వికీపీడియా:రచ్చబండ/పాత చర్చ 78

← పాత చర్చ 77 | పాత చర్చ 78 | పాత చర్చ 79 →

రచ్చబండ పేజీకి చెందిన ఈ పాత చర్చ జరిగిన కాలం: 2020 డిసెంబరు 12 - 2021 ఫిబ్రవరి 2

తెలుగు వికీపీడియాలో కృషిచేయడం నేర్పడానికి పూర్తిస్థాయి పాఠ్య ప్రణాళిక అవసరం

తెలుగు వికీపీడియాను ఈనాడు ఉన్న పరిస్థితిలో విస్తృతంగా తెలుగు సమాజంలో ప్రచారం చేసి, తెలుగు వాళ్ళు ఎక్కువ సంఖ్యలో ఇక్కడ విజ్ఞానాభివృద్ధిలో కృషిచేయాలని అనుకుంటే మనకు అసలు తెలుగు వికీపీడియా గురించి విస్తారమైన, సవివరమైన ట్రైనింగ్ మెటీరియల్ ఉండాలి. ఈ సమస్య మనకు ఎప్పటి నుంచో ఉన్నదే. ఐతే, మరీ ముఖ్యంగా ఈ మధ్య, తెలుగు వికీపీడియాలో సమాచారాన్ని అభివృద్ధి చేయడానికి, కొత్త వికీపీడియన్లను తీసుకువచ్చి ట్రైనింగ్ ఇవ్వడానికి ఐఐఐటీ వారు చేస్తున్న ప్రాజెక్టు విషయమై ప్రాజెక్టు నిర్వాహకులు వాసుదేవవర్మ గారు సూచనల కోసం సంప్రదించి ఇటీవల మాట్లాడినప్పుడు నాకు ఇంకా సుస్పష్టంగా తెలియవచ్చింది.
కేవలం తెలుగు వికీపీడియాలో ఎలా రాయాలో సమాచారం ఉంటే సరిపోదు (అది కూడా ఇప్పుడు పూర్తిగా లేదు), ఒక కొత్త వ్యక్తి తెలుగు వికీపీడియాకు వచ్చినప్పుడు ఇదిగో ఈ మెటీరియల్ చదివి ఫాలో అవ్వండి అని మనం ఇస్తే, ఆ మెటీరియల్ చదువుతూ, అందులో ఉన్న వీడియోలు చూస్తూ, తాను ప్రయత్నిస్తూ ఉంటే క్రమేపీ అతను కనీస స్థాయి వికీపీడియన్ అయిపోగలగాలి. అలాగే నాలాంటి ఒకమాదిరి అవగాహన వికీపీడియన్లకు తాము నేర్చుకోదలిచిన కొద్ది పై స్థాయి విషయాలు (ఉదాహరణకు నాకు వికీడేటా గురించి తెలియాలనుకుందాం, తెలుగు వికీపీడియాలో మూసల తయారీ గురించి తెలుసుకుందామనుకుంటున్నాను అనుకుందాం) తెలుసుకోవడానికి తగిన మెటీరియల్ రూపొందించుకోవాలి. ఆపైన, అడ్వాన్స్‌డ్ స్థాయి విషయాల గురించి కూడా. ఇది కాక, ఒకరు ఒక కార్యశాల నిర్వహించి కొత్తవారిని ఉత్సాహరచి ట్రైనింగ్ ఇద్దామనుకుంటే - ఏ నైపుణ్యం తర్వాత ఏ నైపుణ్యం నేర్పాలి, ఏయే విధానపరమైన విషయాలు చెప్పాలి, ఆయా విషయాల గురించి వివరాలు ఏమిటి, ఇలా ఎన్నో విషయాలతో కూడిన ఒక సరైన విద్యా ప్రణాళిక అవసరం. ఇదంతా రూపొందించుకోవాలి.
రూపొందించుకున్నాకా అవి సరిగా పనిచేస్తున్నాయో లేదో, మనం తయారుచేసిన వాటి ప్రభావం ఏమిటో చూడడానికి కొత్తవారిపై ప్రయోగించి, ఏమైనా గ్యాప్‌లు ఉంటే పూడ్చుకుంటూ, నిష్ప్రయోజనంగా ఉన్నవాటిని సరిదిద్దుకుంటూ ఆ మెటీరియల్ అంతా ఒక స్థాయికి తీసుకురావాలి.
ఒక్కమాటలో చెప్పాలంటే, ఒకటో తరగతి నుంచి పదో తరగతి వరకూ సామాన్య శాస్త్రమో, గణిత శాస్త్రమో నేర్పించేందుకు మెటీరియల్ సిద్ధం చేసి, ప్రయోగించడం లాంటిది. దానికి ఎన్ని పాఠ్యాంశాలు, ఎంతటి పాఠ్యప్రణాళిక, నేర్పించేప్పుడు పిల్లలు నేర్చుకోగలుగుతున్నారో లేదో చూసి ఎంతటి ఫీడ్‌బ్యాక్ మెకానిజం పనిచేయాలో - ఇప్పుడు మనం తెలుగు వికీపీడియాను కొత్తవారికి నేర్పించగల మెటీరియల్ తయారుచేయడానికి అంతటి బృహత్ ప్రయత్నం కావాలి.
మన వద్ద ఉన్న సహాయం పేజీలు, వగైరాలు ఏనాడో ఐదేళ్ళు, ఆరేళ్ళ క్రితానివి, అవి కూడా పరిపూర్తిగా లేనివి. కాబట్టి, వీటికి మనం చేరవలసిన చోటికీ చాలా దూరం ఉంది. వికీపీడియా:వాడుకరులకు సూచనలు పేరుతో జరుగుతున్న కృషి మంచిది. కానీ, ఇప్పుడు అక్కడ రాసివున్న సమాచారాన్ని వంద రెట్లు సమాచారం పోగుచేసి, దానిని గుట్టలా కాకుండా ఒక అద్భుతమైన పాఠ్య ప్రణాళికలా రూపొందించేందుకు అంతకు రెట్టింపు పనిచేసి, జనం మీద ప్రయోగించాల్సి ఉంది.

ఈ ప్రణాళిక సాధించడానికి నా ఆలోచన ఏమిటంటే -
దీనికంటూ ప్రత్యేకించి వికీపీడియాపై అవగాహన ఉన్న ఒక వ్యక్తి పనిచేయాలి. (నాలాంటి వేరే ఉద్యోగాల్లో బిజీగా ఉన్నవారు కాదు, ప్రత్యేకించి ఇది కొన్నాళ్ళు ఫుల్‌టైంగా తీసుకోగలవారు.) సంస్థాగతంగా ఐఐఐటీ వారు ఈ ట్రైనింగ్‌లు చేస్తున్నారు కాబట్టి ఈ మెటీరియల్ తయారీలోనూ, ఆ తయారుచేసిన మెటీరియల్ అవుట్‌రీచ్‌లో ఉపయోగించి మెరుగుపరుచుకోవడంలోనూ వారి ప్రణాళికను ఉపయోగించుకోవచ్చు. తద్వారా, మనకు మెటీరియల్, వారికి ట్రైనింగ్ లభిస్తుంది. తుదకు కొందరు మంచి వికీపీడియన్లు, ఒక పూర్తిస్థాయి ట్రైనింగ్ ప్రణాళిక మనకే ఉంటాయి. ఇలాంటి ప్రయత్నాన్ని తమ ప్రణాళికతో అంతర్భాగం చేసుకోవడానికి కుదురుతుందా అని సూత్రప్రాయంగా అడగగా వాసుదేవవర్మ గారు కూడా అంగీకరించారు.
ఐతే, ఒక ఉద్యోగిని పూర్తిస్థాయిలో నియోగించడానికి అవసరమైన జీత భత్యాలు సెంటర్ ఫర్ ఇంటర్నెట్ అండ్ సొసైటీ వారిని మనం అడగవచ్చు. ఏడాదిన్నర వరకూ మన భాషలో వికీమీడియా ప్రాజెక్టులపై నేరుగా పనిచేసిన వీరు నేరుగా పనిచేయడం ఆపివేశారు. ఐతే, వారు భారతీయ భాషల మీద పనిచేయడానికి ఇప్పటికీ వికీమీడియా ఫౌండేషన్‌ నుంచి ఫండింగ్ స్వీకరిస్తున్నారు. కాబట్టి, మనం ఒక కొంత వ్యవధికి ఈ ప్రాజెక్టుకు మద్దతునివ్వమని అడగవచ్చు.
ఈ ప్రాజెక్టును నిర్వహించి విజయవంతంగా పూర్తిచేస్తే తద్వారా మనకూ, తోటి వికీమీడియా ప్రాజెక్టులకు చాలా ప్రయోజనకరం. పనిచేయగల శక్తియుక్తులు, చేయించగల వనరులు పొందగల అవకాశాలూ కూడా మనకు కనిపిస్తున్నాయి. కనుక ఇది చేపట్టతగ్గదని, మనలో ఆసక్తి ఉన్నవారి శక్తియుక్తులు దీనిపై కేంద్రీకరించదగ్గదని నా విశ్వాసం. దయచేసి సముదాయ సభ్యులు తమ తమ అభిప్రాయాలను, సూచనలను తెలియజేగలరు. --పవన్ సంతోష్ (చర్చ) 05:10, 12 డిసెంబరు 2020 (UTC)

నా అభిప్రాయాలివి

• మనకున్న "సహాయం:" పేజీలు చాలా తక్కువ. మన అవసరాలతో పోలిస్తే అవి కేవలం నామమాత్రమైనవి. పైగా ఉన్న కాసిని పేజీలకు కూడా బోలెడంత తాజాకరణ అవసరం.
• వికీపీడియాలో రాసేవాళ్ళు తక్కువగా ఉండడానికి ఇక్కడ నేర్చుకోవాల్సినది చాలా ఉండడం, అది నేర్చుకునే సౌకర్యాలు సరిగ్గా లేకపోవడం కారణమని నేను భావిస్తాను.
• ఒక చక్కటి పాఠ్య ప్రణాళికతో, వివిధ స్థాయిలలో, ఎవరి సాయం లేకుండానే, చూసి-చదివి-విని నేర్చుకునేలా ఉండే సహాయం పేజీలు, వీడియోలు, ఆడియోలూ అవసరం.
• నేను గతంలో ఒక క్లుప్తమైన ప్రయత్నం చేసాను. ఒక మూణ్ణాలుగు స్థాయిల్లో, కనీసం 200 వీడియోలు, పాఠాలకు పైగా చెయ్యాల్సిన ప్రాజెక్టు అని అనిపించింది. వాటికి స్టోరీబోర్డు రాసుకోవాలి. ఆడియో పాఠ్యం రాసుకోవాలి. పేజీలు తయారు చేసుకోవాలి. ఈ పాఠ్యాలన్నిటినీ సమీక్షించుకోవాలి. ఆ తరువాత వీడియోలు, అడియోలు, పేజీలూ తయారు చేసుకోవాలి. పరీక్షించుకోవాలి. కొన్ని వేల గంటల పని ఇది.
• ఈ పని చెయ్యగలిగితే, తెలుగు వికీపీడియాలో ఒక మహత్తరమైన పని చేసినట్లే. ఇతర వికీపీడియాలకు ఆదర్శంగా నిలిచినట్లే
• ఇదంతా చెయ్యాలంటే ఈ పనే పనిగా ఉండే ఒక బృందం అవసరం. మనబోటి ఔత్సాహికుల వల్ల అవదు.
• కానీ ఈ పని తెవికీ కనుసన్నల్లోనే జరగాలి. సముదాయం పర్యవేక్షణలో జరిగితే ఈ పని నాణెంగా జరుగుతుందని నా నమ్మకం.

