మధుబాల (రోజా ఫేమ్‌)
మధుబాల ఒక భారతీయ చలనచిత్ర నటి. ఈమె హిందీ, తమిళ,తెలుగు, మలయాళ భాషలలో సుమారు 52 చలన చిత్రాలలో నటించింది. ఈమె అసలు పేరు మధు కాగా దర్శకుడు కె.బాలచందర్ సలహాతో మధుబాలగా మార్చుకుంది. ఈమెకు బాగా పేరు తెచ్చిపెట్టిన సినిమా మణిరత్నం దర్శకత్వంలో వచ్చిన రోజా. ఈ సినిమా దాదాపు అన్ని ప్రధాన భారతీయ భాషలలోకి అనువదించబడింది[1].
| మధుబాల | |
|---|---|
 | |
| జననం | మధు 1972 మార్చి 26 చెన్నై, భారతదేశం |
| వృత్తి | చలనచిత్ర నటి |
| క్రియాశీలక సంవత్సరాలు | 1991-2001, 2013 - ప్రస్తుతం |
| మతం | హిందూ మతం |
| భార్య / భర్త | ఆనంద్ షా |
| పిల్లలు | అమేయ, కేయా |
| తండ్రి | టి.రఘునాథ్ |
| తల్లి | రేణుక |
విశేషాలు
మార్చుఈమె ప్రముఖ హిందీ నటి హేమా మాలినికి మేనకోడలు. ఈమె తండ్రి టి.రఘునాథ్ చలనచిత్ర నిర్మాత. తల్లి పేరు రేణుక. ఈమె తల్లి వద్ద భరతనాట్యం నేర్చుకుంది. ఈమె తల్లి క్యాన్సర్ వ్యాధితో మధు 13 ఏళ్ల వయసులోనే మరణించింది. ఈమె తన మేనత్త హేమా మాలినిని ఆదర్శంగా తీసుకుని సినిమాలలో నటించాలని భావించింది. దానికోసం రోషన్ తనేజా స్కూల్ ఆఫ్ యాక్టింగ్‌లో కొంతకాలం తర్ఫీదు తీసుకుంది. ఈమె మొదట ఒట్టయల్ పట్టాలమ్‌ (ഒറ്റയാൾ പട്ടാളം) అనే మలయాళ సినిమాలో నటించింది. రెండవ సినిమాకే కె.బాలచందర్ దర్శకత్వంలో నటించే అవకాశం వచ్చింది. హిందీ భాషలో అజయ్ దేవగణ్తో ఫూల్ ఔర్ కాంటే చిత్రంలో తొలిసారి నటించింది. ఈమె 2001 వరకు సినిమాలలో విరివిగా నటించి అటు పిమ్మట సినిమాలకు కొంత విశ్రాంతిని ఇచ్చి ఇప్పుడు మళ్ళీ కొన్ని సినిమాలలో నటిస్తూ ఉంది. ఈమె గుజరాతీ వ్యాపారి ఆనంద్ షాను వివాహం చేసుకుని అమెరికాలో నివసించింది. వీరికి అమేయ, కేయా అనే ఇద్దరు కూతుళ్లు ఉన్నారు.
ఫిల్మోగ్రఫీ
మార్చు| సంవత్సరము | చిత్రము | భాష | దర్శకత్వం | ఇతర నటులు | నోట్స్ |
|---|---|---|---|---|---|
| 1990 | పోలీస్ అధికారి/ పులన్ విసారణై | తెలుగు, తమిళం | ఆర్.కె.సెల్వమణి | విజయ కాంత్ | |
| 1992 | రోజా | తమిళం, తెలుగు, మరాఠీ, హిందీ | మణిరత్నం | అరవింద్‌ స్వామి | |
| 1993 | అల్లరి ప్రియుడు | తెలుగు | కె.రాఘవేంద్రరావు | రాజశేఖర్, రమ్యకృష్ణ | |
| 1993 | జెంటిల్ మేన్ | తమిళం, తెలుగు | ఎస్.శంకర్ | అర్జున్ | |
| 1994 | పుట్టినిల్లు - మెట్టినిల్లు | తెలుగు | కె.వాసు | భానుచందర్ | |
| 1996 | మిస్టర్ రోమియో | తమిళం, తెలుగు, హిందీ | కె.ఎస్.రవి | ప్రభుదేవా, శిల్పా శెట్టి | |
| 2013 | అంతకు ముందు... ఆ తరువాత... | తెలుగు | ఇంద్రగంటి మోహనకృష్ణ | సుమంత్ అశ్విన్ | |
| 2015 | సూర్య వర్సెస్ సూర్య | తెలుగు | కార్తీక్ ఘట్టమనేని | ||
| 2016 | నాన్నకు ప్రేమతో | తెలుగు | సుకుమార్ | ఎన్.టి.ఆర్, రకుల్ ప్రీత్ సింగ్ | |
| 2021 | నెయిల్ పాలిష్ | హిందీ | బగ్స్ భార్గవ కృష్ణ | అర్జున్ రాంపాల్, మానవ్ కౌల్ | |
| 2022 | రిపీట్ | తెలుగు | నవీన్ చంద్ర | ||
| 2022 | డెజావు | తెలుగు | అరుళ్‌ నిధి | ||
| 2024 | ఈగల్ | తెలుగు | కార్తీక్ ఘట్టమనేని | రవితేజ, అనుపమ పరమేశ్వరన్‌, శ్రీనివాస్‌ అవసరాల, కావ్య థాపర్‌ | నిర్మాణంలో ఉంది.[2] |
| 2024 | గేమ్ ఆన్ | దయానంద్‌ | గీతానంద్‌, నేహా సోలంకి |
మూలాలు
మార్చు- ↑ ఎస్, సత్యబాబు (26 August 2012). "చిన్ని చిన్ని ఆశ... మళ్లీ చిగురించదా!". సాక్షి ఫన్‌డే. Retrieved 19 March 2017.[permanent dead link]
- ↑ "Ravi Teja: ఆ చూపె మరణం.. ఆ అడుగె సమరం | eagle title announcement". web.archive.org. 2023-08-21. Archived from the original on 2023-08-21. Retrieved 2023-08-21.
{{cite web}}: CS1 maint: bot: original URL status unknown (link)
బయటిలింకులు
మార్చు- ఇంటర్నెట్ మూవీ డేటాబేసు లో మధుబాల పేజీ