కామారెడ్డి
కామారెడ్డి, తెలంగాణ రాష్ట్రం, కామారెడ్డి జిల్లా, కామారెడ్డి మండలానికి చెందిన పట్టణం.[3] 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత నిజామాబాదు జిల్లా లోని ఇదే మండలంలో ఉండేది. [4]ఈ పట్టణం 7 వ నెంబరు జాతీయ రహదారిపై ఉంది. హైదరాబాదు నుంచి ఈ పట్టణం 110 కి.మీ. దూరంలో ఉత్తరం వైపు ఉంది. ఉమ్మడి నిజామాబాద్ జిల్లాకేంద్రం నుండి దక్షిణంవైపు 55 కి.మీ.ల దూరంలో ఉంది. వ్యాపార పరంగా ఈ పట్టణం మంచి అభివృద్ధిలో ఉంది. చక్కెర, బెల్లం, వరి, పసుపు ఇక్కడి ప్రధాన ఉత్పత్తులు.
కామారెడ్డి | |
|---|---|
  కామారెడ్డి తెలంగాణ పటంలో కామారెడ్డి స్థానం  కామారెడ్డి కామారెడ్డి (India) | |
| నిర్దేశాంకాలు: 18°19′23″N 78°20′06″E / 18.323°N 78.335°ECoordinates: 18°19′23″N 78°20′06″E / 18.323°N 78.335°E | |
| దేశం |  భారతదేశం |
| రాష్ట్రం | తెలంగాణ |
| జిల్లా | కామారెడ్డి |
| ప్రభుత్వం | |
| • ప్రభుత్వ రకం | స్థానిక స్వపరిపాలన సంస్థ |
| • నిర్వహణ | పురపాలకసంఘం |
| విస్తీర్ణం | |
| • మొత్తం | 14.10 km2 (5.44 sq mi) |
| సముద్రమట్టం నుండి ఎత్తు | 495 మీ (1,624 అ.) |
| జనాభా వివరాలు (2011)[2] | |
| • మొత్తం | 80,378 |
| • సాంద్రత | 5,700/km2 (15,000/sq mi) |
| భాషలు | |
| • అధికారక | తెలుగు |
| కాలమానం | UTC+5:30 (IST) |
| పిన్‌కోడ్ | 503111 & 503112 |
| ప్రాంతీయ ఫోన్‌కోడ్ | 08468 |
| భారత వాహన రిజిస్ట్రేషన్ ప్లేట్లు | TS 17 |
| జాలస్థలి | kamareddymunicipality |
భౌగోళికంసవరించు
కామారెడ్డి పట్టణం 18°19′00″N 78°21′00″E / 18.3167°N 78.3500°E అక్షాంశరేఖాంశాల మధ్య ఉంది.[5] దీని విస్తీర్ణం 14.10 కి.మీ2 (5.44 చ. మై.).[6]
గ్రామ చరిత్రసవరించు
సా. శ. 1600 నుండి 1640 మధ్య కాలంలో ఈ ప్రాంతాన్ని పరిపాలించిన దోమకొండ కోట రాజు చిన్న కామిరెడ్డి పాలకుడుతో జిల్లాకు కామారెడ్డి అనే పేరు వచ్చింది. ఈ ప్రదేశం మునపటి పేరు కొడూరు. 1830లో కామారెడ్డి ప్రాంతాన్ని సందర్శించిన యాత్రాచరిత్రకారుడు ఏనుగుల వీరాస్వామయ్య ఆనాటి కామారెడ్డిని వర్ణించారు. భిక్నూరు మొదలుకొని కామారెడ్డి చేరేవరకూ రేగడినేల ఉండేదని, వర్షాకాలం కావడంతో అడుసులోకి ప్రయాణిస్తున్న తమ కాళ్ళు దిగబడి ప్రయాణం యాతన అయిందని రాసారు. ఆనాటికి గ్రామం వసతిగా ఉండేదని, అంగళ్ళు గ్రామంలో ఉండేవని రాసారు. గ్రామానికి మంచినీటి చెరువు వసతి కూడా ఉందని ప్రస్తావించారు. దీనిని కామారెడ్డి పెద్దచెరువు పిలుస్తారు.[7] హరిజన్వాడ ప్రాంతంలో కొడూరు హన్మండ్ల గుడి అనే ఆలయం ఉండేది. ఈ ఆలయం కామారెడ్డి చరిత్రలో పురాతనమైంది. ఈ ఆలయం కాకుండా మరో (3) ఆలయాలు కామారెడ్డికి రుజువులు, అంటే 1.కిష్టమ్మగుడి, 2. వేణుపాల స్వామి గుడి, 3. విఠేలేశ్వర అలయం. కాకతీయ రాజవంశంలో ఈ స్థలాన్ని కాకార్య గుండనా పాలించింది, దీనికి రుజువు మాచారెడ్డి మండల బండ రామేశ్వర్ పల్లి గ్రామంలోని శ్రీ రాజా రాజేశ్వర స్వామి ఆలయంలో లభిస్తుంది.