అంచేత ఈ ప్రతిపాదనకు నా మోదం, ఆమోదం తెలుపుతున్నాను.__ చదువరి (చర్చ • రచనలు) 02:32, 15 డిసెంబరు 2020 (UTC)

పవన్ సంతోష్ గారూ, ఈ ప్రతిపాదనకు సమ్మతం తెలుపుతున్నాను. ఇది చాలా ఉపయోగకరమైనది. రవిచంద్ర (చర్చ) 03:41, 15 డిసెంబరు 2020 (UTC)

నా అభిప్రాయాలివి. (యర్రా రామారావు)

• మనకు సహాయం పేజీలు,కొన్ని మార్గ దర్శకాలు పేజీలైతే ఉన్నాయిగానీ వాటిలో ఇంకా కొన్ని అనువాదం చేయాల్సిఉంది.కొన్ని ఇప్పటి నియామాల ప్రకారం, కొన్ని సాధారణ నియమాల ప్రకారం తాజాకరించనలసి ఉంది.వీటిలో ఉన్న అన్నీ క్లుప్తంగా పాఠ్య ప్రణాళికలోకి రావాలి.
• దీనిని చర్చించినంతమాత్రానే పని జరగదు.అనుకున్న ప్రణాళిక తయారుచేసుకుని,అమలు పర్చటానికి ఒక ప్రాజెక్టు పేజీ ప్రారంభించాలి.
• పాఠ్య ప్రణాళికలా రూపొందించేందుకు చదువరి గారు తెలిపినట్లు ముందు ఒక బృందాన్ని ఏర్పరచాలి.
• బృందం ఆధ్యర్యంలో ముందుగా విషయసూచిక ఒకటి తయారుచేసుకుని దాని మీద అభిప్రాయాలు సేకరించాలి.
• విషయసూచిక ఫైనల్ అయిన తరువాత, బృందం ఆధ్యర్యంలో పాఠ్య ప్రణాళికలో అన్నీటినీ కవర్ చేస్తూ చిత్తు పాఠ్య ప్రణాళిక ఒకటి రూపొందించుకోవాలి.
• పాఠ్య ప్రణాళికల చిత్తు ప్రతిని సముదాయంలో చర్చకుపెట్టి, అందరి అభిప్రాయాలుతో మరింత మెరుగులు దిద్దుకోవాలి.
• చదువరి గారు తెలిపినట్లు ఈ పని మొత్తం తెవికీ సముదాయం కనుసన్నల్లోనే జరిగితేనే పాఠ్య ప్రణాళిక నాణ్యతగా తయారుకాగలదు.

ఏది ఏమైనా ఇది తెలుగు వికీపీడియాకు మేలు చేసే బృహత్తర ప్రణాళికని భావించి,ఈ ప్రతిపాదనకు సమ్మతం తెలుపుతున్నాను. --యర్రా రామారావు (చర్చ) 07:42, 16 డిసెంబరు 2020 (UTC)

నోముల_ప్రభాకర్_గౌడ్ అభిప్రాయాలివి

• మన ఆలోచనా విధానంలో ముందుగా మార్పు రావాలి. పాత పద్ధతిలో అన్నిటిని విడనాడి కొత్త మార్గదర్శకాలకు బాటలు వేయాలి.
• గతంలో కేవలం ప్రభుత్వ ఇంటర్నెట్ తో కంప్యూటర్ల ద్వారా మాత్రమే వికీపీడియా లోకి ప్రవేశించే వారు. ఇది గత పది సంవత్సరాల క్రితం వరకు, ఇప్పుడు కొత్త వాడుకరిగా చేరేవారు ప్రతిరోజు సగానికిపైగా మొబైల్ ద్వారా మార్పు చేర్పులు చేస్తున్నారు.
• మొబైల్ వారిని చురుకైన వాడుకరులుగా చేయడం ఎలా వికీ గురించి ప్రవేశం ముందు, ప్రవేశం తర్వాత, తెలియడానికి మొబైల్ వారికి సాఫ్ట్వేర్ అభివృద్ధి చేయాలి.
• స్వాగతం పేజీ వృధా లక్షల మందికి స్వాగతం పలికిన చురుకైన వాడుకరులు ఎంతమంది ఉన్నారు ఇప్పుడు. ఖాతా సృష్టించుకున్న వాడుకరి పేజీలో కేవలం ఒక చిన్న లింకు ఇవ్వాలి.
• ఆ లింకులు వీడియో ద్వారా విక్కీ ప్రచారం, ఫేస్బుక్, ట్విట్టర్, యూట్యూబ్ నందు ప్రచారం చేయాలి.
• ఖాతా సృష్టించిన ప్రతి వారిని వికి టెలిగ్రామ్ గ్రూఫుకు అనుసంధానం చేయాలి. దీనిలో వేల మందికి సభ్యులుగా అవకాశం ఉంది.
• ప్రతి ఆదివారం తెలుగు వికీ తరపున టెలికాన్ఫరెన్స్ నిర్వహించి పైన చెప్పిన సామాజిక మాధ్యమాలలో టెలికాన్ఫరెన్స్ లింకును ప్రచారం చేసి కొత్త సభ్యులకు వికీ లో ప్రవేశం, కొత్త వ్యాసాలు రాసే విధానం ఎలా అని క్లాసులు ఉండాలి.
• పైన టెలికాన్ఫరెన్స్ కొత్తవారికి వాడుకరులు కానివారికి 11 గంటల నుండి 12:30 వరకు, రెండు గంటల నుండి 3 గంటల వరకు రెండు సార్లు.
• ప్రతి ఆదివారం తెలుగు వికీ తరపున టెలికాన్ఫరెన్స్ నిర్వాహకులకు, సభ్యులకు, సమయం మనం నిర్ణయించుకోవచ్చు.
• చదువరి గారు తెలిపినట్లు ఈ పని మొత్తం తెవికీ సముదాయం కనుసన్నల్లోనే జరిగితేనే పాఠ్య ప్రణాళిక నాణ్యతగా తయారుకాగలదు. కానీ ప్రవేశ మార్పుచేర్పులు ఎక్కువగా ఉంటాయి. పర్యవేక్షకులు చాలామంది అవసరం ఉంటారు.
• ఇవి అన్నిటి కంటే ముందు కొత్త వాడుకరి పేజీ లో అతని/ ఆమె వారి పేరును చేర్చాలి స్వాగతం మూస పెట్టినట్లు. దానితో వారికి వికీ నుండి సందేశం వెళుతుంది. ఆ సందేశంతో వాడుకరికి వికీకి అనుబంధం ఆరంభమవుతుందని నా మొదటి సూచన...
• రోజుకు 14 గంటలు నేను మీ అందర్నీ ఒప్పించి బాధ్యతగా చేయాలనుకున్నా ... ఒక సర్కిల్ గీసి అందులో నన్ను కూర్చోబెట్టారు.
• ఈ ప్రతిపాదనకు సమ్మతం తెలుపుతున్నాను. ఈ ప్రతిపాదన చాలా మంచిది, ఈ పాఠ్యాలన్నిటినీ సమీక్షించుకోవాలి. ఎవరైనా నిర్వాహకులు ఈ బాధ్యత తీసుకుని నడిపించండి. -- ప్రభాకర్ గౌడ్ నోముల ^చర్చ 12:11, 16 డిసెంబరు 2020 (UTC)

నా అభిప్రాయం.

వాడుకరి గారితో నేను ఏకీభవిస్తున్నాను. బృందంగానే ఈ ప్రయత్నం జరగాలి. అందులో వివిద దశల్లో, రంగాల్లో ఉన్న వికీపీడియన్ల సలహాలు అవసరం. వికీ గురించి నేర్చుకొనే వారికి మూడు దశలుగా పాఠ్యాంశాలు ఉండాలనుకుంటాను.

• మొదటి దశలో ఏమీ పెద్దగా నేర్చుకోకుండా చిన్న మార్పులు చేయడంలో శిక్షణ.
• రెండవ దశ వికీ నియమాలు
• మూడు సాంకేతిక అంశాలు, ఉపకరణాలు, నిర్వహణ విషయాలు.....ఇలా అయితే సులభంగానూ, ఆశక్తిగానూ ఉండి వాడుకరులు శాశ్వత సభ్యులుగా కొనసాగగలరని నా అభిప్రాయం. ..B.K.Viswanadh (చర్చ) 12:17, 21 డిసెంబరు 2020 (UTC)

• అభిప్రాయాలు తెలియజేసిన సభ్యులందరికీ ధన్యవాదాలు. ఈ విషయమై ప్రణాళికను మరికొంత ముందుకు తీసుకువెళ్ళేందుకు సీఐఎస్-ఎ2కె వారి రిక్వెస్ట్ పేజీలో దీనిని చేర్చాను. లింకు ఇక్కడ చూడండి: Project to create full-scale training material for Telugu Wikipedia. ఈ ప్రాజెక్టుకు మద్దతునిచ్చే సభ్యులు ఎండార్స్‌మెంట్ విభాగంలో మీ మద్దతు తెలియజేయవచ్చు. --పవన్ సంతోష్ (చర్చ) 04:35, 25 డిసెంబరు 2020 (UTC)

Community Wishlist Survey 2021

We invite all registered users to vote on the 2021 Community Wishlist Survey. You can vote from now until 21 December for as many different wishes as you want.

In the Survey, wishes for new and improved tools for experienced editors are collected. After the voting, we will do our best to grant your wishes. We will start with the most popular ones.

We, the Community Tech, are one of the Wikimedia Foundation teams. We create and improve editing and wiki moderation tools. What we work on is decided based on results of the Community Wishlist Survey. Once a year, you can submit wishes. After two weeks, you can vote on the ones that you're most interested in. Next, we choose wishes from the survey to work on. Some of the wishes may be granted by volunteer developers or other teams.

You can view and vote all proposals here.

We are waiting for your votes. Thank you!

SGrabarczuk (WMF)

00:52, 15 డిసెంబరు 2020 (UTC)

Wikimedia Wikimeet India 2021 Newsletter #2

Hello,
The second edition of Wikimedia Wikimeet India 2021 newsletter has been published. We have started a logistics assessment. The objective of the survey is to collect relevant information about the logistics of the Indian Wikimedia community members who are willing to participate in the event. Please spend a few minutes to fill this form.

There are other stories. Please read the full newsletter here.

To subscribe or unsubscribe the newsletter, please visit this page. --MediaWiki message delivery (చర్చ) 01:40, 17 డిసెంబరు 2020 (UTC)

తెలుగు వికీపీడియా గణాంకాలు

తెలుగు వికీపీడియాకు చెందిన వివిధ గణాంకాలను వివిధ సందర్భాల్లో అనేక మంది వాడుకరులు వెలికితీసి సముదాయం ముందుకు తీసుకొచ్చారు. వైజాసత్య, ప్రదీప్, అర్జున మొదలైనవారు ఈ విషయంలో విశేష కృషి చేసారు. వారి కృషిని మరింత ముందుకు తీసుకుపోయే ప్రయత్నం ఒకటి చేసాను. వికీపీడియా పరిమాణానికి సంబంధించిన గణాంకాలను (ప్రధాన పేరుబరి మాత్రమే) చేర్చి వికీపీడియా:గణాంకాలు పేజీని విస్తరించాను. అలాగే వికీపీడియాలో కృషి చేసిన వాడుకరుల గణాంకాలను వికీపీడియా:వాడుకరుల గణాంకాలు అనే కొత్త పేఝీలో చేర్చాను. వికీపీడియా గణాంకాల పట్ల అందరికీ ఆసక్తి ఉంటుంది. కానీ ఏయే వాడుకరులు ఎంత కృషి చేసారనే విషయం పట్ల పాఠకులందరికీ అంత ఆసక్తి ఉండకపోవచ్చు. అంచేత ఈ రెంటినీ వేరు చేసాను.

వాడుకరుల గణాంకాలు పేజీలో 4,000 కు పైబడి ప్రధాన పేరుబరి దిద్దుబాట్లు చేసిన వారి పేర్లను మాత్రమే పరిగణించాను. అలా చూస్తే నాకు 29 మంది కనిపించారు. అయితే నేను కొందరిని మిస్సయి ఉంటే అది నా పొరపాటే. అలాంటి వారి పేర్లు ఇక్కడ సూచిస్తే నేను తప్పును సరిదిద్దుతాను. లేదా ఎవరైనా సరిదిద్దవచ్చు.

ఈ గణాంకాలన్నీ వివిధ పరికరాలు ఈసరికే ఇస్తున్నవే నేను కొత్తగా వెలికితీసినవేమీ కావు. కాకపోతే ఆయా గణాంకాలను ఒకచో చేర్చి పెట్టానంతే.

వాడుకరులు ఈ పేజీలను చూసి, అవసరమైన మార్పు చేర్పులు చెయ్యాలని, సూచనలేమైనా ఉంటే అక్కడే చర్చా పేజీల్లో చెయ్యాలనీ కోరుతున్నాను. ఇక్కడీ గణాంకాలను ఎప్పటికప్పుడు చేర్చుకుంటూ పోదాం. ఉదాహరణకు ఈ డిసెంబరు పూర్తవగానే 2020 గణాంకాలను తాజాకరిద్దాం. __చదువరి (చర్చ • రచనలు) 04:57, 19 డిసెంబరు 2020 (UTC)

వికీకి సంబంధంలేని వర్గాలు వాడకం

కొంత మంది గౌరవ వికీపీడియన్లు వారి వ్యక్తిగతానికి సంబందించిన వర్గాలు ఎవరి ఇష్టం వచ్చినట్లు వారు సృష్టించుకుని వారి వాడుకరుల పేజీలు ఆ వర్గంలో పెట్టుకుంటున్నారు. వీటివలన తెలుగు వికీపీడియాకు ఏ విధంగా మేలు జరుగుతుందనేది అర్థం అగుటలేదు.

