హెల్లారో
హెల్లారో 2019 భారతీయ గుజరాతీ చిత్రం. ఈ చిత్రానికి అభిషేక్ షా దర్శకత్వం వహించాడు. సహ రచయితగా కూడా పనిచేశాడు. ఆశిష్ పటేల్, నీరవ్ పటేల్, ఆయుష్ పటేల్, ప్రతీక్ గుప్తా, మిట్ జానీ, అభిషేక్ షాలు ఈ చిత్రాన్ని సారథి ప్రొడక్షన్స్, హర్ఫన్మౌలా ఫిల్మ్స్ పతాకంపై నిర్మించారు. జయేష్ మోరే, శ్రద్ధా దంగర్, బృందా త్రివేది నాయక్, షచీ జోషి, నీలం పంచల్, తేజల్ పంచసార, కౌసంబి భట్ ప్రధాన పాత్రల్లో నటించిన ఈ చిత్రం అభిషేక్ షాకు దర్శకుడిగా తొలి చిత్రం. ఈ చిత్రం 1970ల ప్రాంతంలో రాన్ ఆఫ్ కచ్ లో నివసిస్తున్న ఒక మహిళా సమూహం చుట్టూ తిరుగుతుంది.
| హెల్లారో | |
|---|---|
 సినిమా పోస్టర్ | |
| దర్శకత్వం | అభిషేక్ షా |
| స్క్రీన్ ప్లే | అభిషేక్ షా ప్రతీక్ గుప్తా సౌమ్య జోషి (సంభాషణలు, పాటలు) |
| కథ | అభిషేక్ షా |
| నిర్మాత | ఆశిష్ పటేల్ నీరవ్ పటేల్ ఆయుష్ పటేల్ అభిషేక్ షా మిత్ జాని ప్రతీక్ గుప్తా |
| తారాగణం |
|
| ఛాయాగ్రహణం | తిభువన్ బాబు సాదినేని |
| కూర్పు | ప్రతీక్ గుప్తా |
| సంగీతం | మెహుల్ సూర్తి |
నిర్మాణ సంస్థ | హర్ఫన్మౌలా ఫిల్మ్స్ |
విడుదల తేదీ | 2019 నవంబరు 8 |
సినిమా నిడివి | 121 నిముషాలు |
| దేశం | భారతదేశం |
| భాష | గుజరాతీ |
| బడ్జెట్ | est. మూస:INRconvert |
| బాక్సాఫీసు | ₹16 crore (US$2.0 million)[1] |
66వ జాతీయ చలనచిత్ర పురస్కారాలలో ఉత్తమ చలన చిత్రంగా హెల్లారో జాతీయ చలనచిత్ర అవార్డును గెలుచుకుంది.[2] ఇది 50వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా (ఐఎఫ్ఎఫ్ఐ) లో ఇండియన్ పనోరమాలో ప్రారంభ చిత్రంగా అధికారికంగా ఎంపిక చేయబడింది.[3] ఇది ఫిల్మ్ ఫెస్టివల్లో దర్శకుడి ఉత్తమ తొలి చలన చిత్రంగా కూడా ఎంపికైంది. [4][5] ఈ చిత్రం 2019 నవంబర్ 8న భారతదేశంలోని థియేటర్లలో విడుదలై సానుకూల సమీక్షలను అందుకుంది.
