నీనా గుప్తా

నీనా గుప్తా (జననం 1959 జూన్ 4) ఒక భారతీయ సినిమా, టెలివిజన్ నటి, దర్శకురాలు, నిర్మాత. ఈమె 1994లో వో ఛోక్రీ అనే సినిమాలోని నటనకు ఉత్తమ సహాయ నటిగా భారత జాతీయ చలనచిత్ర పురస్కారాన్ని పొందింది. ఈమె కమర్షియల్ సినిమాలలో పాపులర్ నటి అయినప్పటికీ ఆర్టు సినిమాలలో మంచి పేరు సంపాదించుకుంది. ఈమె ది వీకెస్ట్ లింక్, కమ్‌జోర్ కడీ కౌన్ వంటి టి.వి.క్విజ్ ప్రోగ్రాములను నిర్వహించింది.

నీనా గుప్తా
నీనా గుప్తా
జననం	(1959-06-04) 1959 జూన్ 4 ఇండియా
వృత్తి	నటి, దర్శకురాలు
క్రియాశీల సంవత్సరాలు	1982–ప్రస్తుతం వరకు
జీవిత భాగస్వామి	వివేక్ మెహ్రా (2008–ప్రస్తుతం వరకు)
భాగస్వామి	వివియన్ రిచర్డ్స్ (?–1989)
పిల్లలు	మసాబా గుప్తా

బాల్యం, విద్యాభ్యాసం

ఈమె ఢిల్లీలో జన్మించింది. తండ్రి పేరు ఆర్.ఎన్.గుప్తా. ఈమె ప్రాథమిక విద్య లారెన్స్ స్కూలులో చదివింది... ఈమె సంస్కృతంలో స్నాతకోత్తర పట్టాను పొందింది. అనంతరం ఎం.ఫిల్ కూడా సంపాదించుకుంది.

వృత్తి

సినిమా రంగం

ఈమె గాంధీ, ది డిసీవర్స్, మీర్జా గాలిబ్, ఇన్ కస్టడీ, కాటన్ మేరీ వంటి అంతర్జాతీయ సినిమాలలో నటించింది. గాంధీ సినిమాలో గాంధీ మేనకోడలి పాత్రను పోషించింది. ఈమె మాధురీ దీక్షిత్తో కలిసి ఖల్‌నాయక్ చిత్రంలో నటించింది. ఆ చిత్రంలోని ఛోళీకీ పీఛే క్యాహై అనే జనాకర్షకమైన పాటలో కనిపిస్తుంది. ఈమె లాజ్వంతి, బజార్ సీతారాం వంటి టెలీఫిల్ములను నిర్మించింది. బజార్ సీతారాం సినిమాకు 1993లో ఉత్తమ నాన్-ఫీచర్ విభాగంలో భారత జాతీయ చలనచిత్ర పురస్కారం లభించింది.

టెలివిజన్ రంగం

ఈమె ఖాన్‌దాన్, మీర్జా గాలిబ్, భారత్ ఏక్ ఖోజ్, దర్ద్, గుమ్రాహ్, సాస్, సాత్ ఫెరె, చిట్టీ, మేరీ బీవీ కా జవాబ్ నహీ, కితనీ మొహబ్బత్ హై, సిస్కీ, జస్సీ జైసీ కోయీ నహీ, క్యూ హోతా హై ప్యార్, లేడీస్ స్పెషల్, దిల్ సే దియా వచన్, రిష్తే మొదలైన హిందీ టెలివిజన్ సీరియళ్లలో నటించింది. ఈమె నటుడు రాజేంద్ర గుప్తతో కలిసి సహజ్ ప్రొడక్షన్స్ అనే సంస్థను స్థాపించి కొన్ని సీరియళ్లను, నాటకాలను నిర్మించింది.

వ్యక్తిగత జీవితం

ఈమె 1980లలో ప్రముఖ వెస్ట్ ఇండీస్ క్రికెట్ క్రీడాకారుడు వివియన్ రిచర్డ్స్ను సంబంధం పెట్టుకుని మసాబ గుప్తా అనే కుమార్తెను కన్నది. ఈమె అలోక్ నాథ్, సారంగ దేవ్‌లతో కూడా వివాహేతర సంబంధాలను కొనసాగించింది. 2008లో ఢిల్లీలో స్థిరపడిన వివేక్ మెహ్రా అనే ఛార్టెడ్ అకౌంటెంట్‌ను రహస్యంగా వివాహం చేసుకుంది.

