కోఠి

తెలంగాణ రాష్ట్ర రాజధాని హైదరాబాదులోని ఒక ప్రాంతం.

కోఠి, తెలంగాణ రాష్ట్ర రాజధాని హైదరాబాదులోని ఒక ప్రాంతం. హైదరాబాదులో పేరొందిన వాణిజ్య ప్రాంతాలలో ఇదీ ఒకటి. దీనికి సమీపంలో కింగ్ కోఠి, రామ్ కోఠి అని రెండు ప్రాంతాలు ఉన్నాయి.

కోఠి
మహాత్మా గాంధీ బస్ స్టేషను
మహాత్మా గాంధీ బస్ స్టేషను
దేశం భారతదేశం
రాష్ట్రంతెలంగాణ
జిల్లాహైదరాబాద్ జిల్లా
మెట్రోపాలిటన్ ప్రాంతంహైదరాబాదు మెట్రోపాలిటన్ ప్రాంతం
ప్రభుత్వం
 • నిర్వహణహైదరాబాద్ మహానగర పాలక సంస్థ
భాషలు
 • అధికారికతెలుగు, ఉర్దూ
కాలమానంUTC+5:30 (భారత కాలమానం)
పిన్‌కోడ్
500 095
వాహనాల నమోదు కోడ్టిస్
లోకసభ నియోజకవర్గంహైదరాబాదు లోక్‌సభ నియోజకవర్గం
శాసనసభ నియోజకవర్గంగోషామహల్ శాసనసభ నియోజకవర్గం
పట్టణ ప్రణాళిక సంస్థహైదరాబాదు మహానగరపాలక సంస్థ
జాలస్థలిtelangana.gov.in

చరిత్రసవరించు

కోఠి రెసిడెన్సీ పేరుమీదుగా ఈ ప్రాంతానికి కోఠి అనే పేరు వచ్చింది. కోఠి అంటే భవనం అని అర్థం. ఈ ప్రాంతంలో, బ్రిటిష్ నివాసి జేమ్స్ అకిలెస్ కిర్క్‌పాట్రిక్‌కు చెందిన విక్టోరియన్, కొరింథియన్ శైలిలో నిర్మించిన విలాసవంతమైన భవనం ఉంది. ఈ భవనాన్ని 1949లో ఉస్మానియా విశ్వవిద్యాలయం మహిళా కళాశాల ప్రాంగణంగా మార్చారు.[1][2]

నేపథ్యంసవరించు

వాస్తవానికి ఈ భవనం కమల్ ఖాన్, ఆ తరువాత నిజాం రాజు మీర్ ఉస్మాన్ అలీ ఖాన్ కు చెందినది. 1911లో నిజాం సింహాసనం అధిరోహించిన తరువాత, తన తండ్రి నివసించిన చౌమహల్లా పాలస్ లో కాకుండా, ఈ భవనంలో నివసించాడు. అప్పుడు ప్యాలెస్ ప్రాప్యత గోడలపై "కెకె" అని చెక్కబడింది. అది రాజ నివాసికి నచ్చకపోవడంతో, భవనానికి "కింగ్ కోఠి" లేదా "కింగ్స్ మాన్షన్" అని పేరు పెట్టడంకోసం ఒక ఫర్మానా జారీచేశాడు.

వాణిజ్య ప్రాంతంసవరించు

పుస్తక, బట్టల, ఎలక్ట్రానిక్స్ మొదలైన వ్యాపారాలకు కోఠి ప్రాంతం పేరొందింది. ఇక్కడ అనేక రకాల పుస్తక దుకాణాలు ఉన్నాయి. కోఠిలోని బ్యాంక్ స్ట్రీట్, హైదరాబాదు నగరానికి ఆర్థిక కేంద్రంగా ఉంది. ఇక్కడ సెంట్రల్ బ్యాంక్ ఆఫ్ ఇండియా, భారతీయ స్టేట్ బ్యాంకు, ఆంధ్రా బ్యాంకు వంటి జాతీయ, ప్రైవేట్ బ్యాంకులు ఉన్నాయి. 2007, ఆగస్టు 25న బాంబు దాడులకు గురైన గోకుల్ చాట్ దుకాణం కోఠిలోనే ఉంది. ఈ కోఠికి సమీపంలోనే అబిడ్స్ అనే మరో వాణిజ్య ప్రాంతం కూడా ఉంది.

భారతదేశంలోని పురాతన వైద్య కళాశాలలలో ఒకటైన ఉస్మానియా వైద్య కళాశాల ఇక్కడ ఉంది. డైరెక్టరేట్ ఆఫ్ మెడికల్ ఎడ్యుకేషన్, డైరెక్టరేట్ ఆఫ్ హెల్త్, ఇండియన్ మెడికల్ అసోసియేషన్ సంస్థల తెలంగాణ శాఖలు కూడా ఈ ప్రాంతంలోనే ఉన్నాయి.[3]

రవాణాసవరించు

ఇక్కడికి సమీపంలోనే మహాత్మా గాంధీ బస్ స్టేషన్ ఉంది. భారతదేశంలోనే అతి పెద్దదైన ఈ బస్ స్టేషన్ నుండి రాష్ట్ర, దేశంలోని అన్ని ప్రాంతాలకు బస్సు సౌకర్యం ఉంది. ఆంధ్ర బ్యాంకుకు ఎదురుగా ఉన్న మహిళా కళాశాల వద్ద సిటీ బస్సు టెర్మినస్ ఉంది.

మొదలైన ప్రాంతాలకు బస్సులు వెళ్తాయి.

ఇక్కడికి సమీపంలోని నాంపల్లిలో హైదరాబాద్ రైల్వే స్టేషను, కాచిగూడలో కాచిగూడ రైల్వేస్టేషను ఉన్నాయి. ఇక్కడ ఉస్మానియా వైద్య కళాశాల మెట్రో స్టేషను ఉంది.

మూలాలుసవరించు

  1. Bhavani, Divya Kala (2017-05-31). "Fading Palatial Facade". The Hindu. ISSN 0971-751X. Retrieved 2021-01-16.
  2. Deccan Chronicle (2 March 2018). "Telangana : Proposal to name Koti varsity 'Khairunnisa'". Mahesh Avadhutha. Retrieved 2021-01-16.
  3. "Koti from housing the Nizams to a commercial hotspot". thehansindia. 2 March 2015. Retrieved 2021-01-16.

ఇతర లంకెలుసవరించు

"https://te.wikipedia.org/w/index.php?title=కోఠి&oldid=3230212" నుండి వెలికితీశారు