సారాంశం మార్చు
1975లో, మంజ్రి అనే యువతి వివాహం చేసుకుని రాన్ ఆఫ్ కచ్ మధ్యలో ఉన్న ఒక చిన్న గ్రామానికి వస్తుంది. చాలా సంవత్సరాలుగా గ్రామంలో వర్షాలు పడటంలేదు. ఒక వితంతువు డబ్బు సంపాదించడానికి ప్రయత్నించిన మరొక గ్రామస్తుడితో కలిసి పారిపోయినందువల్ల గ్రామదేవత శపించిందని గ్రామస్తులు నమ్ముతారు. ఆ గ్రామదేవతను శాంతింపజేయడానికి పురుషులు గుజరాతీ జానపద నృత్యమైన గర్బా నృత్యాన్ని ప్రదర్శిస్తారు. కాని మహిళలకు గర్బా ఆడటానికి అనుమతి లేదు. ప్రతి ఉదయం గ్రామంలోని మహిళలు నీరు తీసుకురావడానికి సుదూర సరస్సుకు వెళతారు, ఆ సమయంలో మాత్రమే వారికి స్వేచ్ఛ లభిస్తుంది. ఒక రోజు వారు నీరు తీసుకుని వస్తూ ఉండగా అపస్మారక స్థితిలో ఉన్న ఒక వ్యక్తిని చూసి అతనికి సహాయం చేస్తారు. బదులుగా, అతను తన ధోల్ వాయిస్తాడు దానికి అనుగుణంగా మహిళలు మొదటిసారి గర్బా నృత్యం చేస్తారు. అప్పటి నుండి, వారు ప్రతిరోజూ నీరు తెచ్చే సమయంలో గర్బా ఆడతారు. కొంత కాలం తరువాత ఆ మహిళలు తమ గ్రామ పెద్దను ఆశ్రయం కోసం అడగమని నవరాత్రి కోసం ధోల్ ఆడమని అతడిని ఒప్పిస్తారు. ప్రతిరోజూ అతడు పగటిపూట మహిళల కోసం, రాత్రి పురుషుల కోసం గర్బా ఆడతాడు. ఒకరోజు మహిళలు గర్బా ఆడుతూ పట్టుబడి శిక్షగా దండించబడతారు. అదే రాత్రి మహిళలు గ్రామంలో గర్బా ఆడతారు. వర్షం పడుతుంది.[6]
నటీనటులు మార్చు
- శ్రద్ధా దంగర్ - మంజ్రి
- జయేష్ మోరె - ముల్జి, ధోల్ వాద్యకారుడు
- తేజల్ పంచసార - గోమతి
- శైలేష్ ప్రజాపతి - గ్రామ పెద్ద
- మౌలిక్ నాయక్ - భాగ్లో
- ఆర్జవ్ త్రివేది - అర్జన్
- బృందా త్రివేది - కేసర్
- తర్జనీ భద్లా - గౌరి
- నీలమ్ పాంచల్ - లీల
- కౌశాంబీ భట్ - చంప
- స్వాతి దావె
- దెనిషా ఘుమ్రా - రాధ
- ఆకాష్ జలా - జోరావర్
- రాజన్ థక్కర్
- కిషన్ గధ్వి
- కమలేష్ పర్మార్
- శచీ జోషి
- రిద్ధి యాదవ్ - కంచన్
- జాగృతి ఠాకూర్
- ధృతి పటేల్ - రేవా
- కామినీ పాంచల్
- ఏక్తా బచ్వాని
- పర్వ భట్[7]
నిర్మాణం మార్చు
తొలిసారిగా దర్శకత్వం వహిస్తున్న, సహ రచయిత కూడా అయిన అభిషేక్ షా ఈ కథ కచ్ ప్రాంతంలోని వ్రజ్వాని గ్రామ జానపద కథలు, పితృస్వామ్య నిజ జీవిత సంఘటనల నుండి ప్రేరణ పొందిందని పేర్కొన్నాడు.