జ్యోతివర్మ

జ్యోతివర్మ తెలుగు చలనచిత్ర, టెలివిజన్ డబ్బింగ్ కళాకారిణి. నచ్చావులే సినిమాలో కథానాయిక స్నేహితురాలు పాత్రకు తొలిసారిగా డబ్బింగ్‌ జ్యోతివర్మ, రంగస్థలం సినిమాలో సమంత పాత్రకు డబ్బింగ్ చెప్పడం ద్వారా గుర్తింపు పొందింది.

జ్యోతివర్మ
జననం	పోలవరం, పశ్చిమ గోదావరి జిల్లా
జాతీయత	భారతీయురాలు
వృత్తి	డబ్బింగ్ కళాకారిణి
క్రియాశీల సంవత్సరాలు	2008–ప్రస్తుతం
తల్లిదండ్రులు	దిలీప్‌వర్మ, శారదా మహేశ్వరి
బంధువులు	కిషోర్‌ (భర్త)

జననం

జ్యోతివర్మ పశ్చిమ గోదావరి జిల్లా పోలవరంలో జన్మించింది. ఈవిడ తల్లిదండ్రలు దిలీప్‌వర్మ, శారదా మహేశ్వరి. హైదరాబాదులో ఇంటర్‌, డిగ్రీ పూర్తి చేసింది.

సినిమారంగ ప్రస్థానం

తన నాన్న ప్రెండ్, కాస్ట్యూమ్‌ డిజైనర్ఐన జగదీశ్వర్‌ సలహాతో డబ్బింగ్‌ ఆర్టిస్టు ప్రయత్నాలు సాగించింది. తనకు మొదట బృందంలోని సభ్యులకు డబ్బింగ్‌ చెప్పే అవకాశంరావడంతో సూపర్‌, తులసి, సైనికుడు మొదలైన సినిమాలలో బృందంలోని సభ్యులకు డబ్బింగ్‌ చెప్పింది. తరువాత చిన్నచిన్న సన్నివేశాల్లోని పాత్రధారులకు చెప్పడం ప్రారంభించి, స్టాలిన్‌, లక్ష్మీకల్యాణం, అన్నవరం వంటి సినిమాల్లో బిట్స్ చెప్పింది.

నచ్చావులే చిత్రంలో హీరోయిన్‌ స్నేహితురాలికి డబ్బింగ్ చెప్పడంతో బిజీగా మరి, క్రమంగా హీరోయిన్లకు డబ్బింగ్ చెప్పే స్థాయికీ చేరుకొని, ఇప్పటివరకు దాదాపు 25 చిత్రాల హీరోయిన్స్ కు డబ్బింగ్ చెప్పింది. 2018లో వచ్చిన రంగస్థలం సినిమా జ్యోతివర్మకు మంచి పేరు తీసుకువచ్చింది.

చిత్రాలు

సంవత్సరం	చిత్రం పేరు	నటి పేరు	ఇతర వివరాలు
2008	నచ్చావులే	హీరోయిన్ ఫ్రెండ్
2010	వేదం	అనుష్క	సూపర్‌ హిట్‌ మూవీస్‌ అవార్డు
2012	రెబల్‌	దీక్షా సేథ్
2013	వెంకటాద్రి ఎక్స్‌ప్రెస్	రకుల్ ప్రీత్ సింగ్
2015	జేమ్స్‌బాండ్‌	సాక్షి చౌదరి
2015	కంచె	ప్రజ్ఞా జైస్వాల్‌
2016	నాయకి	త్రిష
2017	రారండోయ్ వేడుక చూద్దాం	రకుల్‌ ప్రీత్‌ సింగ్‌
2017	రాజు గారి గది 2	సీరత్‌ కపూర్, అభినయ
2018	రంగస్థలం	సమంత

ధారావాహికలు

ఈటీవీ, జెమినీ, జీతెలుగులలో ప్రసారమయిన అనేక సీరియల్స్ లోని నాయిక, ప్రతినాయిక పాత్రలకు డబ్బింగ్ చెప్పడమేకాకుండా 2011లో పసుపుకుంకుమ సీరియల్‌కి నంది అవార్డు కూడా అందుకుంది

ధారావాహిక పేరు	ఛానల్ పేరు	నటి పేరు	ఇతర వివరాలు
ఆడదే ఆధారం	ఈటీవి
తూర్పు వెళ్లేరైలు	ఈటీవి
దేవత	జెమినీ టీవీ
కొత్తబంగారం	జెమినీ టీవీ
కల్యాణ తిలకం	జెమినీ టీవీ
పసుపు కుంకుమ	జీ తెలుగు		నంది అవార్డు