జిల్లా విభజనసవరించు
ఈ జిల్లా నిజామాబాద్ జిల్లా నుండి విభజించబడి, 11-10-2016 అక్టోబరు 11 నుండి (3) కామారెడ్డి, బాన్స్వాడ, యెల్లారెడ్డి అనే 3 రెవెన్యూ డివిజన్లుతో, 22 మండలాలు, కామారెడ్డి మునిసిపాలిటీతో కామారెడ్డి జిల్లాగా ఏర్పడింది. రాజంపేట, బీబీపేట, రామారెడ్డి, పెద్దకోడపగల్, నస్రుల్లాబాద్‌, రాజంపేట మండలాలు ప్రస్తుత (17) మండలాలతో పాటు కొత్త మండలాలుగా ఏర్పడ్డాయి. కామారెడ్డి పట్టణం జిల్లా కేంద్రంగా మారింది.
కామారెడ్డి జిల్లా ఉత్తరాన నిజామాబాద్ జిల్లా, తూర్పున రాజన్న సిరిసిల్లా జిల్లా, సిద్దిపేట జిల్లా, దక్షిణాన మెదక్ జిల్లా పశ్చిమాన మహారాష్ట్ర రాష్ట్రంలోని నాందేడ్ జిల్లా, కర్ణాటక రాష్ట్రంలోని బీదర్ జిల్లా ఉన్నాయి.
ఈ జిల్లా భౌగోళిక ప్రాంతం 3,652 చ. కి.మీ.. జిల్లా 18 - 19'- 07 - 78 -20'-37 అక్షాంశం రేఖాంశాల మధ్య ఉంది.
కామారెడ్డి పురపాలక సంఘం 1987లో ఏర్పాటైంది. 33 ఎన్నికల వార్డులతో సెకండ్ గ్రేడ్ మున్సిపాలిటీగా వర్గీకరించబడింది. తెలంగాణలో సార్వత్రిక ఎన్నికల అనంతరం చుట్టుపక్కల గ్రామాలు కామారెడ్డి మున్సిపాలిటీలో విలీనమయ్యాయి. కామారెడ్డి మున్సిపాలిటీలో అడ్లూర్, టేక్రియాల్, లింగాపూర్, దేవునిపల్లి, సారంపల్లి, చిన్నమల్లారెడ్డి చేరాయి.
జనాభా గణంకాలుసవరించు
2011 జనాభా లెక్కలు, తెలంగాణ ప్రభుత్వ గణాంకాల ప్రకారం, పట్టణంలో 80,378 మంది జనాభా ఉన్నారు. ఈ జనాభాలో పురుషులు 51%మంది కాగా, స్త్రీలు 49% మంది ఉన్నారు. కామారెడ్డి సగటు అక్షరాస్యత రేటు 65% కంటే ఎక్కువగా ఉంది. ఇందులో పురుషుల అక్షరాస్యత 74% కంటే ఎక్కువ కాగా, స్త్రీల అక్షరాస్యత 56% కంటే ఎక్కువగా ఉంది. కామారెడ్డి జనాభాలో 13% మంది 6 సంవత్సరాల కంటే తక్కువ వయస్సు గలవారు ఉన్నారు.
