కొడంగల్ అసెంబ్లీ నియోజకవర్గం

మహబూబ్ నగర్ జిల్లా లోని 14 అసెంబ్లీ నియోజకవర్గాలలో ఇది ఒకటి. 2007లో చేయబడిన నియోజకవర్గాల పునర్వ్యవస్థీకరణ ప్రకారము ఈ అసెంబ్లీ నియోజకవర్గంలో 5 మండలాలు ఉన్నాయి. ఈ అసెంబ్లీ నియోజక వర్గం మహబూబ్‌నగర్ లోకసభ నియోజకవర్గంలో భాగం. పునర్విభజనకు పూర్వం అసంపూర్తిగా ఉన్న మద్దూరు మండలం ప్రస్తుతం పూర్తిగా ఈ నియోజకవర్గంలో చేరగా, ఇదివరకు ఈ నియోజకవర్గంలో ఉన్న దామరగిద్ద మండలం కొత్తగా ఏర్పాటైన నారాయణపేట అసెంబ్లీ నియోజకవర్గంలో కలిసింది.

కొడంగల్
—  శాసనసభ నియోజకవర్గం  —
కొడంగల్
అక్షాంశరేఖాంశాలు:
దేశము	భారత దేశం
రాష్ట్రం	తెలంగాణ
జిల్లా	మహబూబ్ నగర్
ప్రభుత్వం
- శాసనసభ సభ్యులు

ఈ నియోజకవర్గం పరిధిలోని మండలాలు

• కోడంగల్
• కోస్గి
• బొంరాస్‌పేట్
• దౌలతాబాద్
• మద్దూరు

నియోజకవర్గపు గణాంకాలు

• 2001 లెక్కల ప్రకారము జనాభా: 2,50,792.
• ఓటర్ల సంఖ్య (ఆగస్టు 2008 నాటికి): 1,92,937.
• ఎస్సీ, ఎస్టీల శాతం: 16.32%, 10.54

నియోజకవర్గపు భౌగోళిక సరిహద్దులు

మహబూబ్ నగర్ జిల్లాలో వాయువ్యాన ఉన్న ఈ నియోజకవర్గానికి తూర్పున రంగారెడ్డి జిల్లాకు చెందిన పరిగి అసెంబ్లీ నియోజకవర్గం, ఉత్తరాన రంగారెడ్డి జిల్లాకే చెందిన తాండూర్ అసెంబ్లీ నియోజకవర్గం ఉండగా, వాయువ్యాన, దక్షిణాన నారాయణపేట అసెంబ్లీ నియోజకవర్గం ఉంది. పశ్చిమాన కర్ణాటక రాష్ట్రం సరిహద్దుగా ఉంది.

ఎన్నికైన శాసనసభ్యులు

ప్రస్తుతం ఈ నియోజకవర్గం నుంచి ప్రస్తుతం అనుముల రేవంత్ రెడ్డి శాసనసభ్యుడిగా కొనసాగుతున్నాడు.