వాడుతున్న వర్గాలు

• వర్గం:టంబ్లర్ ఖాతా కల వాడుకరులు
• వర్గం:గూగుల్+ వాడుకరులు
• వర్గం:ఇన్స్టాగ్రాం వాడుకరులు
• వర్గం:ట్విట్టర్ లో ఖాతా కల వాడుకరులు
• వర్గం:బ్లాగర్ వాడుకరులు
• వర్గం:ఫ్లికర్ వాడుకరులు
• వర్గం:ఫేస్ బుక్ లో ఖాతా కల వాడుకరులు
• వర్గం:లింక్డ్ ఇన్ ఖాతా కల వాడుకరులు
• వర్గం:వర్డ్ ప్రెస్ ఖాతా కల వాడుకరులు
• వర్గం:స్కైప్ వాడే వాడుకరులు
• వర్గం:పింటరెస్ట్ వాడుకరులు
• వర్గం:హాట్ మెయిల్ వాడే వాడుకరులు

గమనిక: ఇంకా ఇలాంటివి ఉంటే ఉండవచ్చు.

వికీపీడియాను మన వ్యక్తిగతానికి వాడుతున్నమా అనిపిస్తుంది. అంత అవసరం ఉందా ఆలోచించగలరు.--యర్రా రామారావు (చర్చ) 13:20, 22 డిసెంబరు 2020 (UTC)

నాకు కూడా ఇదే సందేహం వచ్చింది. వికీపీడియాకు సంబంధించిన వర్గాలు ఉంటే సరిపోతుంది. యర్రా రామారావు గారు పైన పేర్కొన్న వర్గాలు, వాడుకరుల పేజీల్లో వర్గాల విభాగాన్ని పెంచడానికే తప్ప వాటివల్ల ఇంకేం ఉపయోగం లేదని నా అభిప్రాయం.-- ప్రణయ్‌రాజ్ వంగరి (Talk2Me|Contribs) 17:13, 22 డిసెంబరు 2020 (UTC)

వ్యక్తిగతంగా వాడినట్టు కాదేమో గానీ, కొంచెం అతి అని నాకు అనిపిస్తోంది. కానీ ఇంగ్లీషు వికీలో చూస్తే ఇలాంటి వాడుకరి వర్గాలు కొల్లలుగా కనిపించాయి. కాకపోతే అక్కడి వర్గాల్లో మనలాగా ఒకటీ రెండూ పేజీలు కాకుండా చాలా పేజీలుంటాయి. భవిష్యత్తులో మనకూ పేజీలు పెరుగుతాయేమో చూద్దాం. __చదువరి (చర్చ • రచనలు) 02:37, 23 డిసెంబరు 2020 (UTC)

తొలగించిన మూసలు ఎన్నేసి పేజీల్లో ఉన్నాయి

కింద ఇచ్చిన పట్టికలో ఉన్న మూసలను తొలగించాం. కానీ ఆ మూసలు కొన్ని పేజీల్లో ట్రాన్స్‌క్లూడు అయి ఉన్నాయి. ఎన్ని పేజీల్లో ఉన్నాయో రెండవ నిలువు వరుసలో ఉంది. ఏయే పేజీల్లో ట్రాన్స్‌క్లూడయి ఉందో చూడ్డానికి మూస పేరును నొక్కాలి.

వీటిపై మనం కింది రెండు చర్యల్లో ఏదో ఒకటి తీసుకోవచ్చు:

1. . ఆ పేజీల్లోంచి మూస ట్రాన్స్‌క్లూజన్ను తొలగించడం (ఈ పేజీకి ఉన్న లింకును నొక్కితే ఏ యే పేజీల్లో ట్రాన్స్‌క్లూడయి ఉందో చూడొచ్చు)
2. . సదరు మూసను దిగుమతి చేసుకోవడం

పరిశీలించమని సముదాయాన్ని కోరుతున్నాను. __చదువరి (చర్చ • రచనలు) 02:48, 23 డిసెంబరు 2020 (UTC)

పై రెండిటిలో ఏమైనా చేయవచ్చా, కొద్దిగా వివరంగా తెలుపగలరు. యర్రా రామారావు (చర్చ) 04:13, 25 డిసెంబరు 2020 (UTC)

యర్రా రామారావు గారూ, ఏదో ఒక్కటే చెయ్యవచ్చునండి. ఏం చెయ్యాలో కింది విధంగా నిర్ణయించుకోవచ్చు:

1. ఈ మూస పేరుతో, లేదా దానికి సరిజోడైన ఇంగ్లీషు పేరుతో ఇంగ్లీషులో మూస ఏదైనా ఉందేమో చూడాలి.
   1. ఉంటే దాన్ని దిగుమతి చేసుకోవాలి.
   2. ఒకవేళ ఇంగ్లీషులో మూస ఏమీ లేకపోతే..
2. ఈ మూస ఏయే పేజీల్లో చేర్చి ఉందో చూసి ఆ పేజీల ఇంగ్లీషు వికీ పేజీల్లో ఏ మూస ఉందో చూడాలి. ఆ పేజీల్లో మూస ఉంటే,
   1. ఆ పేజీల్లో ఉన్న మూసను ఇక్కడికి దిగుమతి కోవాలి. ఇక్కడి పేజీల్లో మూస ట్రాన్స్‌క్లూజన్ను తీసేసి, దిగుమతి చేసుకున్న కొత్త మూసను పెట్టాలి.
   2. ఆ పేజీల్లో మూస ఏమీ లేకపోతే, ఇక్కడి పేజీల్లో కూడా మూస ట్రాన్స్‌క్లూజన్ను తీసెయ్యాలి
3. ఏం చెయ్యాలో తెలీని పరిస్థితిలో కూడా మూస ట్రాన్స్‌క్లూజన్ను తీసెయ్యాలి.

పరిశీలించండి.__ చదువరి (చర్చ • రచనలు) 05:17, 25 డిసెంబరు 2020 (UTC)

వివరించినందుకు ధన్యవాదాలు యర్రా రామారావు (చర్చ) 05:31, 25 డిసెంబరు 2020 (UTC)

క్ర.సం.	తొలగించిన మూస పేరు	చేర్చిన పేజీల సంఖ్య	తీసుకున్న చర్య	చర్య తీసుకున్న వాడుకరి
1	StatusDomesticated	5	ట్రాన్స్‌క్లూజన్లను తీసేసాను	చదువరి (చర్చ • రచనలు) 05:42, 25 డిసెంబరు 2020 (UTC)
2	వికీపీడియా_ప్రకటనల_నావిగేషన్	5	తొలగించిన మూస ట్రాన్స్‌క్లూజన్లను తీసేసాను	యర్రా రామారావు (చర్చ • రచనలు) 08:47, 29 డిసెంబరు 2020 (UTC)
3	/doc	3	ట్రాన్స్‌క్లూజన్లను తీసేసాను	చదువరి (చర్చ • రచనలు) 05:21, 25 డిసెంబరు 2020 (UTC)
4	Oceania_topic	3	మూసను దిగుమతి చేసాను	చదువరి (చర్చ • రచనలు) 06:14, 25 డిసెంబరు 2020 (UTC)
5	జమ్మూ_కాశ్మీర్_విషయాలు	3	తొలగించిన మూస ట్రాన్స్‌క్లూజన్లను తీసేసాను	యర్రా రామారావు (చర్చ • రచనలు) 08:39, 29 డిసెంబరు 2020 (UTC)
6	Railways_in_Southern_India	3	మూసను దిగుమతి చేసాను	చదువరి (చర్చ • రచనలు) 06:14, 25 డిసెంబరు 2020 (UTC)
7	South_America_topic	3	మూసను దిగుమతి చేసాను	చదువరి (చర్చ • రచనలు) 06:14, 25 డిసెంబరు 2020 (UTC)
8	రాజీనామ	3	ట్రాన్స్‌క్లూజన్లను తీసేసాను	చదువరి (చర్చ • రచనలు) 06:14, 25 డిసెంబరు 2020 (UTC)
9	North_America_topic	3	మూసను దిగుమతి చేసాను	చదువరి (చర్చ • రచనలు) 06:14, 25 డిసెంబరు 2020 (UTC)
10	2011_ప్రపంచ_కప్_క్రికెట్_లో_భారత_జట్టు_సభ్యులు	2	తొలగించిన మూస ట్రాన్స్‌క్లూజన్లను తీసేసాను	యర్రా రామారావు (చర్చ • రచనలు) 08:51, 29 డిసెంబరు 2020 (UTC)

కొత్త వాడుకరులు సృష్టించే వ్యాసాలు అభివృద్ధి గురించి

కొత్త వాడుకరులు సృష్టించిన అరకొర వ్యాసాలును వెంటనే ఇతర చురుకైన గౌరవ వికీపీడియన్లు విస్తరించి, మూలాలు కూర్పు చేయకుండా, తగిన విస్తరణ, మూలాలు మూసలుపెట్టి, వ్యాసంలో చేయవలసిన మార్పులు గురించి, వారిని మార్గనిర్దేశం చేస్తేనే మంచిదని నా అభిప్రాయం.వారు తెలుసుకోగలుగుతారు. వికీలో ఇంకా చురుకుగా చేయటానికి అవకాశం ఉంది. వాటిని వెంటనే చేసినందువలన ప్రతివారు వ్యాసం సృష్టించి రెండులైన్లు రాస్తే వారే విస్తరించుకుంటారలే అనే దురభిప్రాయం కలగటానికి అవకాశం ఉంది.అలా విస్తరణ కాని వ్యాసాలు ప్రాజెక్టుగా పెట్టి ఎప్పడైనా విస్తరించవచ్చు, లేదా తొలగించవచ్చు అని నాఅభిప్రాయం. --యర్రా రామారావు (చర్చ) 04:21, 25 డిసెంబరు 2020 (UTC)

వాటితో పాటు ఆయా వ్యాసం రాస్తున్న వారి పేజీలోనూ ఎవరనా ఒక సీనియర్ వికీపిడియన్ ప్రోత్సాహ పూర్వక మేసేజ్ పోస్ట్ చేయగలిగితే తప్పక వ్యాస విస్తరణకు పనిచేస్తారు..B.K.Viswanadh (చర్చ)

Submission Open for Wikimedia Wikimeet India 2021

Sorry for writing this message in English - feel free to help us translating it

Hello,

We are excited to announce that submission for session proposals has been opened for Wikimedia Wikimeet India 2021, the upcoming online wiki-event which is to be conducted from 19 – 21 February 2021 during the occasion of International Mother Language Day. The submission will remain open until 24 January 2021.

You can submit your session proposals here -
https://meta.wikimedia.org/wiki/Wikimedia_Wikimeet_India_2021/Submissions
Click here to Submit Your session proposals

A program team has been formed recently from highly experienced Wikimedia volunteers within and outside India. It is currently under the process of expansion to include more diversity in the team. The team will evaluate the submissions, accept, modify or reject them, design and finalise the program schedule by the end of January 2021. Details about the team will come soon.

We are sure that you will share some of your most inspiring stories and conduct some really exciting sessions during the event. Best of luck for your submissions!

Regards,
Jayanta
On behalf of WMWM India 2021

గణాంకాలపై మరోసారి

మరికొన్ని గణాంకాలను చేర్చి, గణాంకాల పేజీలను విస్తరించాను. వికీపీడియా:గణాంకాలు పేజీతో మొదలు పెట్టి అన్ని పేజీలను పరిశీలించమని కోరుతున్నాను.

గతకాలపు గణాంకాలు రాబోయే కాలంలో మనం చెయ్యబోయే పనులను రూపొందించుకునేందుకు దోహదం చేస్తాయి. మన భవిష్యత్తు లక్ష్యాలను నిర్దేశించుకునేందుకు పనికొస్తాయి.

ఈ గణాంకాలను మరిన్ని విధలుగా ఉపయోగించుకునే మార్గాలేమైనా ఉన్నాయేమో పరిశీలించవలసినదిగా కోరుతున్నాను. ఒక ఉదాహరణ ఏంటంటే - గతంలో చురుగ్గా రాసి, గత రెండేళ్ళుగా 10 కంటే తక్కువ దిద్దుబాట్లు చేసిన వాడుకరులు కొందరున్నారు. ఆ గణాంకాలను తయారుచేసి వాడుకరుల గణాంకాలు పేజీలో పెట్టాను. ఆ వాడుకరులను తిరిగి వికీలో రచనలు చెయ్యమని వారి వాడుకరి చర్చ పేజీలో అభ్యర్ధించవచ్చు. వారితో పరిచయం ఉన్నవారు వారి వాడుకరి పేజీ నుండి ఈమెయిలు ద్వారా (ఈ వాడుకరికి ఈమెయిలు పంపు అనే లింకు ద్వారా) ఈమెయిలు పంపవచ్చు. ఆ విధంగా ఆ 64 మందిలో ఆరుగురు మళ్ళీ వచ్చి రాసినా వికికి ఎంతో ఉపయోగం కలుగుతుంది. అలాగే "2019 లో నమోదై 20 కి పైగా రచనలు చేసినవారు", "2020 లో నమోదై 10 కి పైగా రచనలు చేసినవారు" మొదలైన జాబితాలను కూడా ఇచ్చాను. వీరిని మరింత చురుగ్గా రాసేందుకు ప్రోత్సహించవచ్చు.

