తొట్టెంపూడి వేణు

తొట్టెంపూడి వేణు ఒక ప్రముఖ తెలుగు సినీ నటుడు.

తొట్టెంపూడి వేణు
ఓ కార్యక్రమంలో ప్రసంగిస్తున్న వేణు
జననం	తొట్టెంపూడి వేణు (1976-06-04) 1976 జూన్ 4 ఆంధ్రప్రదేశ్
నివాసం	హైదరాబాదు, తెలంగాణా
ఇతర పేర్లు	వేణు
వృత్తి	నటుడు
క్రియాశీలక సంవత్సరాలు	1999–ఇప్పటి వరకు
జీవిత భాగస్వామి	అనుపమా చౌదరి

వేణు ధార్వాడ్ ఇంజనీరింగ్ కళాశాల నుంచి ఇంజనీరింగ్ పూర్తి చేసి సినిమా పరిశ్రమకు వచ్చాడు. మొదటగా భారతీరాజా దర్శకత్వంలో ఓ సినిమాలో కథానాయకుడిగా నటించే అవకాశం వచ్చింది. కానీ ఆ సినిమా కొన్ని అవాంతరాల వల్ల మధ్యలోనే ఆగిపోయింది. వేణు స్నేహితుడైన వెంకట శ్యామ్ ప్రసాద్ ఎస్పీ ఎంటర్టైన్మెంట్స్ అనే సినీ నిర్మాణ సంస్థ స్థాపించాడు. ఆ సంస్థ సారథ్యంలో కె.విజయ భాస్కర్ దర్శకత్వంలో 1999లో వచ్చిన స్వయంవరం అనే సినిమా వేణు తొలి సినిమా. ఇందులో లయ కథానాయికగా నటించింది. లయకు కూడా ఈ సినిమా మొదటిది. ఈ సినిమా బాక్సాఫీసు వద్ద విజయం సాధించింది. ఆ సినిమాలో నటనకు వేణుకు నంది స్పెషల్ జ్యూరీ అవార్డు వచ్చింది. తరువాత ఎస్పీ ఎంటర్టైన్మెంట్స్ సారథ్యంలోనే 2000లో వచ్చిన చిరునవ్వుతో అనే సినిమా కూడా విజయాన్ని చవిచూసింది. నట శిక్షకుడు ఎన్.జె. భిక్షు దగ్గర నటనలో శిక్షణ తీసుకున్నాడు.

నటించిన సినిమాలు

సంవత్సరం	పేరు	పాత్ర	సహ నటులు	దర్శకుడు	గమనిక
1999	స్వయంవరం	వేణు	లయ	కె. విజయ భాస్కర్	నంది స్పెషల్ జ్యూరీ అవార్డు
2000	మనసు పడ్డాను కానీ	వేణు	రమ్యకృష్ణ, రాశి	కె.వీరు
2000	చిరునవ్వుతో	వేణు	షహీన్ ఖాన్	జి. రాంప్రసాద్
2001	వీడెక్కడి మొగుడండీ?	వేణు	శృతి రాజ్, గీతు మోహన్ దాస్	ఇ.వి.వి.సత్యనారాయణ
2000	దుర్గ	ప్రతాప్	రోజా	ఆర్.కె. సెల్వమణి
2000	పొట్టు అమ్మన్	ప్రతాప్	రోజా	కె.రాజరత్నం
2001	హనుమాన్ జంక్షన్	శతృ	అర్జున్, జగపతి బాబు, లయ, స్నేహ, విజయ లక్ష్మి	ఎం.రాజా
2002	ప్రియనేస్తమా	సూర్య	మాళవిక	ఆర్. గణపతి
2002	మళ్ళీ మళ్ళీ చూడాలి	పవన్	జనని	పవన్స్ శ్రీధర్
2003	కళ్యాణ రాముడు	కల్యాణ రాముడు	ప్రభుదేవా, నిఖిత	జి. రాంప్రసాద్
2003	పెళ్ళాం ఊరెళితే	సుబ్బు	రక్షిత, సంగీత, శ్రీకాంత్	ఎస్వీ క్రిష్ణారెడ్డి
2003	పెళ్ళాంతో పనేంటి	మధు	లయ, కల్యాణి	ఎస్. వి. కృష్ణారెడ్డి
2004	ఖుషీ ఖుషీగా	శ్రీకుమార్	జగపతి బాబు, రమ్యకృష్ణ, నిఖిత, సంగీత	జి. రాంప్రసాద్
2004	చెప్పవే చిరుగాలి	వేణు	ఆషిమా భల్లా, అభిరామి	విక్రమన్
2005	సదా మీ సేవలో	తిలక్	శ్రీయ	నీలకంఠ
2006	ఇల్లాలు ప్రియురాలు	వేణు	దివ్య ఉన్ని	భాను శంకర్
2006	శ్రీకృష్ణ 2006	వెంకటేశ్వర్లు	గౌరి ముంజల్, శ్రీకాంత్	విజయేంద్ర ప్రసాద్
2007	బహుమతి	వెంకటరమణ	సంగీత	ఎస్వీ క్రిష్ణారెడ్డి
2007	అల్లరే అల్లరి	ఆనంద్	అల్లరి నరేష్, పార్వతి మెల్టన్	ముప్పలనేని శివ
2007	యమగోల మళ్ళీ మొదలైంది	జూనియర్ చిత్రగుప్త	శ్రీకాంత్, మీరా జాస్మిన్, రీమా సేన్	శ్రీనివాస రెడ్డి
2008	దీపావళి	వేణు	ఆర్తి అగర్వాల్, మేఘ నాయర్	హరిబాబు
2008	చింతకాయల రవి	రవి స్నేహితుడు	వెంకటేష్, అనుష్క	యోగి
2009	గోపి గోపిక గోదావరి	గోపి	కమలినీ ముఖర్జీ	వంశీ
2011	మాయగాడు	లీలాకృష్ణ	చార్మి	దిలీప్ పోలన్
2012	దమ్ము	ఎన్టీఆర్ బావ	ఎన్టీఆర్, త్రిష, కార్తీక	బోయపాటి శ్రీను
2013	రామాచారి	రామాచారి	కమలినీ ముఖర్జీ, ఆలీ, రఘు బాబు	ఈశ్వర్