ఇంతవరకు ఈ నియోజకవర్గం నుంచి గెలుపొందిన శాసనసభ్యులు

సంవత్సరం	గెలుపొందిన సభ్యుడు	పార్టీ	ప్రత్యర్థి	ప్రత్యర్థి పార్టీ
1952	వీరాస్వామి	కాంగ్రెస్	ఏకగ్రీవ ఎన్నిక	-
	అనంతరెడ్డి	కాంగ్రెస్	బి.జాన్ గోపాల్	ఆర్.పి.ఐ
1957	కె. అచ్యుతరెడ్డి	కాంగ్రెస్	విఠల్‌ రావు	పి.డి.ఎఫ్
1962	రుక్మారెడ్డి	స్వతంత్ర పార్టీ	కె. అచ్యుతరెడ్డి	కాంగ్రెస్
1967	కె. అచ్యుతరెడ్డి	కాంగ్రెస్	మల్లారెడ్డి	స్వతంత్ర అభ్యర్థి
1972	నందారం వెంకటయ్య	స్వతంత్ర అభ్యర్థి	కె.ఎస్.రెడ్డి	స్వతంత్ర అభ్యర్థి
1978	రావులపల్లి గురునాథ్ రెడ్డి	ఇండిపెండెంట్ (స్వతంత్ర అభ్యర్థి)	చిన్న వీరన్న (పులి)	భారత జాతీయ కాంగ్రెస్
1983	రావులపల్లి గురునాథ్ రెడ్డి	భారత జాతీయ కాంగ్రెస్	నందారం వెంకటయ్య	ఇండిపెండెంట్ (స్వతంత్ర అభ్యర్థి)
1985	నందారం వెంకటయ్య	తెలుగుదేశం పార్టీ	రావులపల్లి గురునాథ్ రెడ్డి	భారత జాతీయ కాంగ్రెస్
1989	రావులపల్లి గురునాథ్ రెడ్డి	భారత జాతీయ కాంగ్రెస్	రతన్‌లాల్ లాహోటి	తెలుగుదేశం పార్టీ
1994	నందారం వెంకటయ్య	తెలుగుదేశం పార్టీ	రావులపల్లి గురునాథ్ రెడ్డి	భారత జాతీయ కాంగ్రెస్
1996	నందారం సూర్యనారాయణ	తెలుగుదేశం పార్టీ	రావులపల్లి గురునాథ్ రెడ్డి	భారత జాతీయ కాంగ్రెస్
1999	రావులపల్లి గురునాథ్ రెడ్డి	భారత జాతీయ కాంగ్రెస్	డి.శారద	తెలుగుదేశం పార్టీ
2004	రావులపల్లి గురునాథ్ రెడ్డి	భారత జాతీయ కాంగ్రెస్	ఎం.అనురాధ	తెలుగుదేశం పార్టీ
2009	రేవంత్ రెడ్డి	తెలుగుదేశం పార్టీ	రావులపల్లి గురునాథ్ రెడ్డి	కాంగ్రెస్ పార్టీ
2014	రేవంత్ రెడ్డి	తెలుగుదేశం పార్టీ	రావులపల్లి గురునాథ్ రెడ్డి	తెలంగాణ రాష్ట్ర సమితి
2018	పట్నం నరేందర్ రెడ్డి	తెలంగాణ రాష్ట్ర సమితి	రేవంత్ రెడ్డి	తెలుగుదేశం పార్టీ

వివిధ పార్టీల పరిస్థితి

ఈ నియోజకవర్గంలో మొదటి నుంచి భారత జాతీయ కాంగ్రెస్ ఆధిపత్యం వహిస్తున్నది. 1983లో తెలుగుదేశం పార్టీ స్థాపించిన తరువాత ఆ పార్టీ కూడా ఈ నియోజకవర్గంలో ఉనికిని చూపుతోంది. ఇప్పటివరకు జరిగిన శాసనసభ ఎన్నికలలో 4 సార్లు కాంగ్రెస్ విజయం సాధించగా, తెలుగుదేశం రెండు సార్లు విజయం సాధించింది. 1985 తరువాత విజయం సాధించిన అభ్యర్థులకు పోలైన ఓట్లలో 50% మించి ఓట్లు రావడం విశేషం. దీనికి ప్రధాన కారణం ఈ నియోజకవర్గంలో మూడో పార్టీ బలంగా లేకపోవడం. ఈ నియోకవర్గం నుంచి ప్రస్తుతం శాసనసభ్యుడిగా కొనసాగుతున్న గురునాథ్ రెడ్డి ఐదోసారి విజయం సాధించాడు. మొదటిసారి 1978లో స్వతంత్ర అభ్యర్థిగా నిలబడి గెలవగా ఆ తరువాత 4 సార్లు కాంగ్రెస్ పార్టీ తరఫున పోటీచేసి విజయం సాధించాడు.

1999 ఎన్నికలు

1999 ఎన్నికలలో కాంగ్రెస్ పార్టీ అభ్యర్థి ఆర్.గురునాథ్ రెడ్డి తన ప్రత్యర్థి అయిన తెలుగుదేశం పార్టీకి చెందిన డి.శారదపై 13702 ఓట్ల ఆధిక్యతతో విజయం సాధించాడు. గురునాథ్ రెడ్డికి 59624 ఓట్లు రాగా, శారద 45922 ఓట్లు సాధించింది.

2004 ఎన్నికలు

2004 శాసనసభ ఎన్నికలలో కొడంగల్ అసెంబ్లీ నియోజకవర్గం నుంచి కాంగ్రెస్ పార్టీకి చెందిన గురునాథ్ రెడ్డి తన సమీప ప్రత్యర్థి అయిన ఎన్.ఎం.అనురాధపై 5965 ఓట్ల మెజారిటీతో గెలుపొందినాడు. గురునాథ్ రెడ్డి 61452 ఓట్లు సాధించగా, అరుణకు 55487 ఓట్లు లభించాయి.