ఫిల్మోగ్రఫీ

• యే నజ్దీకియా (1982)
• గాంధీ (1982)
• సాథ్ సాథ్ (1982)
• జానేభీ దో యారో (1983)
• మండీ (1983)
• ఉత్సవ్ (1984)
• త్రికాల్ (1985)
• దృష్టి (1990)
• సుస్మన్ (1987)
• రిహాయీ (1988)
• ది డిసీవర్స్ (1988)
• కారనామా (1990)
• స్వర్గ్ (1990)
• వాస్తుహార (1991) (మలయాళం)
• ఆదిమీమాంస (1991)
• మట్టి మనుషులు (1991) (తెలుగు)
• అహం (1992) (మలయాళం)
• జుల్మ్‌ కీ హుకూమత్ (1992)
• బల్‌వాన్ (1992)
• ఖల్‌నాయక్ (1993)
• సూరజ్‌కీ సాత్వా ఘోడా (1993)
• వీర్తా (1993)
• వో ఛోక్రీ (1994)
• నజర్ (1995)
• జస్బాత్ (1994)
• కాటన్ మేరీ (1999)
• అంబేద్కర్ (2000) - అంబేద్కర్ భార్య రమాబాయి
• తేరీ సంగ్ (2009)
• వీర్ (2010)
• నా ఘర్ నా ఘాట్‌కే (2010)
• ఛేవన్ దరియా (2010)
• గుడ్ బై (2022)

టెలివిజన్

సంవత్సరం	పేరు	పాత్ర	భాష	గమనికలు	Ref.
1985	ఖండాన్		హిందీ
1986	యాత్ర
1987	గుల్ గుల్షన్ గుల్ఫామ్
1988	మీర్జా గాలిబ్	నవాబ్ జాన్
1989	డార్డ్			దర్శకుడు కూడా
	డాడీ	విమల		టెలివిజన్ చిత్రం
	చాణక్య	శ్వేత
1994	జునూన్	రీమా
1994–1995	దానే అనార్ కే
1998–1999	సాన్స్	ప్రియా కపూర్		రచయిత మరియు దర్శకుడు కూడా
1999	పాల్ చిన్	-		దర్శకుడు
2000	సిస్కీ	అనుష్క సక్సేనా		దర్శకుడు కూడా
2000–2004	సన్ ప్యారీ	-		నిర్మాత
2001–2002	కమ్జోర్ కడి కౌన్	హోస్ట్
2002	సాంఝీ	కనక్		రచయిత కూడా
2002–2004	క్యున్ హోతా హై ప్యార్ర్	-		నిర్మాత
2004	జస్సీ జైస్సీ కోయి నహీం	నందిని
2005–2009	సాత్ ఫేరే - సలోని కా సఫర్	మనోరమ "మన్నో" నరేంద్ర సింగ్
2009	లేడీస్ స్పెషల్	శుభా జోషి
2010–2011	దిల్ సే దియా వచన్	కళ్యాణి రాజాధ్యక్ష డా
2018	కెహ్నే కో హమ్సఫర్ హై	-		రచయిత
2019	మేడ్ ఇన్ హెవెన్	వీను రోషన్		అతిథి
2020-ప్రస్తుతం	పంచాయితీ	మంజు దేవి
2020	పరివార్	కాదంబరి		హాట్‌స్టార్ వెబ్ సిరీస్
2020-ప్రస్తుతం	మసబ మసబ	తనలాగే		నెట్‌ఫ్లిక్స్ వెబ్ సిరీస్
2023	చార్లీ చోప్రా	జాంకి		SonyLIV వెబ్ సిరీస్
2024	1000 బేబీస్	సారా ఔసేఫ్	మలయాళం	హాట్‌స్టార్ వెబ్ సిరీస్

అవార్డులు

• 1993: భారత జాతీయ చలనచిత్ర పురస్కారం నాన్ ఫీచర్ ఫిలిం : బజార్ సీతారాం
• 1994: భారత జాతీయ చలనచిత్ర పురస్కారాలు - ఉత్తమ సహాయ నటి: వో ఛోక్రీ

బయటి లింకులు

• ఇంటర్నెట్ మూవీ డేటాబేసు లో ఐ.ఎం.డీ.బీ.లో నీనా గుప్తా పేజీ పేజీ

[[వర్గం:భారతీయ మహిళా టెలివిజన్ దర్శకులు]]