ఇలాంటి ప్రయోజనకరంగా ఉండే మరిన్ని గణాంకాల ఆలోచనలను సూచించవలసినదిగా కూడా వాడుకరులను కోరుతున్నాను. ఆ సూచనల ప్రకారం మరిన్ని గణాంకాలను వెలికి తీద్దాం. వాటిని వికీ ప్రయోజనాల కోసం వాడుకుందాం.

అలాగే ఈ గణాంకాలలో దోషాలేమైనా ఉంటే సూచించవలసినదిగా కూడా కోరుతున్నాను. __చదువరి (చర్చ • రచనలు) 17:06, 26 డిసెంబరు 2020 (UTC)

Wikimedia Wikimeet India 2021 Newsletter #3

Hello,
Happy New Year! The third edition of Wikimedia Wikimeet India 2021 newsletter has been published. We have opened proposals for session submissions. If you want to conduct a session during the event, you can propose it here before 24 Jamuary 2021.

There are other stories. Please read the full newsletter here.

To subscribe or unsubscribe the newsletter, please visit this page. -- MediaWiki message delivery (చర్చ) 08:56, 1 జనవరి 2021 (UTC)

అయోమయ నివృత్తి పేజీల గణాంకాలు

అయోమయ నివృత్తి పేజీల శీర్షికలో పేరు చివర "(అయోమయ నివృత్తి)" అని చేర్చడం రివాజు. దానివలన పేజీ పేరు చూడగానే వాడుకరికి అది అయోమయ నివృత్తి పేజీ అని తెలిసి పోతుంది. తెవికీలో ప్రధానబరిలో ఉన్న అయోమయ నివృత్తి పేజీల్లో 423 పేజీల శీర్షికల్లో "(అయోమయ నివృత్తి)" ఉండగా, 2000 పైచిలుకు పేజీల్లో అది లేదు. ఉదా: గూడూరు. అలాంటి పేజీల జాబితాలను శీర్షికలో "అయోమయ నివృత్తి" లేని అయోమయ నివృత్తి పేజీలు 1, శీర్షికలో "అయోమయ నివృత్తి" లేని అయోమయ నివృత్తి పేజీలు 2 అనే రెండు పేజీల్లో చేర్చాను. పేరుతో పాటు ఆ పేజీకి ఉన్న ఇన్‌కమింగు లింకుల సంఖ్యను కూడా ఈ జాబితాల్లో చూడవచ్చు. అయోమయ నివృత్తి పేజీలకు ఉన్న ఇన్‌కమింగు లింకులను తీసేసి, నేరుగా గమ్యం పేజీకి లింకిచ్చే ప్రాజెక్టులో పనిచేసేందుకు ఈ జాబితాలు పనికొస్తాయి. వాడుకరులంతా ఈ జాబితాలను పరిశీలించవలసినదిగా కోరుతున్నాను. యర్రా రామారావు గారూ, గతంలో మీరు ఈ పేజీల గురించి సూచన చేసారు. ఆ సూచనను అనుసరించే ఈ జాబితాలను తయారు చేసాను. పరిశీలించండి. __చదువరి (చర్చ • రచనలు) 06:53, 2 జనవరి 2021 (UTC)

చదువరి గారూ, సూచనను గుర్తుంచుకొని వాటికి అనువైన గణాంకాలు పేజీలు తయారు చేసినందుకు ధన్యవాదాలు.ఈ వికీపీడియా:వికీప్రాజెక్టు/అయోమయ నివృత్తి లో భాగస్వామ్యం వహించి తగుసవరణలు చేపడతాను. యర్రా రామారావు (చర్చ) 07:12, 2 జనవరి 2021 (UTC)

మీరు ప్రత్యేకం

చదువరి గారు, మీలోతైన విశ్లేషణ, కొత్త వాడుకరులకు ఏమి కావాలి, చురుకైన వాడుకరికి మరింత ప్రోత్సాహం, మీ వాడుకరి పేజీ మొదలుకొని కొత్తగా సృష్టించే ఏపేజీ అయినా ప్రతి వాడుకరికి పాఠాలే, 2020 వికీపీడియా లో జరిగిన పరిణామాలు తెలుగు వికీపీడియా లెక్కలు శ్రమపడి చాలా బాగా తీశారు. అందుకు మీకు ప్రత్యేక కృతజ్ఞతలు, అభినందనలు. ఆ లెక్కల ప్రకారం తమిళంలో జరిగిన అభివృద్ధి జాతీయ భాషగా ఉన్న హిందీ సమానంగా ఉంది. ప్రాంతీయ భాషలు అంతగా పురోగతి లేదు తమిళంలో మాత్రం, 39 మంది నిర్వాహకులు లక్ష 33,000 పేజీలు ఉండటం విశేషం, అంతగా అభివృద్ధి చెందడానికి వాళ్లకు ఉన్న వనరులు మీకే తెలిసి ఉండాలి, బహుశా కొత్తగా ఎవరైనా వ్యాసాలు రాస్తే వారిని బాగా ప్రోత్సహిస్తారు అనుకుంటున్నాను, తెవికీ సభ్యులు అందరూ మిమ్మల్ని తప్పకుండా అన్ని రకాల గణంకాలు తీసినందుకు మీకు ధన్యవాదాలు చెప్తారని భావిస్తున్నాను, అందరి తరపున నా ప్రత్యేక ధన్యవాదాలు. __ ప్రభాకర్ గౌడ్ నోముల ^చర్చ 10:11, 2 జనవరి 2021 (UTC)

"అంతగా అభివృద్ధి చెందడానికి వాళ్లకు ఉన్న వనరులు మీకే తెలిసి ఉండాలి, బహుశా కొత్తగా ఎవరైనా వ్యాసాలు రాస్తే వారిని బాగా ప్రోత్సహిస్తారు అనుకుంటున్నాను," - వాళ్ళెందుకు అభివృద్ధి చేందుతున్నారో కొన్ని ఊహించగలను గానీ, కచ్చితంగా తెలవదు. కానీ మనం ఆ సంగతులు తెలుసుకుంటే మనకు ఉపయోగపడతాయి. ఒక్కటి మాత్రం నిజం.. నిర్వాహకులు ఎక్కువ మంది ఉండడం ముఖ్యం కాదు, పనిచేసే నిర్వాహకులెంతమంది అనేది ముఖ్యం. తమిళ వికీనే చూడండి.. అక్కడ ఉండడానికి 39 మంది నిర్వాహకులున్నారు. కానీ గత 30 రోజుల్లో నిర్వాహక పనులు చేసిన వారు ఏడుగురు. 2020 మొత్తమ్మీద 50 కంటే ఎక్కువ నిర్వాహక పనులు చేసినది 8 మందే. ఈ 8 మంది కలిసి 5400 పనులు చేస్తే, మరో 18 మంది నిర్వాహకులు అందరూ కలిసి చేసిన మొత్తం పనులు 84!

నా పనిని గుర్తించినందుకు మీకు ధన్యవాదాలు__చదువరి (చర్చ • రచనలు) 18:14, 2 జనవరి 2021 (UTC)

ఒక పేరొందిన తమిళ వికీపీడియన్ ఒకరు నిర్వాహక హక్కులను ఒక స్థాయి కృషిచేసిన ప్రతీవారికీ బహుమానంలా ఇచ్చుకుంటూ పోతున్నామని చెప్పారు. అందుకు భిన్నంగా అదే దశలో తెలుగు వికీపీడియాలో కృషిచేసినవారికి రెండేళ్ళ పాటు 15 మందికి అవార్డులు ఇచ్చింది, ఆపైన తెలంగాణ ప్రభుత్వ సహకారంతో మరోమారు 20+ మందికి సన్మానాలు చేసింది. అక్కడ సంఖ్య ఎక్కువ ఉండడానికి కారణం ఇదే! కావాలంటే మనం ఇప్పుడు కూడా, ఉత్తమ వికీపీడియన్ పురస్కారం ఒకదాన్ని ఏర్పాటుచేయవచ్చు. దానికంటూ కొన్ని ప్రాతిపదికలు గట్టివి పెట్టుకోవచ్చు. ఏడాది పొడవునా వికీపీడియన్లు (గడచిన ఏడాది కాదు, రానున్న ఏడాది) చేసే కృషిని ముందుగానే పెట్టిన ప్రాతిపదికల ఆధారంగా మదింపు వేసి ఏడాది చివర్లో పురస్కారం ఇవ్వవచ్చు. ఈ తరహా పురస్కారాలకు ఆంగ్ల వికీపీడియాలో పలు ప్రాజెక్టులను చాలా నాణ్యంగానూ, సంఖ్యాపరంగానూ కూడా అభివృద్ధి చేసిన చరిత్ర ఉంది. --పవన్ సంతోష్ (చర్చ) 03:20, 3 జనవరి 2021 (UTC)

పవన్ సంతోష్ గారు, తెవిలో ఆంగ్ల వికీపీడియాలో ప్రాజెక్టులను చాలా నాణ్యంగా చేయడానికీ ప్రతిపాదికలను ఏ అంశాల్లో చేశారో, మనకు ఏం కావాలో తెవిని మదింపు చేసీ ప్రతిపాదన చేయండి. __ ప్రభాకర్ గౌడ్ నోముల ^చర్చ 19:22, 3 జనవరి 2021 (UTC)

ఇతర విషయాల్లో ఆసక్తి ఉన్నమేరకు అలాంటివి అనేకం చేశాము, చేస్తున్నాము. (ఉదాహరణకు మంచి వ్యాసాల నాణ్యతా పరామితులు - మదింపు వ్యవస్థ ఏర్పాటు, వికీపీడియా శైలి మా శక్తిమేరకు అభివృద్ధి వంటివి ఆంగ్లం నుంచే స్ఫూర్తి పొందాం) కొన్ని విషయాల్లో తెలుగులోనే కొత్తదనంతో చేస్తున్నాము/చేశాము (ఉదాహరణకు గ్రామాల ప్రాజెక్టు ఇంగ్లీషు వారే మన నుంచి నేర్చుకోదగ్గది.) మీరు తెలుగు వికీలో జరుగుతున్నవి పరిశీలించండి. ఇక, ఈ విషయంలో ఇది చేస్తే చేయవచ్చు అని చెప్పాను కదండీ. ప్రతిపాదించే ఆసక్తి ఉంటే (/ఉన్నప్పుడు) ప్రతిపాదించేవాడినే. ఒక ఐడియా ఇచ్చాను. సముదాయంలో ఆసక్తి ఉన్నవారు చర్చించండి, బావుందంటే అందరం కలిసి చేయవచ్చు. నావైపు నుంచి ఇప్పటికి అంతే! --పవన్ సంతోష్ (చర్చ) 05:19, 4 జనవరి 2021 (UTC)

ప్రస్తుతం వికీలో జరుగుతున్న అభివృద్ధి ప్రశంసనీయం. గ్రామాల ప్రాజెక్టు, అనువాద వ్యాసాలు, జిల్లాలు మరియు జిల్లాకేంద్రాల పునర్వ్యవస్థీకరణ లాంటివి చాలా బాగున్నాయి. పవన్ చెప్పినట్లు మిగతా ఇండిక్ భాషల వికీపీడియన్లు మననుండి నేర్చుకోవాలి. సంఖ్యమీద కాకుండా నాణ్యత మీద దృష్ఠిని పెట్టి ఈలాంటి నిర్ణయం తీసుకున్నాను. తొలిరోజుల్లో నాలాంటివారు; ఎన్నెన్నో వ్యాసాల మొలకలకు సృష్టించి; వాటిని విస్తరణ చేయలేక నాణ్యతను ప్రక్కకి నెట్టారు; వాటిలోని లోపాల్ని సవరించి ముందుకు తీసుకొని పోతున్న, చదువరి, వెంకటరమణ, రామారావు మొదలైన వారికి నా అభినందనలు. ఈ 2021లో కూడా ఇదేవిధంగా నాణ్యతను మెరుగుపరుచుకుంటూ పోవాలని నా అభిలాష.--Rajasekhar1961 (చర్చ) 05:48, 4 జనవరి 2021 (UTC)

