శివాజీ రాజా
శివాజీ రాజా (ఫిబ్రవరి 26 1962)[2] తెలుగు సినిమా టీవి నటుడు. నటుడుగా 1985లో చిత్రరంగ ప్రవేశం చేసిన శివాజీరాజా 260 చిత్రాలకు పైగానే నటించాడు. ఎం.వి.రఘు దర్శకత్వంలో గొల్లపూడి రాసిన కళ్ళు అనే నాటిక ఆధారంగా రూపొందిన అదే పేరుగల చిత్రంలో నటుడిగా గుర్తింపు పొందిన శివాజీ రాజా ఈ ప్రయోగాత్మక చిత్రం ద్వారా ఉత్తమ నూతన నటుడుగా నంది అవార్డు స్వీకరించాడు.[3] పెళ్ళిసందడి, సిసింద్రీ, ఘటోత్కచుడు, మురారి, శంకర్ దాదా ఎంబీబీఎస్ లాంటి సినిమాలలో చెప్పుకోదగ్గ పాత్రలలో నటించాడు.
| శివాజీ రాజా | |
|---|---|
 శివాజీ రాజా | |
| జననం | 1962 ఫిబ్రవరి 26[1] భీమవరం |
| ఇతర పేర్లు | శివాజీ రాజా |
| ప్రసిద్ధి | తెలుగు సినిమా హాస్యనటుడు |
| మతం | హిందూ |
| భార్య / భర్త | అరుణ |
| పిల్లలు | విజయ్‌ రాజా |
| తండ్రి | జి. రామరాజు |
| తల్లి | జి. చంద్రావతి |
గుణ్ణం గంగరాజు నిర్మాణ సారథ్యంలో జెమినీ టీవీలో ప్రసారమై బాగా ప్రాచుర్యం పొందిన అమృతం ధారావాహికలో కొన్ని ఎపిసోడ్లలో ప్రధాన పాత్రయైన అమృతం పాత్రను పోషించాడు. మాటీవీలో కొద్దికాలం పాటు సంబరాల రాంబాబు అనే ధారావాహిక ను కూడా నిర్వహించాడు. ప్రస్తుతం సినిమా రంగంలోనూ, టీవీ రంగంలోనూ కొనసాగుతున్నాడు.
జీవిత విశేషాలు సవరించు
శివాజీ రాజా ఫిబ్రవరి 26, 1962 న రామరాజు, చంద్రావతి దంపతులకు జన్మించాడు. తండ్రి భీమవరం లోని డి.ఎన్.ఆర్ కళాశాలలో అటెండరుగా పని చేసేవాడు. శివాజీ రాజా హైదరాబాదులో పాలిటెక్నిక్ పూర్తి చేసి అక్కడే నటనలో శిక్షణ తీసుకున్నాడు. శిక్షణ పూర్తయ్యాక వారి కుటుంబం చెన్నైకి మారింది.[1]
సినిమా సవరించు
శివాజీ రాజా మొదటి సినిమా కళ్ళు. ఆయన నటించిన ఇతర సినిమాలు.
- సముద్రం
- ఘటోత్కచుడు
- సిసింద్రీ
- మావిచిగురు
- అసాధ్యులు (1992)
- పెళ్ళి సందడి
- అహోబ్రహ్మ ఒహోశిష్య (1997)
- ప్రేయసి రావే
- కుర్రాళ్ళ రాజ్యం
- ఖడ్గం
- పాపే నా ప్రాణం (2000)
- ప్రేమసందడి (2001)
- విలన్ (2003)
- మొగుడ్స్ పెళ్ళామ్స్
- అల్లరి పెళ్లాం
- పుట్టింటికి రా చెల్లి (2004)
- దేవరాయ (2012)
- నందీశ్వరుడు (2012)
- సేవకుడు (2013)
- జగన్నాటకం (2015)
- టాప్ ర్యాంకర్స్ (2015)[4]
- సౌఖ్యం (2015)[5]
- అమ్మాయిలంతే అదో టైపు (2017)
- ఇదం జగత్ (2018)
- సూర్యకాంతం (2019)
- అప్పుడు ఇప్పుడు (2021)
- అర్జున ఫల్గుణ (2021)
- పోస్టర్(2021)
- జెట్టి (2022)
కుటుంబం సవరించు
ఆయన భార్య పేరు అరుణ.
మూలాలు సవరించు
- ↑ 1.0 1.1 "Telugu Movie Actor Sivaji Raja". nettv4u.com. Retrieved 12 September 2016.
- ↑ తెలుగు ఒన్.కాం నుండి
- ↑ విజయక్రాంతి, సినిమాలు (10 August 2018). "30 ఏళ్లుగా మరవలేని 'కళ్లు'". Archived from the original on 26 April 2019. Retrieved 26 April 2019.
- ↑ 123తెలుగు, రివ్యూ (30 January 2015). "Top Rankers Review and Rating". www.123telugu.com. Archived from the original on 26 December 2019. Retrieved 24 February 2020.
- ↑ మన తెలంగాణ, వార్తలు (25 October 2015). "అనుబంధాలు, ఆప్యాయతల సౌఖ్యం". Archived from the original on 2020-06-12. Retrieved 12 June 2020.