టి.దేవేందర్ గౌడ్

(దేవేందర్ గౌడ్ నుండి దారిమార్పు చెందింది)

తూళ్ళ దేవేందర్ గౌడ్ రంగారెడ్డి జిల్లాపరిషత్తు చైర్మెన్‌గాను, 3 సార్లు మేడ్చల్ అసెంబ్లీ నియోజకవర్గం శాసనసభ్యుడుగాను పనిచేసి, ఆంధ్ర ప్రదేశ్ రాష్ట్ర మంత్రివర్గంలో అనేక మంత్రిపదవులను చేపట్టిన రాజకీయ నాయకుడు, తూళ్ళ దేవేందర్ గౌడ్. విద్యార్థినాయకుడిగా ప్రజాజీవితం ప్రారంభించి, రాష్ట్ర రాజకీయాల్లో అనేక పదవులను అధిరోహించాడు.

తూళ్ల దేవేందర్ గౌడ్
టి.దేవేందర్ గౌడ్


ఆంధ్ర ప్రదేశ్ మాజీ హోం మంత్రి
నియోజకవర్గం మేడ్చల్

వ్యక్తిగత వివరాలు

జననం (1953-03-18) 1953 మార్చి 18 (వయస్సు 68)
రంగారెడ్డి జిల్లా, మహేశ్వరం మండలం, తుక్కుగూడ గ్రామం
రాజకీయ పార్టీ తెలుగుదేశం పార్టీ
తల్లిదండ్రులు సాయన్న గౌడ్ , సత్తెమ్మ
జీవిత భాగస్వామి వినోదా
సంతానం విజయేందర్ గౌడ్, వినయేందర్ గౌడ్, తూళ్ల వీరేందర్ గౌడ్
నివాసం 8-2-503, రోడ్ నెం 7 ,బంజారా హిల్స్,హైదరాబాద్
మతం హిందూ మతము
సెప్టెంబర్ 3, 2009నాటికి

బాల్యం, విద్యాభ్యాసంసవరించు

తూళ్ల దేవేందర్ గౌడ్ మహేశ్వరం మండలం తుక్కుగూడ గ్రామంలో 1953, మార్చి 18న జన్మించాడు.[1] కళాశాల దశలోనే విద్యార్థినాయకుడిగా పనిచేసిన అనుభవంతో, ఎన్.టి.రామారావు నేతృత్వంలోని తెలుగుదేశం పార్టీలో చేరి అంచెలంచెలుగా పార్టీలో ముఖ్య వ్యక్తిగా ఎదిగాడు. వ్యవసాయ కుటుంబంలో జన్మించిన దేవేందర్ గౌడ్ పాఠశాల విద్య తరువాత ఇంటర్మీడియట్ ధర్మవంత్ కళాశాలలోను, వాణిజ్యశాస్త్రంలో డిగ్రీ బద్రుకా కళాశాలలో పూర్తిచేశాడు. కళాశాలలో ఉన్నప్పుడే అతడు విద్యార్థి నాయకుడిగా వ్యవహరించాడు.

రాజకీయ జీవితంసవరించు

దేవేందర్ గౌడ్ చదువు పూర్తయ్యాక, ఎన్.టి.రామారావు నేతృత్వంలోని తెలుగుదేశం పార్టీ విధానాలు నచ్చడంతో ఆ పార్టీలో ప్రవేశించాడు. తెలుగుదేశం పార్టీలో చేరిన అనతికాలంలోనే దేవేందర్ గౌడ్ జిల్లాలో నేతగా పేరుతెచ్చుకున్నాడు. 1988లో జిల్లా పరిషత్తు ఎన్నికలలో రంగారెడ్డి జిల్లా పరిషత్తు ఛైర్మన్ స్థానాన్ని ప్రత్యక్ష ఓటుద్వారా కైవసం చేసుకున్నాడు. పూర్తి ఐదేళ్ళ కాలపరిమితి తరువాత 1994 డిసెంబర్లో తొలిసారిగా మేడ్చల్ అసెంబ్లీ నియోజకవర్గం నుంచి ఎన్నికై శాసనసభలో అడుగుపెట్టాడు. అప్పుడే మంత్రిమండలిలో స్థానం కూడా సంపాదించాడు. 1999 అక్టోబర్లో రెండో సారి కూడా 77,883 ఓట్ల మెజారిటీతో అదే స్థానం నుంచి ఎన్నికయ్యాడు. 1999 నుండి 2004 వరకు రాష్ట్ర గృహమంత్రిగా పనిచేసాడు. 2004 ఏప్రిల్లో కూడా మళ్ళీ మేడ్చల్ నియోజకవర్గం నుంచి గెలుపొంది తెలుగుదేశం పార్టీ శాసనసభ ఉపనాయకుడిగా వ్యవహరించాడు.[2]