[8][9] ప్రతీక్ గుప్తా ఈ చిత్రానికి స్క్రీన్ ప్లే రాశారు, ఎడిట్ చేశారు, సహ నిర్మాతగా వ్యవహరించారు, అదే సమయంలో అసోసియేట్ డైరెక్టర్‌గా కూడా పనిచేశారు. నాటక రచయిత, కవి సౌమ్య జోషి సాహిత్యం, అదనపు స్క్రీన్ ప్లే, సంభాషణలు రాశారు. మెహుల్ సూర్తి సంగీతం సమకూర్చారు. ఆశిష్ పటేల్, నీరవ్ పటేల్, ఆయుష్ పటేల్, అభిషేక్ షా, మిట్ జానీ, ప్రతీక్ గుప్తా సార్తి ప్రొడక్షన్స్, హర్ఫన్మౌలా ఫిల్మ్స్ పతాకాలపై ఈ చిత్రాన్ని నిర్మించారు. ఆయుష్ పటేల్, మిట్ జానీ క్రియేటివ్, ఎగ్జిక్యూటివ్ నిర్మాతలుగా నటించారు.[10] కురాన్ గ్రామానికి సమీపంలో ఉన్న రాన్ ఆఫ్ కచ్ పదిహేను బుంగా (సాంప్రదాయ గృహాలు), ఒక పట్టణ కూడలి, ఒక ఆలయంతో కూడిన గ్రామం సెట్‌ను రూపొందించారు, అక్కడ ఈ చిత్రం చిత్రీకరించబడింది.[11]
పాటలు మార్చు
పాటలన్నీ సౌమ్య జోషి రాసినవి, సంగీతాన్ని మెహుల్ సూర్తి స్వరపరిచారు
| క్రమ సంఖ్య. | శీర్షిక | గాయకుడు (లు) | నిడివి |
|---|---|---|---|
| 1. | "అశ్వర్" | ఐశ్వర్య మజుందార్, మూరలాలా మార్వాడా | 4:03 |
| 2. | "హైయా" | శ్రుతి పాఠక్, ఆదిత్య గాధ్వి (నేపథ్య గాత్రం) | 5:01 |
| 3. | "సప్నా వినాని రాత్" | ఆదిత్య గఢ్వి | 5:30 |
| 4. | "వాగ్యో రే ధోల్" | భూమి త్రివేది | 4:10 |
| మొత్తం నిడివి: | 18:44 | ||
విడుదల మార్చు
ఈ సినిమా 2019 నవంబర్ 8న థియేటర్లలో విడుదలైంది. [6][12] వీడియో ఆన్ డిమాండ్ సర్వీస్, MX ప్లేయర్ లో 4 ఏప్రిల్ 2020న విడుదలైంది.[13]
స్పందన మార్చు
ప్రశంసలు, విమర్శలు మార్చు
ఈ చిత్రం విమర్శకులచే విశ్వవ్యాప్తంగా ప్రశంసలను అందుకుంది. టైమ్స్ ఆఫ్ ఇండియా చెందిన అభిమన్యు జోషి దీనికి 5కి 4 రేటింగ్ ఇచ్చారు. ఈ చిత్రం యొక్క దర్శకత్వం, కథ, స్క్రీన్ ప్లే, నటన, సినిమాటోగ్రఫీ, సంగీతం నృత్యరూపకల్పనను ఆయన ప్రశంసించారు, ఈ చిత్రం అందుకున్న జాతీయ అవార్డుకు అర్హమైనదని అంచనాలను నెరవేరుస్తుందని పేర్కొన్నారు.[14] ది హిందూ కోసం వ్రాసిన నమ్రతా జోషి కథ, దర్శకత్వం, నిర్మాణం సినిమాటోగ్రఫీని ప్రశంసించారు. "గుజరాత్ తన సంస్కృతి సంబరాలను జరుపుకునేటప్పుడు పితృస్వామ్య ఆధిపత్యాన్ని ఈ చిత్రం ప్రశ్నిస్తుంది" అని ఆమె అన్నారు.[15] ముంబై లైవ్‌కు చెందిన జిగర్ గణత్ర దీనిని "కళాఖండం" అని పేర్కొని, 5కి 4.5 రేటింగ్ ఇచ్చారు.[16] పార్సీ టైమ్స్ దీనికి 5కి 3 రేటింగ్ ఇచ్చింది.