మంచిర్యాల
| ?మంచిర్యాల తెలంగాణ • భారతదేశం | |
 | |
| అక్షాంశరేఖాంశాలు: 18°52′04″N 79°27′50″E / 18.8679°N 79.4639°E | |
| కాలాంశం | భాప్రాకా (గ్రీ.కా+5:30) |
| విస్తీర్ణం | 90.92 కి.మీ² (35 చ.మై)[1] |
| జిల్లా (లు) | మంచిర్యాల జిల్లా జిల్లా |
| జనాభా • జనసాంద్రత |
2,41,500 (2019 నాటికి) • 2,656/కి.మీ² (6,879/చ.మై) |
| అధికార భాష | తెలుగు |
| పురపాలక సంఘం | మంచిర్యాల మున్సిపాలిటీ |
| కోడులు • పిన్‌కోడ్ |
• 504209 |
మంచిర్యాల, తెలంగాణ రాష్ట్రం, మంచిర్యాల జిల్లా, మంచిర్యాల మండలానికి చెందిన నగరం. మంచిర్యాల నగరం గోదావరి నది ఒడ్డున ఉత్తర బాగంలో ఉంది. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత ఆదిలాబాద్ జిల్లా లోని ఇదే మండలంలో ఉండేది. [2]మంచిర్యాల పారిశ్రామికంగా అభివృద్ధి చెందినది ఇక్కడ బొగ్గు గనులు ఎక్కువగా ఉండడం వల్ల సింగరేణి వెలసిల్లింది.[3]
నీటి సరఫరా సవరించు
గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. చెరువు ద్వారా గ్రామానికి తాగునీరు లభిస్తుంది.మిషన్ భగీరథ ద్వారా నీటి సరఫరా జరుగుతుంది
విద్యుత్ సరఫరా సవరించు
తెలంగాణరాష్ట్ర వేర్పాటు తరువాత వ్యవసాయ మరియు వాణిజ్య అవసరరాలకు 24 గంటల విద్యుత్ సరఫరా జరుగుతున్నది.
గణాంకాలు సవరించు
2011 భారత జనాభా గణాంకాల ప్రకారం మండల జనాభా - మొత్తం 1,95,228 - పురుషులు 99,597 - స్త్రీలు 95,631
వ్యవసాయం, పంటలు సవరించు
మంచిర్యాల మండలంలో వ్యవసాయ యోగ్యమైన భూమి ఖరీఫ్‌లో 3633 హెక్టార్లు, రబీలో 1294 హెక్టార్లు. ప్రధాన పంటలు వరి, మొక్కజొన్న, జొన్నలు.[4]
కలెక్టరేట్‌ నూతన భవన సముదాయం సవరించు
జిల్లాస్థాయి శాఖల అధికారులు ఉండేలా మంచిర్యాల పట్టణంలో 26.24 ఎకరాల్లో 41 కోట్ల రూపాయలతో గ్రౌండ్ ఫ్లోర్‌తోపాటు పైన రెండు అంతస్తులు ఉండేలా సమీకృత జిల్లా కార్యాలయాల సముదాయం నిర్మించబడింది. కింది అంతస్తులో కలెక్టర్‌, అడిషనల్ కలెక్టర్ల కార్యాలయాలు, రెండు వెయిటింగ్‌ హాల్స్‌, రెండు వీడియోకాన్ఫరెన్స్‌ హాల్స్‌, అధికారుల సహాయకులకు రెండు ప్రత్యేక గదులు, దాదాపు 500 మందితో ఒకేసారి సమావేశం నిర్వహించేలా సువిశాల కాన్ఫరెన్స్‌ హాల్‌ను నిర్మించారు. మొదటి అంతస్తులో వివిధ శాఖల కార్యాలయాలు ఏర్పాటు చేయబడ్డాయి.