2004 ఎన్నికల గణాంకాలు
			ఓట్లు
పోలైన ఓట్లు			116939
గురునాథ్ రెడ్డి*			52.55%
అనురాధ*			47.45%
* చెల్లిన ఓట్లలో గెలుచుకున్న ఓట్లు

2004 ఎన్నికల గణాంకాలు

మొత్తం ఓట్లు	177327
పోలై చెల్లిన ఓట్లు	116939
ఓటింగ్ శాతం	65.97%
పోటీపడిన అభ్యర్థులు	2
పోలింగ్ కేంద్రంల సంఖ్య	188

అభ్యర్థి పేరు	పార్టీ	పొందిన ఓట్లు
గురునాథ్ రెడ్డి	కాంగ్రెస్ పార్టీ	61452
ఎం.ఎన్.అనురాధ	తెలుగుదేశం పార్టీ	55487

2009 ఎన్నికలు

2009 ఎన్నికలలో ఈ నియోజకవర్గం నుండి కాంగ్రెస్ పార్టీ తరఫున సీనియర్ నాయకుడు ఆర్.గురునాథ్ రెడ్డి పోటీ చేయగా, తెలుగుదేశం పార్టీ నుండి ఎమ్మెల్సీ అయిన రేవంత్ రెడ్డి పోటీచేశాడు. భారతీయ జనతా పార్టీ నుండి అనంతరామచందర్, లోకసత్తా పార్టీ తరఫున ఎస్.జయప్రకాష్, ప్రజారాజ్యంతో పొట్టు పెట్టుకున్న మనపార్టీ తరఫు నుండి సావిత్రి పోటీచేశారు. ప్రధాన పోటీ తెలుగుదేశం, కాంగ్రెస్ పార్టీల మధ్య జరుగగా తెలుగుదేశం పార్టీ అభ్యర్థి రేవంత్ రెడ్డి తన సమీప ప్రత్యర్థి, కాంగ్రెస్ పార్టీ అభ్యర్థి గురునాథరెడ్డిపై 6989 ఓట్ల మెజారిటీతో విజయం సాధించాడు.

2009 ఎన్నికలలో వివిధ రాజకీయ పార్టీలు పొందిన ఓట్ల వివరాలు

క్రమసంఖ్య	రాజకీయ పార్టీ	పొందిన ఓట్లు
1	తెలుగుదేశం పార్టీ	61685
2	కాంగ్రెస్ పార్టీ	54696
3	భారతీయ జనతా పార్టీ	3172
4	ప్రజారాజ్యం పార్టీ	2784
5	లోక్‌సత్తా పార్టీ	884
6	ఇతరులు	9568

నియోజకవర్గపు ప్రముఖులు

ఆర్.గురునాథ్ రెడ్డి

మహబూబ్ నగర్ జిల్లాలోని సీనియర్ కాంగ్రెస్ నేతలలో ఒకడైన రావులపల్లి గురునాథ్ రెడ్డి మొత్తం 5 సార్లు ఈ నియోజకవర్గం నుంచి ఎన్నికయ్యాడు. మధ్యలో రెండు సార్లు తెలుగుదేశం పార్టీకి చెందిన నందారం వెంకటయ్య చేతిలో పరాజయం పొందిననూ నియోజకవర్గంలో పట్టు కోల్పోలేడు. ఇతని కుమారుడు ముద్దయ్య దేశ్‌ముఖ్ కొడంగల్ మండల అధ్యక్షుడిగా పనిచేశాడు. 2009 ఎన్నికలలో కాంగ్రెస్ పార్టీ తరఫున మళ్ళీ పోటీ చేసిననూ తెలుగుదేశం అభ్యర్థి రేవంత్ రెడ్డి చేతిలో సుమారు ఏడువేల ఓట్ల తేడాతో పరాజయం పొంది హాట్రిక్ అవకాశం కోల్పోయాడు.

నందారం వెంకటయ్య

ఈ నియోజకవర్గం నుంచి మూడు సార్లు గెలుపొందిన నందారం వెంకటయ్య 1972లో స్వతంత్ర అభ్యర్థిగాను, 1985 , 1994లలో తెలుగుదేశం పార్టీ తరఫున ఎన్నికైనాడు.

అనుముల రేవంత్ రెడ్డి

2006లో మిడ్జిల్ మండలం జడ్పీటీసి సభ్యుడుగా విజయం సాధించి, ఆ తర్వాత రాజీనామా చేసి శాసనసభ ఉప ఎన్నికలలో గెలుపొందినాడు. 2009లో కొడంగల్ నుంచి తెలుగుదేశం పార్టీ తరఫున పోటీచేసి కాంగ్రెస్ పార్టీ సీనియర్ సభ్యుడు రావులపల్లి గుర్నాథరెడ్డిపై విజయం సాధించాడు. నాగం జనార్థన్ రెడ్డి తెలుగుదేశం పార్టీ నుంచి వెళ్ళిపోయిన పిదప రేవంత్ రెడ్డి జిల్లాలోనే కాకుండా తెలంగాణ ప్రాంతంలోనే పార్టీ తరఫున ప్రముఖ నాయకుడిగా చెలామణి అవుతున్నాడు. ఇతని దూకుడు స్వభావం వలన మీడియా లో ప్రముఖునిగా పేరు పొందాడు.