[17] బుక్ మై షో కోసం వ్రాస్తున్న డెల్నాజ్ దివేచా, పితృస్వామ్య ఆధిపత్యం, కులతత్వం, మూఢనమ్మకాల విషయాలలో ఈ చిత్రం ప్రదర్శించినతీరు ప్రేక్షకులను ఆకట్టుకుంటుందని పేర్కొంటూ, ఈ చిత్రం యొక్క కొరియోగ్రఫీని మరింత ప్రశంసించారు. "కొన్ని ఆచారాలు పాతవిగా అనిపించవచ్చు కానీ ఇప్పటికీ చాలా మంది గ్రామీణ మహిళలు వాటిని అనుసరిస్తున్నారు" అని కూడా ఆమె ఎత్తి చూపారు.[18] మాషబుల్ ఇండియాకు చెందిన జినాల్ భట్ దీనికి 5 కి 4.5 రేటింగ్ ఇచ్చారు.[19]
కచ్ మిత్రకు చెందిన రమేష్ తన్నా ఈ చిత్రపు దర్శకత్వం, నటన సినిమాటోగ్రఫీని ప్రశంసిస్తూ, దీనిని "తప్పక చూడవలసినది" అని పేర్కొన్నాడు, అయితే గర్బా, ఎంబ్రాయిడరీ పనిపట్ల వ్యతిరేకత, కొన్ని పాత్రల చిత్రీకరణ, కచ్ లో ఒక సినిమా సెట్లో కచ్చి భాష లేకపోవడం వంటి లోటుపాట్లను విమర్శించారు. సమకాలీన సమాజంలో ఈ చిత్రంలోని అంశం ఔచిత్యాన్ని కూడా ఆయన ప్రశ్నించారు. 1970ల నాటి కచ్ స్థానిక సంస్కృతి సరిగ్గా ప్రాతినిధ్యం వహించలేదని ఆయన ఎత్తి చూపారు.[9]
బాక్సాఫీస్ మార్చు
ఈ చిత్రం బాక్సాఫీస్ వద్ద ₹ 15 కోట్లకు ($1.9మిలియన్‌లు) పైగా వసూలు చేసింది.[1][20] ఈ చిత్రం విదేశీ మార్కెట్లో $1,41,304 (₹1 కోట్లు) కంటే ఎక్కువ వసూలు చేసింది.[21][22]
వివాదాలు మార్చు
ఈ చిత్రం సంభాషణలలో హరిజన్ అనే పదాన్ని ఉపయోగించినందుకు చిత్ర నిర్మాత, దర్శకుడు, రచయితపై అట్రాసిటీ చట్టం కింద పోలీసులకు ఫిర్యాదు చేశారు. జమునా బెన్ వేగ్డా ఫిర్యాదు ప్రకారం, ఈ పదాన్ని షెడ్యూల్డ్ కుల ప్రజలు అవమానకరంగా భావిస్తారు.[23]
గుర్తింపులు, పురస్కారాలు మార్చు
2019 నవంబరులో గోవా జరిగిన 50వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా (ఐఎఫ్ఎఫ్ఐ) సందర్భంగా ఇండియన్ పనోరమాలో ప్రారంభ చిత్రంగా హెల్లారో ఎంపిక చేయబడింది, అక్కడ దాని "అద్భుతమైన సంగీతం, నృత్యరూపకల్పన" కోసం జ్యూరీ నుండి ప్రత్యేక ప్రస్తావన పొందింది.[24][19][25][4][5] 2019 డిసెంబర్లో ఇటలీలో జరిగిన 19వ రివర్-టు-రివర్ ఫ్లోరెన్స్ ఇండియన్ ఫిల్మ్ ఫెస్టివల్లో కూడా ఈ చిత్రాన్ని ప్రదర్శించారు. ఇది కాకుండా ఢాకా ఇంటర్నేషనల్ ఫిల్మ్ ఫెస్టివల్ 2020, భువనేశ్వర్ ఇంటర్నేషనల్ ఫిలిం ఫెస్టివల 2020 , ఔరంగాబాద్ ఇంటర్నేషనల్ ఫిల్మ్ ఫెస్టివల్స్ 2020 వంటి అనేక ఫిల్మ్ ఫెస్టివెల్స్లో హెల్లారో ప్రీమియర్ ప్రదర్శించబడింది. 66వ జాతీయ చలనచిత్ర పురస్కారాలలో హెల్లారో ఉత్తమ చలన చిత్రంగా జాతీయ చలనచిత్ర అవార్డును గెలుచుకుంది. పదమూడు మంది మహిళా నటీమణులు వారి నటనకు ప్రత్యేక జ్యూరీ అవార్డును కూడా గెలుచుకున్నారు. ఉత్తమ చలన చిత్రంగా జాతీయ చలనచిత్ర అవార్డును గెలుచుకున్న మొదటి గుజరాతీ చిత్రం ఇది. [6]