తెలుగుదేశం పార్టీకి రాజీనామాసవరించు

తెలుగుదేశం పార్టీలో తన తెలంగాణా వాదానికి సరైన ప్రతిస్పందన లభించకపోవడంతో 2008, జూన్ 23న పార్టీకి, శాసనసభ్యత్వానికి రాజీనామా చేశాడు.[3] 2004 ఎన్నికల్లో ఓటమి తరువాత తెలంగాణాలో పుంజుకొనేందుకు పార్టీ యత్నాలు ఫలిస్తున్న తరుణంలో దేవేందర్ నిష్క్రమణతో పార్టీకి దెబ్బ తగిలింది. దేవేందర్ గౌడ్ "నవ తెలంగాణా పార్టీ" అనే రాజకీయ పార్టీని స్థాపించాడు.

 
నవ తెలంగాణ పార్టీ ఆవిర్భావ సభలో పార్టీ జెండాతో టి.దేవేందర్ గౌడ్

ప్రజారాజ్యంలో విలీనంసవరించు

ఫిబ్రవరి 2009లో తాను స్థాపించిన నవతెలంగాణ పార్టీని ప్రజారాజ్యం పార్టీలో విలీనం చేశాడు. 2009 ఎన్నికలలో ప్రజారాజ్యం పార్టీ తరఫున మల్కాజ్‌గిరి లోకసభతో[4] పాటు ఇబ్రహీంపట్నం అసెంబ్లీ నియోజకవర్గంలోనూ[5] పోటీ చేసి, రెండింటిలోనూ ఓడిపోయాడు.

తెలుగుదేశంలో చేరికసవరించు

2009, ఆగస్టు3న దేవేందర్ గౌడ్ ప్రజారాజ్యం పార్టీని వీడి ఆగస్టు 6న మళ్ళీ తెలుగుదేశం పార్టీలో చేరినాడు. తెలుగుదేశం వదలివెళ్ళడం చారిత్రక తప్పిదం అని పేర్కొన్నాడు.తెలుగు దేశం లో చేరిన తరువాత రాజ్యసభ సభ్యుడిగా ఎన్నికయ్యాడు.[6] ఆయన ఏప్రిల్ 2012 నుండి మే 2018 వరకు రాజ్యసభ సభ్యుడిగా ఉన్నాడు.[7][8]

రాజకీయ జీవితంసవరించు

  1. రంగారెడ్డి జిల్లా పరిషత్ చైర్మన్ 1988 - 1993
  2. మేడ్చల్ శాసనసభ్యుడు 1994 - 1999, 1999 - 2003 & 2003 – 2008 [9]
  3. బీసీ సంక్షేమ , ఎక్సైజ్ , సహకార శాఖ మంత్రి 1994 - 1995
  4. రెవిన్యూ శాఖ మంత్రి 1995 - 1999
  5. హోం మరియు సినిమాటోగ్రఫీ శాఖ మంత్రి 1999 – 2004
  6. ఆంధ్రప్రదేశ్ శాసనసభ తెలుగుదేశం పార్టీ ఉపనాయకుడు 2004 – 2008
  7. రాజ్యసభ సభ్యుడు ఏప్రిల్ 2012 నుండి మే 2018 వరకు

మూలాలుసవరించు

  1. "ఆర్కైవ్ నకలు". Archived from the original on 2007-10-12. Retrieved 2008-06-26.
  2. Sakshi (23 November 2018). "మెజారిటీల్లో రికార్డు." Archived from the original on 30 జూలై 2021. Retrieved 30 July 2021.
  3. Rediff (23 June 2008). "TDP leader quits for Telengana cause". Archived from the original on 7 జూలై 2008. Retrieved 30 July 2021.
  4. భారత ఎన్నికల సంఘం వెబ్‌సైటు
  5. భారత ఎన్నికల సంఘం వెబ్‌సైటు
  6. Sakshi (30 May 2014). "దేవేందర్ ఎంపీ @ ఏపీ". Archived from the original on 30 జూలై 2021. Retrieved 30 July 2021.
  7. The Times of India (3 February 2011). "NTP and PRP come together | Page 9". Archived from the original on 30 జూలై 2021. Retrieved 30 July 2021.
  8. . 11 September 2019 https://archive.india.gov.in/govt/rajyasabhampbiodata.php?mpcode=2200. Retrieved 11 September 2019. Check |archiveurl= value (help); Missing or empty |title= (help)
  9. Sakshi (3 November 2018). "హ్యాట్రిక్‌ వీరులు!". Archived from the original on 30 జూలై 2021. Retrieved 30 July 2021.