శ్రీవిష్ణు (నటుడు)

శ్రీ విష్ణు ఒక తెలుగు నటుడు. అతను బాణం, సోలో లో కొన్ని చిన్న పాత్రలతో నటుడిగా పరిచయమయ్యాడు. 2013లో ప్రేమ ఇష్క్ కాదల్ చిత్రంలో 'రాయల్ రాజు'గా తరువాత సంవత్సరం సెకండ్ హ్యండ్ చిత్రం, 2016లో అప్పట్లో ఒకడుండేవాడు తో మంచి గుర్తింపు పొందాడు.

శ్రీవిష్ణు
2019 లో శ్రీ విష్ణు
జననం	(1985-08-30) 1985 ఆగస్టు 30 విశాఖపట్నం
వృత్తి	నటుడు
క్రియాశీల సంవత్సరాలు	2012–నేటి వరకు
జీవిత భాగస్వామి	ప్రశాంతి

వ్యక్తిగత జీవితం

శ్రీవిష్ణు విశాఖపట్నం లో చదివాడు. విశాఖపట్నం గాంధీ ఇన్‌స్టిట్యూట్ ఆఫ్ టెక్నాలజీ అండ్ మేనేజ్మెంట్ నుండి బిజినెస్ మేనేజ్మెంట్ పట్టా పొందాడు. కాలేజీలో శ్రీవిష్ణు నాటకబృందంలో సభ్యుడు. క్రికెట్ అంటే కూడా అతనికి ఆసక్తి. యువకుడిగా ఉన్నప్పుడు అతను ఆంధ్ర ప్రదేశ్ అండర్ -19 జట్టుకు ప్రాతినిథ్యం వహించాడు.

నటుడిగా

బాణం, సోలో లో కొన్ని చిన్న పాత్రలతో నటుడిగా పరిచయమయ్యాడు. 2013 లో, ప్రేమా ఇష్క్ కాదల్ చిత్రంలో ప్రధాన పాత్ర పోషించటానికి దర్శకుడు పవన్ సాదినేనిని కలుసుకున్నాడు. 2014 లో నారా రోహిత్ నటించిన ప్రతినిథి సినిమాలో ఒక హోం మంత్రి కుమారుడిగా నటించారు.

కొన్ని చిన్న పాత్రలలో నటించిన తరువాత, 2016 లో అప్పట్లో ఒకడుండేవాడు చిత్రంలో ప్రధాన పాత్ర పోషించాడు.

నటించిన చిత్రాలు

సంవత్సరం	చలన చిత్రం	పాత్ర	దర్శకుడు	గమనిక
2009	బాణం
2011	సోలో	గౌతమ్ స్నేహితుడు	పరశురామ్
2012	కాదల్ సొదప్పువది ఎప్పిడి	రూపేష్		తమిళ చిత్రం
	లవ్ ఫెయిల్యూర్
	నా ఇష్టం	గణేష్ స్నేహితుడు
	లైఫ్ ఈజ్ బ్యూటీఫుల్	అశొక్
2013	ప్రేమ ఇష్క్ కాదల్	రయల్ రాజు	పవన్ సాదినేని
	సెకండ్‌ హ్యాండ్‌	చైతన్య	కిషోర్ తిరుమల
	ఒక్కడినే	శైలజ సోదరుడు
2014	ప్రతినిధి	శ్రీకర్	ప్రశాంత్ మండవ
2015	సన్నాఫ్ సత్యమూర్తి	విరాజ్ ఆనంద్ స్నేహితుడు	త్రివిక్రమ్ శ్రీనివాస్
	అసుర			అతిది పాత్ర
2016	అప్పట్లో ఒకడుండేవాడు	రైల్వే రాజు	సాగర్ కె.చంద్ర
	జయమ్ము నిశ్చయమ్మురా	కాంతా రావు	కనుమూరి శివ రాజ్
2017	మా అబ్బాయి		వట్టి కుమార్
	ఉన్నది ఒకటే జిందగీ	వాసు	తిరుమల కిషోర్
	మెంటల్ మదిలో	అరవింద్ కృష్ణ	వివేక్ ఆత్రేయ
2018	నీదీ నాదీ ఒకే కథ	సాగర్‌	వేణు ఊడుగుల
	వీర భోగ వసంత రాయలు	వీర భోగ వసంత రాయలు/ నిఖిల్	ఆర్. ఇంద్రసేన
2019	బ్రోచేవారెవరురా	రాహుల్
	తిప్పరా మీసం	మణిశంకర్
2021	గాలి సంపత్	సూరి
	రాజ రాజ చోర	భాస్కర్
	అర్జున ఫల్గుణ	అర్జున
2022	భళా తందనానా