| పురస్కారం | విభాగం | గ్రహీత(లు) నామినీ(లు) | ఫలితం |
|---|---|---|---|
| 66వ జాతీయచలనచిత్ర పురస్కారాలు [26] | ఉత్తమ చలనచిత్రం | నిర్మాత: సారథి ప్రొడక్షన్స్
దర్శకుడు: అభిషేక్ షా |
గెలుపు |
| ప్రత్యేక జ్యూరీ పురస్కారం | శ్రద్ధా దంగర్, షాచి జోషీ, దేనిషా ఘుమ్రా, నీలం పాంచాల్, తర్జనీ భాడ్లా, బ్రిందా నాయక్, తేజల్ పంచాసారా, కౌసార, కౌషాంబి బత్రా | గెలుపు [27] | |
| FIPRESCI ఇండియా గ్రాండ్ ప్రిక్స్ 2019 | ఉత్తమ చలనచిత్రం | హెల్లారో | గెలుపు |
| క్రిటిక్స్ ఛాయిస్ ఫిల్మ్ అవార్డ్స్ 2020[28] | ఉత్తమ చిత్రం (గుజరాతీ) | హెల్లారో | గెలుపు |
| ఉత్తమ నటుడు(గుజరాతీ) | జయేష్ మోరె | గెలుపు | |
| ఉత్తమ నటి (గుజరాతీ) | శ్రద్దా దంగర్ | ప్రతిపాదించబడింది | |
| ఉత్తమ దర్శకుడు (గుజరాతీ) | అభిషేక్ షా | గెలుపు | |
| ఉత్తమ రచయిత (గుజరాతీ) | అభిషేక్ షా, ప్రతీక్ గుప్తా, సౌమ్య జోషీ | గెలుపు | |
| భారత అంతర్జాతీయ చలన చిత్రోత్సవం, గోవా 2019 | ప్రత్యేక ప్రస్తావన | హెల్లారో | గెలుపు |
| 19వ రివర్ టు రివర్ ఫ్లోరెన్స్
ఇండియన్ ఫిల్మ్ ఫెస్టివల్, ఇటలీ |
ప్రేక్షకులు ఎన్నుకున్న ఉత్తమ చిత్రం | హెల్లారో | గెలుపు |
| 6వ రాజస్థాన్ ఇంటర్నేషనల్ ఫిల్మ్ ఫెస్టివల్ | ఉత్తమ దర్శకుడు
(ప్రాంతీయ చిత్రం) |
అభిషేక్ షా | గెలుపు |
సూచనలు మార్చు
- ↑ 1.0 1.1 "Film awards and rewards (Column: B-Town)". Outlook. 2020-02-19. Retrieved 2020-02-05.
- ↑ Scroll Staff (9 August 2019). "National Awards: Aditya Dhar gets best director for 'Uri', Gujarati movie 'Hellaro' wins Best Film". Scroll.in. Retrieved 9 August 2019.
- ↑ "Gujarati film Hellaro to be IFFI Goa opening feature". mid-day. 7 October 2019.
- ↑ 4.0 4.1 "Indian films 'Hellaro', 'Uyare' to vie for Best Debut Feature Award at IFFI". 20 October 2019 – via Business Standard.
- ↑ 5.0 5.1 "Indian films 'Hellaro', 'Uyare' to vie for Best Debut Feature Award at IFFI". www.aninews.in.
