock You! | Latest Celebrity Updates | Telugu Panda