రాజశేఖర్ గారూ నమస్తే! ప్రస్తుతం వికీలో జరుగుతున్న అభివృద్ధి ప్రశంసనీయం అనే దానిపై మీ స్పందనలకు అందరి తరుపున ధన్యవాదాలు. యర్రా రామారావు (చర్చ) 07:55, 5 జనవరి 2021 (UTC)

ఏ వ్యాసాలను సృష్టించాలి

కొత్త వ్యాసాలను రాయాలనుకునే వాడుకరులకు ఏ వ్యాసాలు రాయాలనే విషయంలో మార్గదర్శకంగా ఉండే సమాచారాన్ని చేరుస్తూ వికీపీడియా:వాడుకరులకు సూచనలు పేజీలో ఏ వ్యాసాలను సృష్టించాలి అనే విభాగాన్ని చేర్చాను, పరిశీలించండి. అందులోనే, విస్తరించేందుకు, మెరుగుపరచేందుకూ వేచి చూస్తున్న వ్యాసాల జాబితాల లింకులు కూడా ఇచ్చాను. పరిశీలించండి. __చదువరి (చర్చ • రచనలు) 05:12, 3 జనవరి 2021 (UTC)

కొత్త వ్యాసాలు రాయడానికి మీరిచ్చిన మార్గదర్శకాలు బాగున్నాయి చదువరి గారు. ధన్యవాదాలు.-- ప్రణయ్‌రాజ్ వంగరి (Talk2Me|Contribs) 07:42, 3 జనవరి 2021 (UTC)

టాప్‌ఐకన్లు

వాడుకరి పేజీల్లో వాడుకరిపెట్టెలు పెట్టుకోవడం మామూలే. వాడుకరికి సంబంధించిన వివిధ ఆసక్తులు, గుణాలు, వికీలో వారు చేస్తున్న కృషి మొదలైన వాటిని సూచించేలా అనేక వాడుకరిపెట్టెలు ఉన్నాయి. వీటిని వాడుకరి పేజీలో పెట్టుకుని తమ గురించి తెలియజెప్పడం వాడుకరులకు మామూలే. ఇలాంటిదే టాప్‌ఐకన్ కూడా. ఇది కూడా వాడుకరిపెట్టె లాగానే ఒక మూస. పేజీలో ఈ టాప్‌ఐకన్ మూసను పెట్టి భద్రపరచినపుడు, ఒక చిన్న బొమ్మ (ఐకను) వాడుకరి పేజీలో పైన, శీర్షిక ఉండే లైనులో కుడి చివర చేరుతుంది (బొమ్మ కనబడక పోతే పేజీని పర్జి చేసి చూడండి, కనిపిస్తుంది). ఈ మూసను పేజీలో ఏ స్థానంలో నైనా పెట్టవచ్చు. ఎక్కడ పెట్టినా బొమ్మ మాత్రం పైననే కనిపిస్తుంది. వాడుకరిపెట్టెల్లాగానే ఈ టాప్‌ఐకన్లను కూడా ఎన్ని కావాలంటే అన్ని పెట్టుకోవచ్చు... ఈ బొమ్మలన్నీ పక్కపక్కనే చక్కగా ఒదిగి కూర్చుంటాయి. వాడుకరిపెట్టెలంటే ఇష్టపడనివారు వీటిని పరిశీలించవచ్చు. రెండూ కావాలనుకున్నా పెట్టుకోవచ్చు. వివిధ రకాలైన టాప్‌ఐకన్లు వర్గం:వాడుకరి పేజీ టాప్‌ఐకన్లు అనే వర్గంలో ఉన్నాయి, పరిశీలించండి. ఇంకా ఇతర పనులను/లక్షణాలనూ సూచించే టాప్‌ఐకన్లు కావాలంటే తయారు చేసుకోవచ్చు లేదా ఎన్వికీ నుండి దించుకోవచ్చు. పరిశీలించండి. __చదువరి (చర్చ • రచనలు) 11:09, 4 జనవరి 2021 (UTC)

వికీలోకి మనం ఎన్నేసి బైట్లను చేరుస్తున్నాం

వికీ అభివృద్ధిలో పరిమాణం పరంగా ఒక్కొక్కరి వాటా ఎంత అనేది చూడాలంటే బాగా ఉపయోగపడేది, విశ్వసనీయమైనది అయిన కొలత -చేర్చిన బైట్లు. ఒక్కో వాడుకరికి సంబంధించిన ఈ సమాచారాన్ని తీసి దిద్దుబాటు పరిమాణం అనే పేజీలో పెట్టాను. తొలి నుండి ఇప్పటి వరకూ చేర్చిన బైట్లు, 2020 సంవత్సరంలో చేర్చినవి -రెండు పట్టికలుగా పెట్టాను. తొలి వందమంది వాడుకరులనే తీసుకున్నాను. పరిశీలించండి. __చదువరి (చర్చ • రచనలు) 11:51, 5 జనవరి 2021 (UTC)

ఈ ఏటి అనువాదాలు

2021 జనవరి 1 నుండి ఈనాటి వరకు రోజూవారీగా మనం ప్రచురించిన అనువాదాల జాబితా (https://quarry.wmflabs.org/query/50975), ఆ రోజు నుండి రోజూ ఒక్కొక్క వాడుకరి ఎన్నేసి అనువాదాలను ప్రచురించారు (https://quarry.wmflabs.org/query/51144) అనే సంగతులను ఏ రోజైనా చూడవచ్చు (ఉదాహరణకు మార్చి 4 వ తేదీన వెళ్ళి చూస్తే జనవరి 1 నుండి మార్చి 4 వరకూ ఉన్న డేటా అంతా చూపిస్తుంది. ఆగస్టు 18 న వెళ్ళి చూస్తే, జనవరి 1 నుండి ఆగస్టు 18 వరకు ఉన్న డేటాను చూపిస్తుంది). ఇక్కడ బ్రాకెట్లలో ఇచ్చిన లింకులకు వెళ్ళి అక్కడున్న "Submit query" అనే బొత్తాన్ని నొక్కండి (తప్పనిసరిగా నొక్కాలి, లేకపోతే తాజా డేటాను చూపించదు). కొద్ది సెకండ్లలో ఫలితాలు కనిపిస్తాయి. పరిశీలించండి. __చదువరి (చర్చ • రచనలు) 17:35, 7 జనవరి 2021 (UTC)

Wikipedia 20th anniversary celebration edit-a-thon

Dear all,

We hope you are doing well. As you know, CIS-A2K is running a series of mini edit-a-thons. Two mini edit-a-thons has been completed successfully with your participation. On 15 January 2021, Wikipedia has its 20th birthday and we are celebrating this occasion by creating or developing articles regarding encyclopedias including Wikipedia. It has started today (9 January 2021) and will run till tomorrow (10 January 2021). We are requesting you to take part in it and provide some of your time. For more information, you can visit here. Happy editing. Thank you Nitesh (CIS-A2K) (talk) 07:54, 9 January 2021 (UTC)

2020 లో కొత్తగా చేరిన మొలకలు

2020 సంవత్సరంలో కొత్తగా సృష్టించబడిన మొలకల జాబితాను వికీపీడియా:పేజీల గణాంకాలు/2020 లో సృష్టించబడిన మొలకలు పేజీలో చూడవచ్చు, ఆపై కింది చర్యలు తీసుకోనూ వచ్చు -

• సముచితమైన మొలక వర్గం లోకి చేర్చవచ్చు. (ఈ మొలకల్లో మూడోవంతు మొలకలు అసలు మొలక వర్గం లోకే చేరలేదు)
• విస్తరించి మొలక స్థాయిని దాటించవచ్చు
• సముచితమైన చర్య మరేదైనా తీసుకోవచ్చు

పరిశీలించండి. __చదువరి (చర్చ • రచనలు) 18:47, 9 జనవరి 2021 (UTC)

మొదటి పేజీలో ఈ వారం బొమ్మ

రామారావు గారి కోరిక మేరకు ఈవారం బొమ్మ సరిగా కనబడుతుందా లేదా పరిశీలించాను. నాకు ఈ వారం కొత్తది కనబడుతోంది. మెదక్ చర్చి బొమ్మ చేర్చాను. అదే కనిపిస్తుంది. ఇంకెవరికైనా పాతదే కనిపిస్తుందా? ఒకవేళ అలా కనిపిస్తూ ఉంటే క్యాషే సమస్య అయిఉండవచ్చు. - రవిచంద్ర (చర్చ) 12:49, 11 జనవరి 2021 (UTC)

ధన్యవాదలు రవిచంద్ర గారూ, మెదక్ చర్చి బొమ్మ కనపడతుంది.మరలా 3 వారం బొమ్మ 15 జనవరి 2021 న మార్చవలసి ఉంది. యర్రా రామారావు (చర్చ) 13:00, 11 జనవరి 2021 (UTC)

రవిచంద్ర గారూ, నాకు కూడా మెదక్ చర్చి బొమ్మనే కనపడతోంది. బొమ్మల కోసం కొత్త పేజీలు సృష్టించిన తరువాత, ప్రతివారం దానికదే మారుతుందా, లేక మనమే మార్చాలా..?.-- ప్రణయ్‌రాజ్ వంగరి (Talk2Me|Contribs) 13:31, 11 జనవరి 2021 (UTC)

ఈ వారం వ్యాసం, ఈ వారం బొమ్మ లు ప్రపంచ ప్రామాణిక కాలం (UTC/GMT) ప్రకారం మారుతుంది. అనగా భారతదేశంలో సోమవారం ఉదయం 05:30 గంటలకు. వికీపీడియా:ఈ వారపు వ్యాసం జాబితా/2021 ISO కేలండర్ వారం సంఖ్య ప్రకారం వారం నిర్ణయం జరుగుతుంది. – K.Venkataramana  – ☎ 01:59, 12 జనవరి 2021 (UTC)

ధన్యవాదాలు వెంకటరమణ గారు.-- ప్రణయ్‌రాజ్ వంగరి (Talk2Me|Contribs) 09:56, 12 జనవరి 2021 (UTC)

వ్యాసం పేజీ లేని చర్చ పేజీలు

తెవికీలో వ్యాసం పేజీ లేని చర్చ పేజీలు కొన్నున్నై. గతంలో వ్యాసం పేజీ ఉండేది. ఆ రోజుల్లో ఈ చర్చ పేజీలను సృష్టించాం. అయితే, తదనంతర కాలంలో వివిధ కారణాల వల్ల వ్యాసం పేజీని తొలగించాం. సహజంగానే ఈ చర్చ పేజీలు అలాగే ఉండిపోయాయి - ఉండాలి కూడా. అయితే ఇలా మిగిలిపోయిన 1873 చర్చాపేజీల్లో చాలా వరకు అవసరం లేనివే, తొలగించాల్సినవే. ఆ జాబితాను తయారు చేసి గణాంకాల పేజీల్లో పెట్టాను. అక్కడి జాబితాల్లో 44 బైట్ల లోపు ఉన్న పేజీలను వర్గం:వ్యాసం పేజీ లేని చర్చ పేజీలుఅనే వర్గం లోకి చేర్చాను. వాటిని మూకుమ్మడిగా తొలగించే ప్రతిపాదన చేసి (ఎందుకు తొలగించాలో అక్కడ క్లుప్తంగా రాసాను), చర్చించి, చర్చానుసారం తగు చర్య తీసుకోవచ్చు. వాడుకరులు వాటిని పరిశీలించాలని వినతి. __చదువరి (చర్చ • రచనలు) 15:12, 15 జనవరి 2021 (UTC)

నేను పరిశీలించి నాఅభిప్రాయం పేజీల గణాంకాలు/వ్యాసం పేజీ లేని చర్చ పేజీలు చర్చాపేజీలో తెలియచేసాను.గమనించగలరు. యర్రా రామారావు (చర్చ) 15:31, 15 జనవరి 2021 (UTC)

వ్యాసాలు లేని చర్చాపేజీలు అనవసరమని నా అభిప్రాయం, వాటిని తొలగిస్తేనే మంచిది.-- ప్రణయ్‌రాజ్ వంగరి (Talk2Me|Contribs) 18:07, 16 జనవరి 2021 (UTC)

@Pranayraj1985 గారూ, తొలగించాల్సిందేనండి. కానీ నేను పైన రాసినది "మూకుమ్మడిగా" తొలగించే సంగతి గురించి.కొన్ని వేల పేజీలను తొలగించాలి కదా.. (దాదాపు 750 పేజీలను తొలగించేస్తాం.మిగతావాటిని ఒక్కొక్కదాన్నే తొలగించాలి) అంచేత సముదాయం దృష్టికి తీసుకురావాలనే ఉద్దేశంతో రాసాను.__ చదువరి (చర్చ • రచనలు) 18:26, 16 జనవరి 2021 (UTC)

