గీత (నటి)
గీత కాదంబి (జ. 14 జూలై 1962) ఒక భారతీయ చలనచిత్ర నటి. ఈమె తెలుగు, కన్నడ, తమిళం, మలయాళం, హిందీ భాషా చిత్రాలలో నటించింది. ఈమె భైరవి అనే తమిళ చిత్రంతో సినీ రంగప్రవేశం చేసింది. ఆ సినిమాలో హీరో రజనీకాంత్‌కు చెల్లెలుగా నటించింది. అప్పటి నుండి సుమారు 200కు పైగా అన్ని దక్షిణ భారతీయ చిత్రాలలో, కొన్ని హిందీ చిత్రాలలో నటించింది.[1][2] ఈమె కొన్ని టెలివిజన్ సీరియళ్లలో కూడా నటించింది. ఈమెకు రెండు ఫిల్మ్‌ఫేర్ పురస్కారాలు, ఒక కర్ణాటక రాష్ట్ర ఫిలిం అవార్డు, ఒక కేరళ రాష్ట్ర ఫిలిం అవార్డు లభించాయి.[3]
గీతా కాదంబి | |
|---|---|
 గీత | |
| జననం | 1962 జూలై 14 |
| వృత్తి | నటి |
| క్రియాశీల సంవత్సరాలు | 1979 – 1997 2004 – ప్రస్తుతం |
| జీవిత భాగస్వామి | వాసన్ తథమ్(వి.1997) |
| పిల్లలు | 1 |
వృత్తి
మార్చుగీత తన సినీరంగ ప్రవేశం 1978లో తమిళ సినిమా భైరవి చిత్రంలో టైటిల్ పాత్రను పోషించడంతో ఆరంభించింది. ఈ చిత్రంలో ఈమె రజనీకాంత్‌కు చెల్లెలుగా నటించింది. ఆ సమయంలో ఈమె 7వ తరగతి చదివే విద్యార్థిని.[4] ఈమెకు సినిమా అవకాశాలు వరుసగా రావడంతో 8వ తరగతితో చదువుకు స్వస్తి చెప్పి సినిమానటనపై దృష్టి పెట్టింది.[5] 1986లో వచ్చిన మలయాళం సినిమా పంచాగ్నిలో ఈమె నటించిన ఇందిర పాత్ర [6] కె.అజిత అనే విప్లవకారికి నిజజీవితం ఆధారంగా మలచబడింది. ఆ పాత్రలో గీత నటన ప్రేక్షకుల ఆదరణను పొందడమే కాక ది హిందూ దినపత్రిక ఈమెను మలయాళ సినిమా హీరోయిన్లలో ఒక మైలురాయిగా అభివర్ణించింది.[4] అదే యేడు ఈమె సుఖమో దేవి, క్షమించు ఎన్నోరు వక్కు, అవనళి, గీతమ్‌ మొదలైన పలు సినిమాలలో నటించి మలయాళ సినిమాలో పాపులర్ నటిగా గుర్తించబడింది.[4] 1989లో ఒరు వదక్కన్ వీరగాథ సినిమాలో నటనకు ద్వితీయ ఉత్తమనటిగా కేరళ రాష్ట్ర పురస్కారం [4] గెలుచుకుంది. మమ్ముట్టి, మోహన్ లాల్ లతో ఈమె ఎక్కువ చిత్రాలలో జంటగా నటించింది.
కన్నడ సినిమాలలో ఈమె రాజ్‌కుమార్, అనంత్ నాగ్, విష్ణువర్ధన్, అంబరీష్ వంటి పేరుమోసిన నటుల సరసన నటించింది. ధ్రువతారె, దేవత మనుష్య, అనురాగ అరళితు, శృతి సేరిదాగ, ఆకస్మిక, ఎరడు రేఖెగళు, మరెయద మాణిక్య, మృగాలయ, వీరాధివీర, మిథిలెయ సీతెయరు, నెనపిన దొణి, భైరవి, శివ మెచ్చిద కన్నప్ప, గిరిబాలె, రామణ్ణ శామణ్ణ, గూండా గురు, నిగూఢ రహస్య, రమాపురద రావణ, ప్రచండ కుళ్ళ, హృదయ పల్లవి, దాదా, ఆరాధనె, శబరిమలే స్వామి అయ్యప్ప, అరుణరాగ మొదలైనవి ఈమె నటించిన కొన్ని కన్నడ చలనచిత్రాలు. అంబరీష్‌తో ఈమె 15పైగా సినిమాలలో జంటగా నటించింది.
1980వ దశకంలోను, 90వ దశకం మొదటిలోను ఈమె దక్షిణ భారతదేశపు అందమైన సినీతారలలో ఒకరిగా పలువురిచే గుర్తింపు పొందింది.
1997లో ఈమె వాసన్ తథమ్ అనే చార్టెడ్ అకౌంటెంట్‌ను వివాహం చేసుకుంది. వివాహం అయ్యాక కొన్నాళ్ళు ఈమె నటన వృత్తి మానివేసి భర్తతో అమెరికాలోని న్యూజెర్సీలో నివసించింది.[7] తర్వాత కొన్నేళ్లకు సినీరంగ పునఃప్రవేశం చేసి తల్లిపాత్రలు వంటి సహాయ పాత్రలలో నటిస్తున్నది.
