ఆటాడుకుందాం రా
ఆటాడుకుందాం రా 2016, ఆగస్టు 19న విడుదలైన తెలుగు చలనచిత్రం. జి. నాగేశ్వరరెడ్డి దర్శకత్వం వహించిన ఈ చిత్రంలో సుశాంత్, సోనమ్ బజ్వా ప్రధాన పాత్రల్లో నటించారు.[1]
| ఆటాడుకుందాం రా | |
|---|---|
 ఆటాడుకుందాం రా సినిమా పోస్టర్ | |
| దర్శకత్వం | జి. నాగేశ్వరరెడ్డి |
| స్క్రీన్‌ప్లే | శ్రీధర్ సీపన |
| నిర్మాత | నాగ సుశీల చింతలపూడి శ్రీనివాసరావు |
| నటవర్గం | అనుమోలు సుశాంత్ సోనమ్ బజ్వా |
| ఛాయాగ్రహణం | దాశరథి సీవేంద్ర |
| కూర్పు | గౌతంరాజు |
| సంగీతం | అనూప్ రూబెన్స్ |
నిర్మాణ సంస్థ | శ్రీనాగ్ ప్రొడక్షన్ |
విడుదల తేదీలు | 2016 ఆగస్టు 19 |
| దేశం | భారతదేశం |
| భాష | తెలుగు |
కథసవరించు
విజయరామ్ (మురళి శర్మ), ఆనంద్ ప్రసాద్ (ఆనంద్) ఎంతో స్నేహంగా ఉంటారు. ఆనంద్ సలహాల వల్ల విజయరామ్ కు వ్యాపారాల్లో లాభం వచ్చి కోట్లు సంపాదిస్తాడు. అదిచూసి సహించక విజయరామ్ శత్రువు శాంతారామ్ మోసం చేస్తాడు. కొన్ని అనుకోని పరిస్థితుల్లో ఆ మోసం ఆనంద్‌పై పడుతుంది. దీంతో విజయరామ్, ఆనంద్ ఇద్దరూ విడిపోతారు. ఇరవై సంవత్సరాల తర్వాత కూడా కష్టాల్లో ఉన్న విజయరామ్ కుటుంబాన్ని శాంతారామ్ ఏదోరకంగా హింసిస్తూనే ఉంటాడు.
ఈ సమయంలోనే విజయరామ్‌కి అల్లుడైన కార్తీక్ (సుశాంత్) అమెరికా నుంచి ఓ పనిమీద ఇండియా వస్తాడు. విజయరామ్‌కి అతడి చెల్లెలన్నా, ఆ కుటుంబం అన్నా నచ్చదు. అలాంటి మనిషికి కార్తీక్ ఎలా దగ్గరయ్యాడు? కష్టాల్లో ఉన్న ఆ కుటుంబాన్ని ఎలా ఆదుకున్నాడూ? అతడు నిజంగానే విజయరామ్‌కి మేనల్లుడా? కేవలం మేనల్లుడిగా నటించడానికి వచ్చాడా? ఆనంద్ ప్రసాద్ ఏమైపోయాడూ? ఈ కథలో సుశాంత్ ప్రియురాలు శృతి (సోనమ్ భజ్వా) ఎవరూ? ఇలాంటి ప్రశ్నలకు సమాధానమే సినిమా.
నటవర్గంసవరించు
- కార్తీక్ గా సుశాంత్
- శృతిగా సోనమ్ బజ్వా
- ఆనంద్ రామ్ గా ఆనంద్
- విజయ్ రావుగా మురళీ శర్మ
- పోసాని కృష్ణ మురళి
- గిరిజా రావుగా బ్రహ్మానందం
- పృథ్వీరాజ్
- వెన్నెల కిషోర్
- సుధ
- రమాప్రభ
- రజిత
- ఝాన్సీ
- రఘుబాబు
- అతిథి పాత్రలు
- నాగ చైతన్య
- "ఆటాడుకుందాం రా" పాటలో అఖిల్ అక్కినేని
సాంకేతికవర్గంసవరించు
- దర్శకత్వం: జి. నాగేశ్వరరెడ్డి
- నిర్మాత: నాగ సుశీల, చింతలపూడి శ్రీనివాసరావు
- చిత్రానువాదం: శ్రీధర్ సీపన
- సంగీతం: అనూప్ రూబెన్స్
- ఛాయాగ్రహణం: దాశరథి సీవేంద్ర
- కూర్పు: గౌతంరాజు
- నిర్మాణ సంస్థ: శ్రీనాగ్ ప్రొడక్షన్
పాటలుసవరించు
దేవదాసు సినిమాలోని "పల్లెకు పోదాం" అనేపాట ఈ చిత్రంకోసం మళ్ళీ వాడుకున్నారు.[2]
- రౌండ్ అండ్ రౌడ్ - రచన: కృష్ణ చైతన్య; గానం: అనురాగ్ కులకర్ణి - 04:18
- జూమెగా - రచన: శ్రీజో; గానం: నరేష్ అయ్యర్, అనంది జోషి - 04:11
- ఆటాడుకుందాం రా - రచన: భాస్కరభట్ల రవికుమార్; గానం: సాహితి చాగంటి, అనురాగ్ కులకర్ణి - 03:54
- థీమ్ (టైం మిషన్) - 01:22
విడుదలసవరించు
టైమ్స్ ఆఫ్ ఇండియా పత్రిక "సెలబ్రిటీల పేర్లను వాణిజ్యం పరంగా ఉపయోగించుకువడానికి ఈ చిత్రం మంచి ఉదాహరణ" అని పేర్కొంది.[3] "ఈ టైం మిషన్ లోకి అడుగుపెట్టడానికి బదులుగా అక్కినేని నాగేశ్వరరావు లేదా నాగార్జున నటించిన పాత సినిమాలను చూడండి" అని ది హిందూ పత్రికలో రాశారు.[2]
మూలాలుసవరించు
- ↑ Kavirayani, Suresh (August 19, 2016). "I got emotional while shooting: Sushant". Deccan Chronicle.
- ↑ 2.0 2.1 Dundoo, Sangeetha Devi (August 19, 2016). "Aatadukundam Raa: The joke is on the audience" – via www.thehindu.com.
- ↑ "Aatadukundam Raa Movie Review {2/5}: Critic Review of Aatadukundam Raa by Times of India" – via timesofindia.indiatimes.com.