వ్యాసంలో బొమ్మ ఉన్నా, చర్చపేజీలో బొమ్మ అభ్యర్ధన ఉన్న పేజీలు

వ్యాసాల్లో వ్యాస విషయానికి సంబంధించిన బొమ్మలు ఉంటే వ్యాసానికి మంచి విలువ చేకూరుతుంది. వ్యాసాల్లో బొమ్మలు చేర్చాలనే అభ్యర్ధన చేస్తూ గతంలో అనేక చర్చా పేజీల్లో {{బొమ్మ అభ్యర్థన}} అనే మూసను చేర్చాను. దరిమిలా అనేక వ్యాసాల్లో బొమ్మలు ఛేర్చినప్పటికీ సంబంధిత చర్చ పేజీలో ఉన్న పై మూసను తీసెయ్యలేదు. అలాంటి పేజీలు 1516 ఉన్నట్లు గమనించాను. ఈ పేజీలన్నిటినీ వర్గం:బొమ్మ అభ్యర్ధన తీసెయ్యవలసిన పేజీలు అనే వర్గం లోకి చేర్చాను (నిజానికి ఈ క్షణాన AWB ఈ పని చేస్తోంది. ఒక గంటలో అయిపోతుంది). ఆ వర్గం లోని పేజీలను మానవికంగా ఒక్కొక్కదాన్నే తెరిచి, పై మూసను తీసెయ్యవచ్చు. అయితే ఇదే పనిని అనాయాసంగా, కొన్ని పదుల రెట్లు వేగంగా AWB తో చేసెయ్యొచ్చు. AWB వాడుకరులెవరైనా ఈ పనికి పూనుకోవచ్చు. పరిశీలించవలసినది. __చదువరి (చర్చ • రచనలు) 15:52, 15 జనవరి 2021 (UTC)

AWB ద్వారా ఏమి పనులు జరుగుతున్నవి అనే విషయం సామాన్య వాడుకరులకు తెలియరావటంలేదు.ఒక్కోసారి ఏమి జరిగిందో తెలుసుకోవాలన్నా దాని మీద ఆసక్తి కనపర్చుటలేదు.కావున ఇక ముందు నుండి AWB వాడుకరులు ఏమేమి సవరణలు చేస్తున్నారు లేదా ఏమేమి చేయబోవుచున్నారు అనే విషయాలు సామాన్య వాడుకరులకు తెలియటానికి, ఒక ప్లాటుఫారం ఉంటే బాగుంటుందని నా అభిప్రాయం.ఈ విషయంలో చదువరి గారూ తగిన చొరవ తీసుకొని, దానికి అవసరమైన చర్యలు తీసుకుంటారని భావిస్తున్నాను.--యర్రా రామారావు (చర్చ) 16:17, 15 జనవరి 2021 (UTC)

"బొమ్మ అభ్యర్ధన తీసెయ్యవలసిన పేజీలు" వర్గంలోని వ్యాసాలన్నింటిలో ఎ.డబ్ల్యూ బి ఉపయోగించి "బొమ్మ అబ్యర్థన" మూసను తొలగించితిని.  – K.Venkataramana  – ☎ 16:12, 16 జనవరి 2021 (UTC)

@యర్రా రామారావు గారూ, చేద్దాం. కానీ ఒక మూణ్ణాలుగు వారాల పాటు నాకు అది వీలయేటట్టు లేదు. ఆ తరువాత చేస్తాను. ఈలోగా మీరు మొదలుపెట్టకూడదూ..నేణు చేయి కలుపుతాను. __ చదువరి (చర్చ • రచనలు) 18:21, 16 జనవరి 2021 (UTC)

మీరు వికీలో కనపడుటలేదు అంటే వికీ గణాంకాలలో చాలా బిజీగా ఉన్నట్లు అర్థమవుతుంది.ఎన్నెన్ని రకాలు గణాంకాలు ఉండాలో అన్ని రకాల గణాంకాలు తయారుచేసి, మాముందుంచుతున్నందుకు ధన్యవాదాలు.కొన్ని గణాంకాలు చూస్తే చాలా ఆశ్చర్యం కలుగుతుంది.నేను మొదలుపెడతాను.మీ సూచనలు తప్పనిసరికావాలి. యర్రా రామారావు (చర్చ) 18:30, 16 జనవరి 2021 (UTC)

ఇంకా తొలగించబడిన వ్యాసాల చర్చా పేజీలలో కూడా {{బొమ్మ అభ్యర్థన}} మూస అనేక వ్యాసాలలో ఉంది. ఉదా:చర్చ:"ధర్మాపురం, గుత్తి". అటువంటి వాటిని కూడా వర్గీకరించండి  – K.Venkataramana  – ☎ 16:18, 16 జనవరి 2021 (UTC)

ఇంకా చాలా వ్యాసాలలో బొమ్మ చేర్చడిననూ ఆవ్యాస చర్చా పేజీలో ఆమూస ఉన్నది. వాటిని కూడా వర్గీకరించగలరు. ఉదా:2010లో క్రీడలు. – K.Venkataramana  – ☎ 16:21, 16 జనవరి 2021 (UTC)

బొమ్మ అభ్యర్ధన తీసెయ్యవలసిన పేజీలలోంచి "బొమ్మ అబ్యర్థన" మూసను తొలగించినందుకు ధన్యవాదాలు వెంకటరమణ గారు.-- ప్రణయ్‌రాజ్ వంగరి (Talk2Me|Contribs) 18:12, 16 జనవరి 2021 (UTC)

నాకు డేటాబేసులో కనబడిన 1500 పైచిలుకు పేజీలను ఇక్కడ పెట్టాను. ఇంకా మీకు అలాంటివి కనబడితే వాటిని మానవికంగా వర్గీకరించండి. __ చదువరి (చర్చ • రచనలు) 18:16, 16 జనవరి 2021 (UTC)

పైనున్న వుభాగం చూడండి. __ చదువరి (చర్చ • రచనలు) 18:13, 16 జనవరి 2021 (UTC)

దారిమార్పు చేసిన వర్గం పేజీలు

వర్గాల దారిమార్పు అనేది మిగతా దారిమార్పుల కంటే భిన్నమైన అంశం. దారిమార్పుగా చేసిన తరువాత వేరే పేరుబరుల్లోని పేజీల్లోనైతే అనుకోకుండా దిద్దుబాట్లు చేసే అవకాశం లేదు -కావాలని చేస్తే తప్ప. కానీ దారిమార్పు చేసిన వర్గం పేజీలోకి మనకు తెలీకుండానే పేజీలను చేర్చే అవకాశం ఉంటుంది. ఎందుకంటే పేజీలను వర్గంలో చేర్చేటపుడు పనంతా పేజీలో చేస్తాం గానీ వర్గం పేజీలో చెయ్యం. అసలు వర్గం పేజీని చూడనే చూడం. అంచేత వర్గాన్ని దారిమార్పు చేసాక, ప్రతీ సందర్భంలో అలా చెయ్యకూడదు గానీ, ఎక్కువ సందర్భాల్లో దారిమార్పు వర్గాన్ని తీసెయ్యడం ఉత్తమం. అలాంటి దారిమార్పు వర్గాల జాబితాను వికీపీడియా:పేజీల గణాంకాలు/దారిమార్పు చేసిన వర్గం పేజీలు అనే పేజీలో పెట్టాను. వాడుకరులు పరిశీలించి ఒక్కో వర్గం విషయంలో ఉచితమైన చర్య తీసుకోవాలని కోరుతున్నాను. ఇలా ఏదో ఒక చర్య తీసుకోవాల్సిన అవసరం ఉన్న గణాంకాల పేజీలను వర్గం:చర్యలు అవసరమైన పేజీలు అనే వర్గం లోకి చేర్చాను. వికీపీడియా నిర్వహణపై ఆసక్తి ఉన్న వాడుకరులందరూ ఆ వర్గాన్ని, దాని మాతృవర్గమైన వర్గం:వికీపీడియా నిర్వహణ వర్గాన్నీ చూస్తూ ఉండాలని కోరుతున్నాను. __చదువరి (చర్చ • రచనలు) 04:26, 17 జనవరి 2021 (UTC)

చర్చ పేజీ మాత్రమే దారిమార్పు చెందిన కంటెంటు పేజీలు

వ్యాసం పేజీ అలాగే ఉండగా, చర్చ పేజీని మాత్రమే దారిమార్పు చేసిన వ్యాసం పేజీల జాబితాను వికీపీడియా:పేజీల గణాంకాలు/చర్చ పేజీ మాత్రమే దారిమార్పు చెందిన వ్యాసం పేజీలు పేజీలో చూడవచ్చు. ఉదాహరణకు అంకురము అనే పేజీ వృక్షశాస్త్రంలో మొలక గురించి కాగా, దాని చర్చ పేజీ మాత్రం అంకురం అనే సినిమా చర్చ పేజీకి దారిమార్పు చెందింది. అలాగే అందాల రాముడు అనే పేజీ అయోమయ నివృత్తి పేజీ కాగా, దాని చర్చ పేజీ మాత్రం "అందాల రాముడు" అనే 1973 సినిమా చర్చ పేజీకి దారిమార్పు చెందింది. దీనికి బహుశా ఒక కారణం -మొదట్లో రెండు పేజీలనూ దారిమార్పు చెయ్యగా, ఆ తరువాత వ్యాసం పేజీని మాత్రం దారిమార్పుగా తీసేసి కంటెంటును చేర్చి ఉండవచ్చు, ఈ క్రమంలో చర్చ పేజీని మాత్రం అలా దారిమార్పు గానే వదిలేసి ఉండవచ్చు. ఏది ఏమైనప్పటికీ ఈ పేజీలను సవరించాల్సిన అవసరం మాత్రం ఉంది. వికీపీడియా నాణ్యత పైనా, నిర్వహణ పైనా ఆసక్తి గల వాడుకరులు ఈ జాబితాను పరిశీలించవలసినదిగా విజ్ఞప్తి చేస్తున్నాను. __చదువరి (చర్చ • రచనలు) 06:18, 17 జనవరి 2021 (UTC)

పై జాబితాకు సరిగ్గా వ్యతిరేకమైన జాబితా - కంటెంటు పేజీ దారిమార్పు చెందగా, చర్చ పేజీ అలాగే నిలిచి ఉన్న పేజీల జాబితా కూడా తయారైంది. ఈ రెండు జాబితాలనూ వికీపీడియా:పేజీల గణాంకాలు/కంటెంటు, చర్చ పేజీల్లో ఒకటి మాత్రమే దారిమార్పు చెందిన పేజీలు పేజీలో చూడవచ్చు. __ చదువరి (చర్చ • రచనలు) 16:24, 17 జనవరి 2021 (UTC)

AWB తో జరుగుతున్న సవరణలు

ఆటో వికీబ్రౌజర్ ద్వారా చేపట్టే మార్పులు లేదా సవరణలు చేయబోయే ముందు నమోదు చేయుటకు వికీపీడియా:ఆటో వికీ బ్రౌజరుతో జరుగుతున్న సవరణలు అనే ఒక ప్రాజెక్టు పేజీ సృష్టించబడింది. ఎందుకంటే ఆటో వికీబ్రౌజర్ ద్వారా చేసే సవరణలు ఒక్కొక్కసారి వందలు వేలల్లో ఉంటాయి.ఇవి ఇటీవల మార్పులలో కనిపించినప్పుడు, అజ్ఞాత, కొత్త వాడుకరులు చేసే సవరణలను పర్వేక్షించటానికి అవి దాటిపోయి, అవకాశం ఉండదు.ఇది నిర్వాకులకు, చురుకైన వాడుకరులకు కొంత అసౌకర్యంగా ఉంటుందని అందరికీ తెలుసు. ఆఉద్దేశ్యంతో అవి ఇటీవల మార్పులలో కనపడకుండా చేయబడింది. అందువలన వికీపీడియాలో ఆటో వికీబ్రౌజర్ ద్వారా ఏమి సవరణలు జరుగుచున్నవో, దాని ఉపయోగవివరాలు కూడా వాడుకరులకు తెలియాల్సిన అవసరం ఉంది.ఎందుకంటే ఒక్కోసారి బాగా తెలిసిన పదాలు తప్పుగా రాస్తుంటాం.దీనిలో ఆటో వికీబ్రౌజర్ ద్వారా చేసే సవరణలు ముందుగా రాసినందువలన వికీ శైలి అభివృద్ధికి కూడా ఉపయోగాలు ఉన్నవి. ఇవే కాకుండా అనేక రకాలైన సవరణలు AWB ద్వారా చేయటానికి అవకాశం ఉంది.అందువలన అటో వికీ బ్రౌజరు ఖాతా ఉన్న చదువరి , వెంకటరమణ గారూ, ఇతర చురుకైన వాడుకరులు ఈ ప్రాజెక్టు పేజీలో ఏమైనా మార్పులు, చేర్పుల సూచనలు, పట్టికలో మార్పులు ఇంకా అవసరమనుకుంటే ప్రాజెక్టు చర్చాపేజీలో స్పందించగలరు.--యర్రా రామారావు (చర్చ) 14:13, 17 జనవరి 2021 (UTC)