నియోజకవర్గం నుండి గెలుపొందిన శాసనసభ్యులు

ఇంతవరకు సంవత్సరాల వారీగా నియోజకవర్గంలో గెలుపొందిన సభ్యుల పూర్తి వివరాలు ఈ క్రింది పట్టికలో నుదహరించబడినవి.

సంవత్సరం	అసెంబ్లీ నియోజకవర్గం సంఖ్య	పేరు	నియోజక వర్గం రకం	గెలుపొందిన అభ్యర్థి పేరు	లింగం	పార్టీ	ఓట్లు	ప్రత్యర్థి పేరు	లింగం	పార్టీ	ఓట్లు
2014	72	కొడంగల్	జనరల్	అనుముల రేవంత్ రెడ్డి	M	తెలుగుదేశం పార్టీ	N.A	గురునాథ రెడ్డి	M	N.A	N.A
2009	72	కొడంగల్	జనరల్	అనుముల రేవంత్ రెడ్డి	M	తెలుగుదేశం పార్టీ	61685	గురునాథ రెడ్డి	M	భారత జాతీయ కాంగ్రెస్	54696
2004	200	కొడంగల్	జనరల్	గురునాథ రెడ్డి	M	భారత జాతీయ కాంగ్రెస్	61452	శ్రీమతి ఎన్.ఎం.అనూరాధ	M	తెలుగుదేశం పార్టీ	55487
1999	200	కొడంగల్	జనరల్	గురునాథ రెడ్డి	M	భారత జాతీయ కాంగ్రెస్	59624	Smt.D.Sharada	F	తెలుగుదేశం పార్టీ	45922
1996	ఉప ఎన్నిక	కొడంగల్	జనరల్	నందరం నిడిదొడ్డి సూర్యనారాయణ	M	తెలుగుదేశం పార్టీ	51949	గురునాథ రెడ్డి	M	భారత జాతీయ కాంగ్రెస్	45285
1994	200	కొడంగల్	జనరల్	నందరం వెంకటయ్య	M	తెలుగుదేశం పార్టీ	55881	గురునాథ రెడ్డి	M	భారత జాతీయ కాంగ్రెస్	39438
1989	200	కొడంగల్	జనరల్	గురునాథ రెడ్డి	M	భారత జాతీయ కాంగ్రెస్	52314	రతన్‌లాల్ లహోటి	M	తెలుగుదేశం పార్టీ	31729
1985	200	కొడంగల్	జనరల్	ఎన్.వి.వెంకయ్య	M	తెలుగుదేశం పార్టీ	42531	గురునాథ రెడ్డి	M	భారత జాతీయ కాంగ్రెస్	31917
1983	200	కొడంగల్	జనరల్	గురునాథ రెడ్డి	M	భారత జాతీయ కాంగ్రెస్	33820	నందరం వెంకటయ్య	M	ఇండిపెండెంట్	30456
1978	200	కొడంగల్	జనరల్	గురునాథ రెడ్డి	M	ఇండిపెండెంట్	22936	చిన్న వీరన్న (పులి)	M	భారత జాతీయ కాంగ్రెస్ (I)	19213
1972	199	కొడంగల్	జనరల్	నందరం వెంకటయ్య	M	IND	16432	కె.శ్రీనివాసరెడ్డి	M	ఇండిపెండెంట్	14599
1967	199	కొడంగల్	జనరల్	కె.ఎ.రెడ్డి	M	భారత జాతీయ కాంగ్రెస్	23865	ఎం.రెడ్డి	M	ఇండిపెండెంట్	14880
1962	204	కొడంగల్	జనరల్	రుక్మా రెడ్డి	M	SWA	13028	కె.అత్యుత రెడ్డి	M	భారత జాతీయ కాంగ్రెస్	12028
1957	8	కొడంగల్	జనరల్	అత్యుత రెడ్డి	M	భారత జాతీయ కాంగ్రెస్	9502	విఠల్ రావు	M	PDF	6805

ఇవి కూడా చూడండి

• ఆంధ్ర ప్రదేశ్ శాసనసభ్యుల జాబితా