పి.ఎన్.రామచంద్రరావు

పి.ఎన్.రామచంద్రరావు ఒక భారతీయ చలనచిత్ర దర్శకుడు, నిర్మాత, సినీరచయిత. ఇతడు తెలుగు, తమిళ, కన్నడ చలనచిత్ర రంగాలలో పనిచేశాడు.

పి.ఎన్.రామచంద్రరావు
జననం	18 ఆగష్టు 1955 చదలవాడ, తెనాలి తాలూకా, గుంటూరు జిల్లా, ఆంధ్రప్రదేశ్, భారతదేశం
వృత్తి	సినిమా దర్శకుడు, నిర్మాత, సినిమా రచయిత
క్రియాశీల సంవత్సరాలు	1980 - ప్రస్తుతం

ఇతడు చదలవాడ గ్రామంలో జన్మించినప్పటికీ ఇతని బాల్యమంతా నెల్లూరు జిల్లా పార్లపల్లెలో గడిచింది. 1973లో మద్రాసులోని సౌత్ ఇండియన్ ఫిల్మ్‌ ఛాంబర్ ఆఫ్ కామర్స్ వారు నడుపుతన్న ఫిల్మ్‌ ఇన్స్‌టిట్యూట్‌లో నటనలో శిక్షణ కొరకు ఒక ప్రకటన వెలువడింది. 18 యేళ్ళ రామచంద్రరావు ఆ కోర్సులో చేరడానికి మద్రాసు వెళ్ళాడు. అయితే ఆ కోర్సులో చేరడానికి కనీస వయసు 21 సంవత్సరాలు కాబట్టి అతడికి ఆ కోర్సులో ప్రవేశం లభించలేదు. ఒంటరిగా ఏడుస్తున్న రామచంద్రరావును చూసి సీనియర్ నిర్మాత డూండీ ఇతడిని పలకరించి విషయం తెలుసుకుని నెల్లూరుకు చెందిన దర్శకుడు పి.చంద్రశేఖరరెడ్డిని కలవమని సలహా ఇచ్చాడు. డూండీ సలహా ప్రకారం ఇతడు పి.చంద్రశేఖరరెడ్డిని కలుసుకుని అతని వద్ద కొత్త కాపురం చిత్రానికి అసిస్టెంట్ డైరెక్టర్‌గా చేరాడు.

వృత్తి

పి.ఎన్.రామచంద్రరావు గిరిబాబు నిర్మించిన సంధ్యారాగం చిత్రానికి తొలిసారిగా దర్శకత్వం వహించాడు. 1983లో వీరిద్దరి కాంబినేషన్‌లో వచ్చిన మెరుపు దాడి సినిమా గొప్ప విజయాన్ని సాధించింది. 1987లో ఇతడు తన స్నేహితులను భాగస్వాములుగా చేసుకుని నిర్మాతగా మారి గాంధీనగర్ రెండవ వీధి సినిమాని స్వీయ దర్శకత్వంలో నిర్మించాడు. ఇదే కాకుండా చిత్రం భళారే విచిత్రం వంటి విజయవంతమైన 12 సినిమాలను ఇప్పటివరకూ నిర్మించాడు.

సినిమాల జాబితా

ఇతడు దర్శకత్వం వహించిన తెలుగు సినిమాల పాక్షిక జాబితా:

విడుదల సంవత్సరం	సినిమా పేరు	నటీనటులు	విశేషాలు
1981	సంధ్యారాగం	గిరిబాబు, శరత్ బాబు, ప్రభ	మొదటి సినిమా
1984	మెరుపు దాడి	భానుచందర్, సుమలత, గిరిబాబు
1985	యముడు	భానుచందర్, అశ్వని	అశ్వని మొదటి సినిమా
1985	వస్తాద్	భానుచందర్, తులసి	నిర్మాతగా శ్యామ్ ప్రసాద్ రెడ్డి మొదటి సినిమా
1986	కోటిగాడు	అర్జున్, శరత్ బాబు, రాధిక
1986	ప్రైవేట్ మాస్టర్
1986	భయం భయం
1987	గాంధీనగర్ రెండవ వీధి	రాజేంద్ర ప్రసాద్, చంద్ర మోహన్, గౌతమి	* గౌతమి మొదటి తెలుగు సినిమా. * సంగీత దర్శకుడిగా జి.ఆనంద్ మొదటి సినిమా.
1988	ఆగష్టు 15 రాత్రి	అర్జున్, గౌతమి, శరత్ బాబు
1988	డాక్టర్ గారి అబ్బాయి	అర్జున్, ఆశారాణి, శివకృష్ణ
1989	శక్తి
1989	సాక్షి	రఘువరన్, జయసుధ, నిర్మల	లిజి నటించిన తొలి తెలుగు సినిమా
1990	మాస్టారి కాపురం	రాజేంద్రప్రసాద్, గాయత్రి	ఈ సినిమాకి ఉత్తమ సహాయనటి, ఉత్తమ సంభాషణల రచయిత విభాగాలలో రెండు నంది పురస్కారాలు లభించాయి
1991	ఇంట్లో పిల్లి వీధిలో పులి	చంద్రమోహన్, సురేష్, యమున
1991	చిత్రం భళారే విచిత్రం	నరేష్, శుభలేఖ సుధాకర్, రాజీవి	ఈ సినిమాద్వారా నటిగా రాజీవి పరిచయమయింది. ఉత్తమ మేకప్ విభాగంలో నంది పురస్కారం లభించింది.
1992	పెళ్ళినీకు శుభం నాకు	నరేష్, దివ్యవాణి
1993	అత్తకు కొడుకు మామకు అల్లుడు	వినోద్ కుమార్, రోజా, దివ్యవాణి
1993	అసలే పెళ్ళైనవాణ్ణి	నరేష్, సౌందర్య
1993	మనవరాలి పెళ్ళి	హరీష్, సౌందర్య
1994	తెగింపు	భానుచందర్	బి.జె.పికి చెందిన రాజకీయనాయకుడు ఎ.నరేంద్ర ఈ సినిమాలో విలన్‌గా నటించాడు. మరో రాజకీయ నాయకుడు ద్రోణంరాజు సత్యనారాయణ ముఖ్యమంత్రి పాత్రలో కనిపిస్తాడు.
1995	లీడర్	కృష్ణంరాజు, సుమన్, ప్రియ రామన్
1996	సహనం	ఆనంద్, ఊహ, ప్రకాష్ రాజ్	శ్రీలక్ష్మికి ఉత్తమ హాస్యనటిగా నందిపురస్కారం దక్కింది.
1998	శుభవార్త	అర్జున్, సౌందర్య
1999	మహిళ		ద్విభాషాచిత్రం (తెలుగు,కన్నడ)
2003	గోల్‌మాల్	జె.డి.చక్రవర్తి, నేహా పెండ్సే బయాస్, మీరా వాసుదేవన్	మీరా వాసుదేవన్ తొలి సినిమా

టెలివిజన్ సీరియళ్ళు

• "భక్త మార్కాండేయ" (2000) (ఈటీవిలో ప్రసారం)

బయటి లింకులు

• ఇంటర్నెట్ మూవీ డేటాబేసు లో పి.ఎన్.రామచంద్రరావు పేజీ