తెలుగు వికీ పాఠ్య ప్రణాళిక ప్రాజెక్టు - పురోగతి - ఉద్యోగావకాశం

తెలుగు వికీ పాఠ్య ప్రణాళిక ప్రాజెక్టు విషయమై గతంలో జరిగిన చర్చ, పర్యవసానం తెలిసిందే. ఈ ప్రాజెక్టుకు అవసరమైన మద్దతు కోసమై సీఐఎస్-ఎ2కె వారి రిక్వెస్ట్ పేజీలో గత నెలలో అడిగాం. వారు ఇప్పుడు దీనికి సానుకూలంగా స్పందించడంతో, ప్రాజెక్టును ముందుకు తీసుకువెళ్ళడానికి దీనిపై స్వచ్ఛందంగా పర్యవేక్షణ పనులు, సహకారం, మార్గనిర్దేశం చేసే ముగ్గురితో కమిటీ ఏర్పాటుచేసి, ఉద్యోగంగా ఈ ప్రాజెక్టు నిర్వహణ బాధ్యతలు స్వీకరించే ప్రాజెక్టు సమన్వయకర్త ఉద్యోగాన్ని ఓపెన్ చేశాం. ఈ వివరాలను ప్రాజెక్టు పేజీలో చూడవచ్చు.
ప్రాజెక్టు సమన్వయకర్త ఉద్యోగానికి సంబంధించిన వివరాలను ఇక్కడ పొందుపరిచాం. 2021 జనవరి 25 తేదీ మధ్యాహ్నం (భారత కాలమానం) 12 గంటల వరకూ దరఖాస్తుకు అవకాశం ఓపెన్‌గా ఉంటుంది. ఆపైన సరైన అభ్యర్థి లభించేంతవరకూ దరఖాస్తు చేసుకోగల అవకాశం ఓపెన్‌గా ఉండి, సరైన అభ్యర్థి దొరకగానే ముగిసిపోతుంది. ప్రాజెక్టును నిర్వహించే కమిటీయే ఉద్యోగానికి వచ్చే దరఖాస్తులను పరిశీలించి, ఇంటర్వ్యూలు నిర్వహించి ఎంపికచేసి ఇక్కడ తెలియపరుస్తుంది. దరఖాస్తు చేసుకోవడానికి ఈ ఫాం నింపగలరు.--పవన్ సంతోష్ (చర్చ) 16:05, 17 జనవరి 2021 (UTC)

పవన్ సంతోష్ గారు, సరైన అభ్యర్థి దొరకగానే ఇక్కడ ఇప్పటివరకు ఎవరెవరు దరఖాస్తు పెట్టుకున్నారు, అనే విషయం లేదా దరఖాస్తు దారుల సంఖ్య అభ్యంతరం లేకపోతే వివరించగలరు. __ ప్రభాకర్ గౌడ్ నోముల ^చర్చ 02:59, 27 జనవరి 2021 (UTC)

ప్రాజెక్టు సమన్వయకర్త ఉద్యోగానికి సంబంధించిన ఫలితాన్ని ప్రాజెక్టు పేజీలో ప్రకటించాం. గమనించగలరు. — తెలుగు వికీ పాఠ్య ప్రణాళిక ప్రాజెక్టు కమిటీ తరఫున వీవెన్ (చర్చ) 13:36, 4 ఫిబ్రవరి 2021 (UTC)

Wikimedia Wikimeet India 2021 Newsletter #4

Hello,
Happy New Year! The fourth edition of Wikimedia Wikimeet India 2021 newsletter has been published. We have opened the registration for participation for this event. If you want to participate in the event, you can register yourself here before 16 February 2021.

There are other stories. Please read the full newsletter here.

To subscribe or unsubscribe the newsletter, please visit this page.MediaWiki message delivery (చర్చ) 16:12, 17 జనవరి 2021 (UTC)

వర్గీకరణలో సారూప్యత

తెలుగు వికీపీడియాలో వర్గాల పేర్లలో ముఖ్యంగా సినిమాలకు చెందిన వర్గాలలో కొన్ని వైవిధ్యాలు కనిపిస్తున్నాయి. ఉదాహరణకు "తెలుగు సినిమా", "తెలుగు సినిమాలు" అని రెండు వర్గాలున్నాయి. రెండింటిని విలీనం చేసి ఒకే వర్గం చేస్తే బాగుంటుంది. అలాగే క్రింది వర్గాల పేర్లు గమనించండి.

• వర్గం: అంజలా జవేరి నటించిన సినిమాలు
• వర్గం: అక్కినేని నాగేశ్వరరావు నటించిన సినిమాలు
• వర్గం: అల్లు అరవింద్ నిర్మించిన చిత్రాలు
• వర్గం: ఎస్.ఎస్.రాజమౌళి దర్శకత్వం వహించిన సినిమాలు
• వర్గం: ఇళయరాజా సంగీతం అందించిన చిత్రాలు
• వర్గం: ఎమ్.ఎమ్. కీరవాణి సంగీతం అందించిన సినిమాలు
• వర్గం: తెలుగు జానపద చిత్రాలు
• వర్గం: రీమేక్ సినిమాలు

పై వర్గాల పేర్లలో కొన్నిసార్లు చిత్రాలు అని కొన్నిసార్లు సినిమాలు అని ఉన్నాయి. ఈ వర్గాల పేర్లన్నింటిని సినిమాలు అనో చిత్రాలు అనో ఒకే విధంగా మార్చాలని ప్రతిపాదిస్తున్నాను.స్వరలాసిక (చర్చ) 07:41, 19 జనవరి 2021 (UTC)

ఈ విషయాన్ని పరిశీలన లోకి తీసుకున్నందుకు @స్వరలాసిక గారికి ధన్యవాదాలు. నా అభిప్రాయాలు:

తెలుగు సినిమా, తెలుగు సినిమాలు" - ఈ రెండు వర్గాలూ ఉండాలని భావిస్తున్నాను. మొదటిది తెలుగు సినిమా కు సంబంధించిన అన్ని విషయాలను - సినిమాలు, వ్యక్తులు, సంఘటనలు, వ్యాపారం, రాజకీయాలు, వగైరాలన్నిటినీ కలగలుపుకుని ఉంటుంది. తెలుగు సినిమాలు వర్గంలో సినిమాలు మాత్రమే ఉంటాయి.

సినిమాలు / చిత్రాలు అంశం విషయంలో: సినిమా అనేది ఇప్పుడు తెలుగు మాటే ఐపోయింది. వాడుకలో విస్తృతంగా ఉన్న మాట ఇది. చిత్రం అనే మాటకు వేరే అర్థాలు కూడా ఉన్నాయి గానీ, సినిమా అంటే సినిమాయే, తెలుగులో వేరే అర్థం లేదు. అంచేత ఈ రెండు పేర్లలో సినిమాలు అనేదాన్ని ఉంచి, "చిత్రాలు" అనే పేరున్న వర్గాల్లో ఆ పేరు స్థానే "సినిమాలు" అనే పేరును ఉంచాలని భావిస్తున్నాను. వర్గాల్లోనే కాకుండా చిత్రాలు అని ఉన్న ఇతర చోట్ల కూడా అలాగే మార్చాలని నా ఉద్దేశం.__ చదువరి (చర్చ • రచనలు) 16:23, 19 జనవరి 2021 (UTC)

తెలుగు సినిమా, తెలుగు సినిమాలు అనే రెండు వర్గాలు ఉండాలి. మొదటి దానిలో తెలుగు సినీ పరిశ్రమకు సంబందించిన అన్ని విషయాలను చేర్చవచ్చు. రెండవ వర్గంలో తెలుగు సినిమాల గూర్చి మాత్రమే చేర్చాలి. సినిమాలు/చిత్రాలు అనే విషయంలో "సినిమాలు" అనే పదం ఉపయోగిస్తే బాగుంటుంది. అలానే "చిత్రాలు" అని ఉన్న అన్ని వర్గాలలోనూ "సినిమాలు" గా మార్చాలి. – K.Venkataramana  – ☎ 16:36, 19 జనవరి 2021 (UTC)

వర్గాలు సృష్టించేటప్పుడు నిశిత దృష్టి చూపకపోవుటం వలన ఇలా జరుగుతుందని నేను భావిస్తున్నాను. ఈ సందర్బంగా నేను  గమనించిన దాని ప్రకారం ఒకే రోజు దాదాపుగా ఒకే సమయంలో, కొద్దిపాటి అక్షరభేదాలుతో రెండు, మూడు వర్గాలు సృష్టించిన సందర్బాలు చాలా ఉన్నవి.వాటిని గమనించి ఏ వర్గం ఉంచాలి, అనేదానిపై చర్చజరిపి, అవసరమైతే సాఫ్ట్ దారిమార్పు వర్గాలుగా మార్చటం, లేదనుకుంటే తొలగించటం జరుగుతుంది.ఇది నిరంతరం జరుగుతూనే ఉంది. వర్గం సృష్టించేటప్పుడు ,కొ ద్దిపాటి అక్షరభేదాలుతో మరొక వర్గం ఉందా అనే పరిశీలన చేయకపోవటం, సంశయం ఉన్నప్పుడు చర్చకు పెట్టకపోవటం దీనికంతటకి కారణాలు అయితే, చురుకైన కొంతమంది వాడుకరులు చర్చలకు దూరంగా ఉండటం మరొక కారణంగా నేను భావిస్తున్నాను.వికీపీడియాలో అన్ని సమస్యలకు బాటలు ఏర్పడే ఉన్నవని నేను నమ్ముతున్నాను.దానికి ఉదాహరణ ప్రస్తుతం మనం చర్చించుకునే విషయానికి వస్తే ఇలాంటివి సంశయంఉన్న వర్గాల విషయంలో చర్చించటానికి ఒక వేదిక ఉంది.ఎటొచ్చీ దానిని పాటించటలేదు.అ వేదికే వికీపీడియా:చర్చ కొరకు వర్గాలు.దీనిలో వర్గాలుకు సంబందించిన చర్చలు ఇక్కడ జరపవచ్చు.Chaduvari గారు వికీపీడియా:చర్చ కొరకు వర్గాలు/భారతదేశపు వర్గాల పేర్ల క్రమబద్ధీకరణ అని దీనిలో నమోదు చేసారు.దీనిని అమలు పరిస్తే బాగానే ఉంటుందికానీ, కానీ స్పందనలు ఉండాలికదా?సరే ఆ విషయం వదిలేద్దాం.

స్వరలాసిక గారు మంచి విషయం చర్చకు తీసుకువచ్చినందుకు ధన్వవాదాలు.చర్చకు పెట్టే ముందు వారు చాలా వర్గాలు సినిమాలు అనే పదంతో సృష్టించి వర్గీకరణ గత కొద్దిరోజుల నుండి చాలా చురుకుగా చాలా శ్రమ తీసుకుని వర్గీకరణ చేస్తున్నారు.దీనికి కూడా వార్కి ధన్యవాదాలు.బహుశా ఈ తారతమ్యం వారు లోగడ గమనించి ఉండకపోవచ్చు.సరే ఇప్పుడు గమనించి చర్చకు పెట్టారు.బాగానే ఉంది.చర్చలో పెట్టినాక వారు లోగడ చేసిన విధంగానే సినిమాలు అనే పదంతో వర్గాలు కొత్తగా సృష్టించి, కంటిన్యూగా చేస్తూనే ఉన్నారు.ఇది ఎందుకో నాకు నచ్చలేదు.చర్చలో పెట్టినాక నిర్ణయం కొరకు వేచిచూడాల్సింది.సరే అదీ వదిలేద్దాం.