ఆర్థిక వ్యవస్థసవరించు
కామారెడ్డి ప్రధాన ఆదాయ వనరు వ్యవసాయం. ఇక్కడ అనేక కుటుంబాలు వ్యవసాయంపై ఆధారపడి ఉన్నాయి. కామారెడ్డిలో వరి, చక్కెర, బెల్లం, వివిధ కూరగాయలు, మొక్కజొన్న, పసుపును ఉత్పత్తి చేస్తారు. దాదాపు 318 వస్త్ర వ్యాపార కేంద్రాలు ఉన్నాయి. తెలంగాణలో అతిపెద్ద కోళ్ళ ఫారాలు కామారెడ్డి గ్రామీణ, పట్టణ ప్రాంతాల్లో ఉన్నాయి. ప్రధాన వ్యవసాయ మార్కెట్ యార్డు కామారెడ్డిలో ఉంది. చుట్టుపక్కల పట్టణాలు, గ్రామాలకు ప్రధాన కేంద్రంగా కామారెడ్డి ఉంది. తెలంగాణ రాష్ట్రంలో కామారెడ్డి ఒక ప్రధాన మార్కెట్. కామారెడ్డిలో గాయత్రి షుగర్స్ వంటి వ్యవసాయ ఆధారిత పరిశ్రమలు, చక్కెర, బియ్యం, అనేక ఇతర ఉత్పత్తుల వంటి పెద్ద ఎత్తున ఆహార ఉత్పత్తులను ఉత్పత్తి చేసే అనేక రైస్ మిల్లులు ఉన్నాయి. కామారెడ్డిలో రియల్ ఎస్టేట్ కొత్త భవనాలు, షాపింగ్ మాల్స్, రెసిడెన్షియల్ అపార్ట్‌మెంట్లు నిర్మాణంలో ఉన్నాయి.
రవాణాసవరించు
రైలు రవాణాసవరించు
కామారెడ్డి దక్షిణ మధ్య రైల్వే మండలపు, హైదరాబాద్ విభాగపు, కాచిగూడ-మన్మాడ్ మార్గంలో ఉంది. దీని స్టేషన్ కోడ్: KMC
దర్శనీయ ప్రదేశాలుసవరించు
కామారెడ్డి జిల్లాలోని నాగిరెడ్డిపెట మండలంలోని చినూర్ గ్రామంలో సంతాన వేణుగోపాల్ స్వామి ఆలయం ఉంది.700 సంవత్సరాల క్రితం నిజాం రాజుల పాలనలో ఈ ప్రాంతాన్ని పరిపాలించిన రాజు గారి కలలో, దేవుడి రూపంలో ఉన్న ఒక వ్యక్తి గ్రామం చివరలో ఉన్న కొలనులో వేణుగోపాల్ స్వామి విగ్రహం రూపంలో కనిపించి చెప్పాడు.అతను దానిని కనుగొని ఆలయాన్ని నిర్మించటానికి, మరుసటి రోజు రాజు తన సైన్యంతో కొలను సందర్శించి అక్కడ శోధించమని ఆదేశించాడు. చాలా ప్రయత్నం తరువాత వారు తమ రుక్మిణి, సత్యభామలతో ఒక అందమైన రెండున్నర అడుగుల వేణు గోపాల స్వామి విగ్రహాన్ని కనుగొన్నారు. స్థానిక పురాణాల ప్రకారం, స్వామి విగ్రహాలతో పాటు శ్రీ సుదర్శన్ పెరుమాల్, శ్రీమన్నారాయణ విగ్రహాలు కనుగొనబడ్డాయి. రాజు అద్భుతమైన ఆలయాన్ని నిర్మించి, స్వామి విగ్రహాలను, నమ్మల్వార్, భగవద్ రామానుజ విగ్రహాలతో పాటు నిర్మించాడు. ఆగమ శాస్త్రాల ప్రకారం, స్వామి ఆరాధన, ప్రత్యేక పండుగలలో కార్యకలాపాలు చాలా అందంగా కళ్ళ పండుగగా ఉంటాయి.ఈ ఆలయంలో ఎవరైతే స్వామిని ఆరాధిస్తారో వారికి మంచి సంతానం ఇస్తుందని భక్తులు నమ్ముతారు.స్వామి వివాహ వేడుకలో పాల్గొనే వారి కోరికలు నెరవేరుతాయని భక్తులు భావిస్తుంటారు.