2023, జూన్ 9న తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర్ రావు కలెక్టరేట్‌ నూతన భవన సముదాయాన్ని (సమీకృత జిల్లా కార్యాలయాల సముదాయం) ప్రారంభించాడు. కార్యాలయానికి చేరుకున్న కేసీఆర్ పోలీసుల గౌరవ వందనం స్వీకరించాడు. ఆ తర్వాత కలెక్టరేట్‌ కార్యాలయాన్ని ప్రారంభించి, ప్రత్యేక పూజల్లో పాల్గొన్నాడు. అనంతరం ఛాంబర్‌లో కలెక్టర్‌ ఉదయ్‌ కుమార్‌ను కుర్చీలో కూర్చుండబెట్టి పుష్పగుచ్ఛం అందించి శుభాకాంక్షలు తెలిపాడు. ఈ కార్యక్రమంలో రాష్ట్ర రోడ్లు భవనాల శాఖామంత్రి వేముల ప్ర‌శాంత్ రెడ్డి, దేవాదాయ శాఖామంత్రి అల్లోల ఇంద్ర‌క‌ర‌ణ్ రెడ్డి, బీసి సంక్షేమ శాఖామంత్రి గంగుల క‌మ‌లాక‌ర్, పెద్దపల్లి ఎంపీ బోర్లకుంట వెంకటేశ్ నేత, చెన్నూర్ ఎమ్మెల్యే బాల్క సుమ‌న్, మంచిర్యాల ఎమ్మెల్యే నడిపల్లి దివాకర్ రావు, బెల్లంపల్లి ఎమ్మెల్యే దుర్గం చిన్న‌య్య, ఆదిలాబాదు ఎమ్మెల్యే జోగు రామ‌న్న, ఖానాపూర్ ఎమ్మెల్యే ఆజ్మీరా రేఖా నాయ‌క్‌తోపాటు జిల్లా ఇతర ప్రజాప్రతినిధులు, అధికారులు పాల్గొన్నారు.[5][6]
ప్రముఖులు సవరించు
- శ్రేష్ఠ - (తెలుగు సినీ పాటల రచయిత్రి)
శాసనసభ నియోజకవర్గం సవరించు
- పూర్తి వ్యాసం మంచిర్యాల శాసనసభ నియోజకవర్గంలో చూడండి.
దర్శనీయ ప్రదేశాలు సవరించు
- ప్రాణహిత వన్యప్రాణుల అభయారణ్యం: మంచిర్యాలకు 35 కిలోమీటర్ల దూరంలో ఉంది. గోదావరి నది ఉపనది అయిన ప్రాణహిత నది ఈ అభయారణ్యం మీదుగా ప్రవహిస్తోంది.[7][8]
విద్యాసంస్థలు సవరించు
- మంచిర్యాల ప్రభుత్వ వైద్య కళాశాల: 2021లో ఏర్పాటుచేయబడిన ఈ వైద్య కళాశాలకు 2022-23 విద్యా సంవత్సరానికి 150 ఎంబిబిఎస్ సీట్లకు అనుమతి లభించింది.[9]
మూలాలు సవరించు
- ↑ "Basic Information of Municipality". Mancherial Municipality. Archived from the original on 19 ఆగస్టు 2016. Retrieved 28 June 2016.
- ↑ "మంచిర్యాల జిల్లా" (PDF). తెలంగాణ గనుల శాఖ. Archived (PDF) from the original on 2021-01-06. Retrieved 2021-01-06.
- ↑ తెలంగాణ ప్రభుత్వ ఉత్తర్వు సంఖ్య GO Ms No 222 Revenue (DA-CMRF) Department, Dated: 11-10-2016
- ↑ మన ఆదిలాబాదు, రచయిత మడిపలి భద్రయ్య, ప్రథమ ముద్రణ 2008, పేజీ 222
- ↑ "Mancherial: సమీకృత కలెక్టరేట్‌ కార్యాలయాన్ని ప్రారంభించిన కేసీఆర్". EENADU. 2023-06-09. Archived from the original on 2023-06-10. Retrieved 2023-06-10.
- ↑ Velugu, V6 (2023-06-09). "మంచిర్యాల జిల్లా క‌లెక్టరేట్‌ను ప్రారంభించిన సీఎం కేసీఆర్". V6 Velugu. Archived from the original on 2023-06-10. Retrieved 2023-06-10.
- ↑ ఈనాడు, తెలంగాణ (12 November 2017). "ప్రకృతి ఒడిలో వన్యప్రాణులు". Archived from the original on 22 ఏప్రిల్ 2020. Retrieved 22 April 2020.
- ↑ సాక్షి, ఎడ్యుకేషన్ (30 August 2016). "వన్యప్రాణి సంరక్షణా కేంద్రాలు". Sakshi. Archived from the original on 22 ఏప్రిల్ 2020. Retrieved 22 April 2020.
- ↑ Today, Telangana (2022-11-03). "Telangana: Mancherial govt medical college gets nod to take up admissions". Telangana Today. Archived from the original on 2022-11-03. Retrieved 2022-11-16.