- ↑ 6.0 6.1 6.2 "Guj's 'Hellaro' is nation's best". Ahmedabad Mirror. 2018-08-10. Retrieved 2019-08-12.
- ↑ "'Hellaro' 1st Gujarati film to win top national award". The Times of India. 2019-08-10. Retrieved 2019-08-12.
- ↑ "The importance of Garba in National Award-winning Gujarati film Hellaro". The Indian Express (in Indian English). 2019-11-10. Retrieved 2019-11-18.
- ↑ 9.0 9.1 "Ramesh Tanna". www.facebook.com (in ఇంగ్లీష్). Retrieved 2019-11-13.
- ↑ Authors, Various (2020-08-09). "14 Reasons To Watch Regional Gujarati Movie "Hellaro"". Binge Watcher (in అమెరికన్ ఇంగ్లీష్). Retrieved 2022-11-10.
- ↑ Singh, Suhani (2019-08-14). "How a little-known Gujarati movie won the best feature film award". India Today. Retrieved 2019-11-19.
- ↑ Singh, Suhani (2019-08-14). "How a little-known Gujarati movie won the best feature film award". India Today. Retrieved 2019-08-15.
- ↑ @hellarothefilm (4 April 2020). "BREAKING NEWS - The wait is over. HELLARO NOW STREAMING on MX PLAYER" (Tweet) – via Twitter.
- ↑ Hellaro Movie Review: Hellaro, a celluloid celebration of breaking free, retrieved 2019-11-13
- ↑ Joshi, Namrata (2019-11-12). "'Hellaro' movie review: Of song and dance leading to flight and freedom". The Hindu (in Indian English). ISSN 0971-751X. Retrieved 2019-11-13.
- ↑ "Hellaro Movie Review: Hellaro is a 'masterpiece' from debutant director Abhishek Shah". Mumbai Live (in ఇంగ్లీష్). Retrieved 2019-11-13.
- ↑ Katrak, Hoshang K. (2019-11-09). "Film Review: Hellaro". Parsi Times (in బ్రిటిష్ ఇంగ్లీష్). Retrieved 2019-11-13.
- ↑ Divecha, Delnaz (2019-11-09). "[Review] Hellaro Beautifully Explores The Idea of Freedom Through Dance". BookMyShow (in అమెరికన్ ఇంగ్లీష్). Retrieved 2019-11-13.
- ↑ 19.0 19.1 Bhatt, Jinal (2019-11-18). "Hellaro Review: A Powerful Journey From Suppression To Expression, Stomping Patriarchy On The Way". Mashable India. Retrieved 2019-11-19.
- ↑ "Hellaro Collections". in.bookmyshow.com. Retrieved 2019-11-13.
- ↑ "Hellaro - Financial Information". The Numbers. Retrieved 2020-01-18.
- ↑ "Hellaro". Box Office Mojo. Retrieved 2020-01-18.
- ↑ "FIR against makers of national award film 'Hellaro'". The Hindu (in Indian English). PTI. 2019-11-13. ISSN 0971-751X. Retrieved 2019-11-13.
- ↑ "Regional Films 'Hellaro' & 'Nooreh' to open Indian Panorama at IFFI 2019". IFFI Goa (in అమెరికన్ ఇంగ్లీష్). 2019-10-06. Archived from the original on 2019-12-06. Retrieved 2019-11-19.
- ↑ "IFFI 2019: Full list of winners; Particles wins Best Film, Lijo Jose Pellissery wins Best Director award". 29 November 2019.
- ↑ "Gujarati film 'Hellaro' to be screened in Delhi". The Times of India (in ఇంగ్లీష్). 2020-01-25. Retrieved 2020-02-05.
- ↑ "MOST ACTRESSES PERFORMED IN SINGLE MOVIE AND WON NATIONAL AWARDS: Complete winners list". 23 October 2020.
- ↑ "Critics' Choice Film Awards 2020: Complete winners list". 28 March 2020.