కలెక్టరేట్ నూతన భవన సముదాయంసవరించు
జిల్లాస్థాయి శాఖల అధికారులు ఉండేలా జిల్లా కేంద్రంలోని 25 ఎకరాల్లో 64.2 కోట్ల రూపాయలతో మూడంతస్తుల సమీకృత జిల్లా కార్యాలయాల సముదాయం నిర్మించబడింది. 2021, జూన్ 20న తెలంగాణ రాష్ట్ర ముఖ్యమంత్రి కేసీఆర్ కలెక్టరేట్ నూతన భవన సముదాయాన్ని (సమీకృత జిల్లా కార్యాలయాల సముదాయం) ప్రారంభించాడు.[8][9] కార్యాలయానికి చేరుకున్న కేసీఆర్ పోలీసుల గౌరవ వందనం స్వీకరించాడు. ఆ తర్వాత కలెక్టరేట్ కార్యాలయాన్ని ప్రారంభించి, ప్రత్యేక పూజల్లో పాల్గొన్నాడు. అనంతరం ఛాంబర్‌లో కలెక్టర్‌ ఎ.శరత్ ని కుర్చీలో కూర్చుండబెట్టి పుష్పగుచ్ఛం అందించి శుభాకాంక్షలు తెలిపాడు. ఈ కార్యక్రమంలో శాసనసభ స్పీకర్ పోచారం శ్రీనివాస్ రెడ్డి, రాష్ట్ర మంత్రులు మహమూద్‌ అలీ, వేముల ప్రశాంత్‌రెడ్డి, ప్రభుత్వ ప్రధాన కార్యదర్శి సోమేశ్‌ కుమార్‌ లతోపాటు స్థానిక ఎమ్మెల్సీలు, ఎమ్మెల్యేలు, జిల్లా ఇతర ప్రజాప్రతినిధులు, అధికారులు పాల్గొన్నారు.[10]
మూలాలుసవరించు
- ↑ "Urban Local Body Information" (PDF). Directorate of Town and Country Planning. Government of Telangana. Archived from the original (PDF) on 15 June 2016. Retrieved 28 June 2016.
- ↑ "Basic Information". Kamareddy municipality.
- ↑ "ఆర్కైవ్ నకలు" (PDF). Archived from the original (PDF) on 2019-10-22. Retrieved 2018-08-09.
- ↑ "కామారెడ్డి జిల్లా" (PDF). తెలంగాణ గనుల శాఖ. Archived (PDF) from the original on 2021-01-06. Retrieved 2021-01-06.
- ↑ Falling Rain Genomics.
- ↑ "ఆర్కైవ్ నకలు". Archived from the original on 2015-05-21. Retrieved 2021-11-01.
- ↑ వీరాస్వామయ్య, యేనుగుల (1941). కాశీయాత్రా చరిత్ర (PDF) (మూడవ ముద్రణ ed.). విజయవాడ: దిగవల్లి వెంకట శివరావు. Retrieved 26 November 2014.
- ↑ "కామారెడ్డి, ఎల్లారెడ్డికి కాళేశ్వరం నీరందిస్తాం: సీఎం కేసీఆర్". Sakshi. 2021-06-20. Archived from the original on 2021-06-20. Retrieved 2023-02-23.
- ↑ "కామారెడ్డి, ఎల్లారెడ్డికి కేసీఆర్ వరాల జల్లు.. కలెక్టరేట్ బిల్డింగ్ ప్రారంభం". Samayam Telugu. 2021-06-20. Archived from the original on 2021-10-16. Retrieved 2023-02-23.
- ↑ Today, Telangana (2021-06-19). "Kamareddy: All arrangements in place for CM KCR's visit". Telangana Today. Archived from the original on 2021-11-28. Retrieved 2023-02-23.