పురస్కారాలు
మార్చు- కర్ణాటక రాష్ట్ర ఫిల్మ్‌ అవార్డులు
- ఉత్తమ నటి - అరుణ రాగ (1986)
- కేరళ రాష్ట్ర ఫిల్మ్‌ అవార్డులు
- ద్వితీయ ఉత్తమ నటి - ఒరు వదక్కన్ వీరగాధ (1989)
- ఫిల్మ్‌ఫేర్ పురస్కారాలు (దక్షిణ)
- సినిమా ఎక్స్‌ప్రెస్ అవార్డులు
- ఉత్తమ నటి మలయాళం - వైశాలి (1988)
గీత నటించిన తెలుగు చిత్రాలు
మార్చు- మన ఊరి పాండవులు (1978)
- ఇద్దరూ అసాధ్యులే (1979)
- అందమైన అనుభవం (1979)
- కార్తీక దీపం (1979)
- శ్రీరామబంటు (1979)
- చెయ్యెత్తి జైకొట్టు (1979)
- ఛాలెంజ్ రాముడు (1980)
- తాతయ్య ప్రేమలీలలు (1980)
- బుచ్చిబాబు (1980)
- శివమెత్తిన సత్యం (1980)
- సినిమా పిచ్చోడు (1980)
- కోడళ్ళొస్తున్నారు జాగ్రత్త (1980)
- గిరిజా కళ్యాణం (1981)
- అద్దాలమేడ (1981)
- కొండవీటి సింహం (1981)
- ఊరికి మొనగాడు (1981)
- జగమొండి (1981)
- తోడుదొంగలు (1981)
- అల్లుడు గారూ జిందాబాద్ (1981)
- భోగిమంటలు (1981)
- భలేకాపురం (1982)
- వంశ గౌరవం (1982)
- బంగారు భూమి (1982)
- పట్నం వచ్చిన పతివ్రతలు (1982)
- మరో మలుపు (1982)
- టింగు రంగడు (1982)
- కలవారి సంసారం (1982)
- చలాకీ చెల్లెమ్మ (1982)
- దుర్గాదేవి (1983)
- ఈ దేశంలో ఒకరోజు (1983)
- సాగర సంగమం (1983)
- ఇదికాదు ముగింపు (1983)
- మూడు ముళ్ళు (1983)
- ప్రేమ పిచ్చోళ్ళు (1983)
- అల్లుళ్ళొస్తున్నారు (1984)
- ఈ చదువులు మాకొద్దు (1984)
- ఎస్.పి.భయంకర్ (1984)
- బ్లాక్ టైగర్ (1989)
- భార్యలూ జాగ్రత్త (1990)
- కోకిల (1990)
- అయ్యప్పస్వామి జన్మరహస్యం (1990)
- బాలచంద్రుడు (1990)
- ఓ పాపా లాలి (1991)
- నా రూటే వేరు (1991)
- అభిమన్యు (1992)
- ఆపద్బాంధవుడు (1992)
- అశ్వమేధం (1992)
- దళపతి (1992)
- నిప్పురవ్వ (1993)
- వారసుడు(1993)
- ద్రోహి (1995)
- తోడు (1997)
- జీన్స్ (1998)
- ఒక్కడు (2003)
- జానీ (2003)
- నువ్వొస్తానంటే నేనొద్దంటానా (2005)
- పౌర్ణమి (2006)
- కథానాయకుడు (2008)
- కింగ్ (2008)
- పిస్తా (2009)
- రచ్చ (2012)
- తూనీగ తూనీగ (2012)
- షాడో (2013)
- లయన్ (2015)
- మనసుకు నచ్చింది (2018)
- వెంకీ మామ (2019)
మలయాళ సినిమాలు
మార్చుటెలివిజన్ కార్యక్రమాలు
మార్చుఈమె సినిమాలలోనే కాక జీ తెలుగు వారి బతుకు జట్కాబండి కార్యక్రమంలోనూ, ఈటీవీలో తేనెమనసులు అనే ధారావాహికలోను పాల్గొనింది.
మూలాలు
మార్చు- ↑ "Geetha Profile". Jointscene. Archived from the original on 11 July 2010. Retrieved 14 February 2020.
- ↑ "Geetha is to play Vijay's mother". IndiaGlitz. 18 మే 2005. Archived from the original on 6 జూన్ 2008. Retrieved 5 మే 2010.
- ↑ M., Athira (26 November 2015). "Playing women of substance". The Hindu. Retrieved 21 July 2019.
- ↑ 4.0 4.1 4.2 4.3 Kumar, P. K. Ajith (3 అక్టోబరు 2013). "Evergreen Acts". Archived from the original on 21 మే 2014. Retrieved 9 మే 2018 – via www.thehindu.com.
- ↑ "എന്റെ സിനിമകള് ഭര്ത്താവ് കാണാറില്ല". mangalam.com. Archived from the original on 28 ఆగస్టు 2015. Retrieved 24 ఆగస్టు 2015.
- ↑ "Manorama Online Latest Malayalam News. Breaking News Events. News Updates from Kerala India". manoramaonline.com. Archived from the original on 19 March 2014. Retrieved 9 May 2018.
- ↑ "ఆర్కైవ్ నకలు". Archived from the original on 2013-05-30. Retrieved 2020-02-14.
- ↑ "35th Annual Filmfare Awards South Winners : Santosh : Free Download &…". archive.org. 5 February 2017. Archived from the original on 5 February 2017. Retrieved 9 May 2018.
- ↑ "Geetha Won Filmfare Best Kannada Actress Award Special : Free Downloa…". archive.org. 6 February 2017. Archived from the original on 6 February 2017. Retrieved 9 May 2018.
బయటి లింకులు
మార్చు- ఇంటర్నెట్ మూవీ డేటాబేసు లో గీత పేజీ