జనగాం
జనగాం, తెలంగాణ రాష్ట్రం, జనగామ జిల్లా, జనగామ మండలానికి చెందిన పట్టణం.[1] 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత వరంగల్ జిల్లా లోని ఇదే మండలంలో ఉండేది. [2] ఇది ఇంతకుముందు రెవెన్యూ డివిజన్ కేంద్రంగా వరంగల్ జిల్లాలో ఉండేది. ఇది హైదరాబాదు నుండి వరంగల్ వెళ్ళే 202 జాతీయ రహదారిపై ఉంది. హైదరాబాద్ నుండి జనగామ జిల్లాకు 89 కిలోమీటర్ల దూరం.
| ?జనగామ తెలంగాణ • భారతదేశం | |
 | |
 | |
| అక్షాంశరేఖాంశాలు: 17°43′N 79°11′E / 17.72°N 79.18°E | |
| కాలాంశం | భాప్రాకా (గ్రీ.కా+5:30) |
| విస్తీర్ణం | 16.04 కి.మీ² (6 చ.మై) |
| జిల్లా (లు) | జనగామ జిల్లా |
| జనాభా • జనసాంద్రత |
92,394 (2011 నాటికి) • 5,760/కి.మీ² (14,918/చ.మై) |
| అధికార భాష | తెలుగు |
రవాణా వ్యవస్థ
మార్చుజనగాంలో రాష్ట్ర ప్రభుత్వం ఏర్పాటు చేసిన ఒక బస్టాండ్ ఉంది. ఈ బస్టాండ్ నుండి చుట్టుపక్కల గ్రామాలకు, హైదరాబాద్, హన్మకొండ, సిద్ధిపేట, సూర్యాపేట, చుట్టూ పక్కల ఉన్న 13 మండలాలకు బస్ సౌకర్యం ఉంది. జనగామ రైల్వేస్టేషన్ హైదరాబాద్ - కాజీపేట మధ్యలో ఉంది. ఇక్కడి నుండి దేశంలోని ఇతర పట్టణాలకు వెళ్ళే సౌకర్యం ఉంది.
గణాంకాలు
మార్చు2011 భారత జనాభా గణాంకాల ప్రకారం జనాభా - మొత్తం 92,446 - పురుషులు 46,807 - స్త్రీలు 45,639
మండలం లోని పట్టణాలు
మార్చు- జనగాం
కలక్టరేట్ భవన ప్రారంభం
మార్చు
2022, ఫిబ్రవరి 11న తెలంగాణ రాష్ట్ర ముఖ్యమంత్రి కేసీఆర్ కలెక్టరేట్ నూతన భవన సముదాయాన్ని (సమీకృత జిల్లా కార్యాలయాల సముదాయం) ప్రారంభించాడు.
25 ఎకరాల విస్తీర్ణంలో 32 కోట్ల రూపాయలతో మూడంతస్తుల్లో 34 జిల్లాస్థాయి శాఖల అధికారులు ఉండేలా సమీకృత జిల్లా కార్యాలయాల సముదాయం నిర్మించబడింది.
ఏడు ఎకరాల గ్రీనరీతోవున్న ఈ ప్రాంగణం, సమీకృత జిల్లా కార్యాలయాల సముదాయాల్లో రాష్ట్రంలోనే అతిపెద్దది.
జిల్లా కలెక్టరేట్ ప్రారంభోత్స‌వ కార్యక్ర‌మంలో మంత్రులు స‌త్య‌వ‌తి రాథోడ్‌, ఎర్ర‌బెల్లి ద‌యాక‌ర్ రావు, వేముల ప్ర‌శాంత్ రెడ్డి, భువ‌న‌గిరి ఎంపీ కోమ‌టిరెడ్డి వెంక‌ట్ రెడ్డితో పాటు ఉమ్మ‌డి వరంగల్ జిల్లాకు చెందిన ఎమ్మెల్యేలు, ఎమ్మెల్సీలు, ప్రజా ప్రతినిధులు పాల్గొన్నారు.[3]
ప్రభుత్వ వైద్య కళాశాల
మార్చుజనగాం పట్టణంలో తెలంగాణ ప్రభుత్వం 2023లో జనగాం ప్రభుత్వ వైద్య కళాశాలను ఏర్పాటుచేసింది. 2023 సెస్టెంబరు 15న ప్రగతి భవన్ వేదికగా ఆన్‌లైన్ ద్వారా ఒకేసారి 9 వైద్య కళాశాలల ఎంబిబిఎస్ మొదటి సంవత్సరం తరగతులను ముఖ్యమంత్రి కల్వకుంట్ల చంద్రశేఖర్ రావు ప్రారంభించాడు.[4][5]
ఇవి కూడా చూడండి
మార్చుమూలాలు
మార్చు- ↑ http://jangaon.telangana.gov.in/wp-content/uploads/2016/10/234.Jangoan-.234.pdf[permanent dead link]
- ↑ "జనగామ జిల్లా" (PDF). తెలంగాణ గనుల శాఖ. Archived (PDF) from the original on 2022-01-06. Retrieved 2021-01-06.
- ↑ telugu, NT News. "జనగామలో నూతన కలెక్టరేట్‌ను ప్రారంభించిన సీఎం కేసీఆర్". NTnews. Archived from the original on 2022-02-11. Retrieved 2022-02-11.
- ↑ "KCR: వైద్య విద్యలో నవశకం.. 9 మెడికల్ కళాశాలలు ప్రారంభం". EENADU. 2023-09-15. Archived from the original on 2023-09-15. Retrieved 2023-09-27.
- ↑ telugu, NT News (2023-09-15). "CM KCR | ఒకేసారి 9 మెడికల్ కాలేజీలు ప్రారంభం.. సువ‌ర్ణాక్ష‌రాల‌తో లిఖించ‌ద‌గ్గ ఘ‌ట్టం ఇది : సీఎం కేసీఆర్". www.ntnews.com. Archived from the original on 2023-09-17. Retrieved 2023-09-27.