ఇక సరే నాకైతే సినిమాల అనే పదంతో వచ్చే వర్గం బాగుంటుందని నా అభిప్రాయం. యర్రా రామారావు (చర్చ) 16:54, 19 జనవరి 2021 (UTC)

మంచి విషయం చర్చకు తీసుకువచ్చినందుకు స్వరలాసిక గారికి ధన్యవాదాలు. గతంలో నేను కూడా రెండు పదాలు (చిత్రాలు, సినిమాలు)లతో సినీ వ్యాసాల వర్గాలు సృష్టించాను. తెవికీలో తెలుగు పదం ఉండాలన్న ఉద్దేశ్యంతో చిత్రాలు అనే పదాన్ని... వాడుకలోని పదం ఉండాలన్న ఉద్దేశ్యంలో సినిమాలు అనే పదాన్ని ఉపయోగించాను. అయితే, విస్తృతంగా వాడుకలో ఉన్న "సినిమాలు" అనే పదమే వర్గాలలో ఉపయోగించాలని నా అభిప్రాయం.-- ప్రణయ్‌రాజ్ వంగరి (చర్చ|రచనలు) 19:10, 19 జనవరి 2021 (UTC)

సినిమాల పేజీలకు సంబంధించినవే సముదాయం పరిష్కరించాల్సిన ఇతర అంశాలు:

1. సంగీతం కూర్చిన సినిమాలు / సంగీతం అందించిన సినిమాలు
2. ఫలానావారు నటించిన సినిమాలు / ఫలానావారి సినిమాలు (ఉదా:వర్గం:విజయనిర్మల సినిమాలు)

ఇలాంటివి ఇంకా ఏమైనా ఉన్నాయేమో పరిశీలించవలసినది. __చదువరి (చర్చ • రచనలు) 18:04, 19 జనవరి 2021 (UTC)

యర్రా రామారావు సూచనలు

సినిమా, చిత్రాలు అనే పదాలే కాకుండా, పైన చదువరి గారు ఉదహరించినట్లు కొన్ని వర్గాలు పూర్తి విభిన్నరీతులలో ఉన్నవి. ఉదాహరణకు;

1.వర్గం:అక్కినేని నాగార్జున సినిమాలు అని ఉన్నవి.కొన్ని వర్గాలు నటించిన అనే పదంతో ఉన్నవి.ఇలాంటి వర్గాలు అన్నీ నటించిన అనే పదంతో ఉండాలి

2.వర్గం:దాసరి నారాయణరావు చిత్రాలు, వర్గం:కె. విశ్వనాధ్ సినిమాలు ఇలాంటి వర్గాలు కొన్ని ఉన్నవి.ఇలాంటివారు నటించారు,నిర్మించారు,దర్శకత్వం చేసారు ఇలాంటివి మూవైనంగా కాకుండా, వాటిని నటించిన, దర్శకత్వంచేసిన, సంగీతం సమకూర్చిన, నిర్మించిన అని సవివరంగా వర్గీకరించవలసిఉంది.

3.అలాగే సంగీతం కూర్చిన సినిమాలు / సంగీతం అందించిన సినిమాలు అనే వర్గంలో సంగీతం సమకూర్చిన అని ఉంటే బాగుంటుందని అనుకుంటున్నాను.

ఏదిఏమైనా తక్కువపదాలతో క్లియర్ కట్ గా విభిన్నరీతులలో కాకుండా ఒకే మాదిరిగా ఉండాలి.అలా ఉంటేనే వర్గీకరణ బాగుంటుంది. --యర్రా రామారావు (చర్చ) 04:49, 20 జనవరి 2021 (UTC)

సినిమా వ్యాసాల వర్గీకరణలో భాగంగా 2017 మార్చి, ఏప్రిల్, మే నెలల్లో నేను 150కి పైగా సినిమాల వర్గాలు సృష్టించాను. అయితే, ఎక్కువ వర్గాలు ఉంటే వికీ నిర్వాహణ కష్టతరమౌతుందని సహ (సీనియర్) సభ్యులు సూచిండడంతో వర్గాలు సృష్టించడం దాదాపుగా తగ్గించాను. అయితే, సినిమారంగంలోని వివిధ విభాగాల్లో (ఉదా: నటన, రచన, నిర్మాణం, దర్శకత్వం) పనిచేసిన వారు చాలామంది ఉన్నారు. వారందరికి ఒక్కో విభాగానికి ఒక్కో వర్గం సృష్టిస్తే నిర్వాహణ కష్టమౌతుందని, అన్ని విభాగాలు కలిసేలా వర్గాలు (వర్గం:విజయనిర్మల సినిమాలు, వర్గం:పైడి జైరాజ్ సినిమాలు, వర్గం:గిరీష్ కర్నాడ్ చిత్రాలు, వర్గం:మృణాళ్ సేన్ చిత్రాలు, వర్గం:తనికెళ్ళ భరణి చిత్రాలు, వర్గం:రవిబాబు చిత్రాలు, వర్గం:పోసాని కృష్ణ మురళి సినిమాలు, వర్గం:త్రివిక్రమ్ శ్రీనివాస్ సినిమాలు, వర్గం:కె. విశ్వనాధ్ సినిమాలు, వర్గం:జూనియర్ ఎన్.టి.ఆర్ సినిమాలు, వర్గం:పరుచూరి బ్రదర్స్ సినిమాలు, వర్గం:సౌందర్య సినిమాలు) సృష్టించాను. సినీ వ్యాసాల వర్గీకరణ విషయంలో యర్రా రామారావు గారు పైన చెప్పిన దానితో నేను ఏకీభవిస్తున్నాను. అయితే, పైన నేను ఉదహరించిన వర్గాలను, ప్రధాన వర్గాలుగా ఉంచేసి ఆయా విభాగాలకోసం ఉపవర్గాలు (ఉదా: వర్గం:విజయనిర్మల సినిమాలు అనే ప్రధాన వర్గంలో వర్గం:విజయనిర్మల నటించిన సినిమాలు, వర్గం:విజయనిర్మల దర్శకత్వం వహించిన సినిమాలు) పెడితే బాగుంటుంది. అలాగే, సంగీతం గురించిన వర్గంలో సంగీతం సమకూర్చిన అనేది బాగుంటుంది.-- ప్రణయ్‌రాజ్ వంగరి (చర్చ|రచనలు) 06:32, 20 జనవరి 2021 (UTC)

ప్రణయ్‌రాజ్ వంగరిగారూ! వివిధ విభాగాలలో పనిచేసిన వారి విషయంలో మీరు చేసిన వర్గీకరణ బాగానే ఉంది. మీరు చెప్పిన నిర్వాహణ కష్టమౌతుందనే కారణం దృష్ట్యా ఉపవర్గాలు అవసరం లేదని నా అభిప్రాయం.--స్వరలాసిక (చర్చ) 01:16, 21 జనవరి 2021 (UTC)

స్వరలాసిక గారూ వర్గాల్లో మీరు చేస్తున్న మార్పులలో కొన్ని చర్చనీయాంశాలున్నాయి. ఉదాహరణకు: తెలుగు సినిమా మహిళా నేపథ్య గాయకులు తీసేసారు. అది ఉండాలి. పదార్థం, పదార్థాలు రెంటి మధ్య శాస్త్ర పరంగా తేడా ఉంది. పదార్థం అంటే మ్యాటర్. పదార్థాలు అంటే వేరు. వర్గం:పర్వత శ్రేణులు, వర్గం:పర్వతాలు ఒకటి కాదు. పీర్ పంజాల్ శ్రేణి పర్వతశ్రేణియే, పర్వతాలు కాదు. ఎవరెస్టు, కె2, లోట్సే.. ఇవన్నీ పర్వతాలు లేదా పర్వత శిఖరాలు. శ్రేణులు కావు. పీర్ పంజాల్ శ్రేణి, కారకోరం శ్రేణి.. ఇవి శ్రేణులు. కేవల పర్వతాలు కావు. పరిశీలించండి. __చదువరి (చర్చ • రచనలు) 11:20, 20 జనవరి 2021 (UTC)

చదువరిగారూ మీరు ఉదహరించిన వర్గాలు తెలుగు సినిమా మహిళా నేపథ్య గాయకులు, పదార్థాలు, పర్వత శ్రేణులు నిజానికి సృషించబడలేదు. అవి ఎర్రలింకులుగా ఉన్నాయి. వాటిలో 1 అంశం లేదా 2 అంశాలు మాత్రమే ఉన్నాయి. ఒక అంశం ఉన్న వర్గాలను సృష్టించడం అర్థ రహితమని భావించి ఆ అంశాలను సమీప వర్గాలలోనికి మార్చాను. ఇది వరకే కారకోరం, లఢక్ పర్వతశ్రేణి, వింధ్య పర్వతాలు మొదలైన వ్యాసాలు పర్వతాలు వర్గంలో ఉండటంతో పీర్ పంజాల్ శ్రేణిని ఆ వర్గంలోనికి చేర్చాను. అలాగే మిగితా వర్గాలు కూడా. మీరు అభ్యంతరం తెలియ జేస్తున్నారు కాబట్టి ఆయా మార్పులను రద్దు చేస్తున్నాను. స్వరలాసిక (చర్చ) 16:48, 20 జనవరి 2021 (UTC)

@స్వరలాసిక గారూ, ఆయా వర్గాలు అసలు ఉనికిలోనే లేవన్న సంగతిని నేను ముందే గుర్తించానండి. మిగతా మీరు చెప్పిన కారణాలను ఇప్పుడు మీరు చెప్పాక గ్రహించాను. ఒకటో రెండో అంశాలకు వర్గం కచ్చితంగా అవసరం అయితే తప్ప సృష్టించకూడదు. అయితే ఇప్పుడు లేకపోయినా, భవిష్యత్తులో ఆ వర్గాల్లోకి మరిన్ని పేజీలు చేరే అవకాశం ఉందని భావిస్తే వాటిని ఉంచవచ్చని నా అభిప్రాయం. కారకోరం, లఢఖ్ పర్వతశ్రేణి, వింధ్య పర్వతాలు మొదలైన వాటి వర్గాలను సరిచేసినందుకు ధన్యవాదాలు.__ చదువరి (చర్చ • రచనలు) 02:19, 21 జనవరి 2021 (UTC)

స్వరలాసిక గారూ, మీరు తెలంగాణ మండలాల పేజీల్లో వర్గం:తెలంగాణ మండలాలు అనే వర్గం, గ్రామాల పేజీల్లో జిల్లా గ్రామాల, రాష్ట్ర గ్రామాల వర్గాలు చేరుస్తున్నారు. నిజానికి అవి ప్రధాన వర్గాలుగా ఉండి, అందులో ఉపవర్గాలుగా జిల్లా, మండలాల వర్గాలు ఉండాలి. ఈ విషయమై ఒకసారి చర్చలు కూడా జరిగాయని అనుకుంటున్నాను. గ్రామ వ్యాసాల గురించిన మార్గదర్శకాలు కూడా ఉన్నాయి, గమనించగలరు. ఈ విషయం మీద ఒకసారి చర్చకు తీసుకువచ్చిన తరువాత మార్పులు చేయగలరు.-- ప్రణయ్‌రాజ్ వంగరి (చర్చ|రచనలు) 06:40, 24 జనవరి 2021 (UTC)

ప్రణయ్ రాజ్‌గారూ గ్రామ వ్యాసాల గురించిన మార్గదర్శకాల గురించి నా దృష్టికి తెచ్చినందుకు ధన్యవాదాలు! ప్రతి వ్యాసానికి వీలైనన్ని ఎక్కువ వర్గాలను చేర్చాలనే ఉద్దేశంతో అన్ని వ్యాసాలకు చేర్చినట్లే గ్రామవ్యాసాలకు వర్గాలను చేరుస్తూ పోయాను. ఇది వరకు వర్గం:ఆంధ్రప్రదేశ్ గ్రామాలు లో వేలకొద్దీ గ్రామవ్యాసాలు ఉండేవి. కానీ ఇప్పుడు కొన్ని ఉపవర్గాలు మాత్రమే ఉన్నాయి. ఈ మార్పులను నేను గమనించనందుకు క్షంతవ్యుణ్ణి. అలాగే వర్గం:సిద్ధిపేట జిల్లా గ్రామాలును ఇదివరకే కొద్ది తేడాతో ఉన్న వర్గం:సిద్దిపేట జిల్లా గ్రామాలును గమనించకుండా సృష్టించడం జరిగింది. ఈ రెండు వర్గాలలో ఒక వర్గాన్ని తొలగించ వలసి ఉంది. మార్గదర్శకాలలోని 9వ పాయింటు, 10వ పాయింటు నాకు అర్థం కాలేదు. ఏమైనా ఇక మీద గ్రామ వ్యాసాల జోలికి వెళ్ళదలచుకోలేదు. స్వరలాసిక (చర్చ) 10:16, 24 జనవరి 2021 (UTC)

మీ స్పందనకు ధన్యవాదాలు స్వరలాసిక గారు.-- ప్రణయ్‌రాజ్ వంగరి (చర్చ|రచనలు) 14:27, 24 జనవరి 2021 (UTC)

[Small wiki toolkits] Understanding the technical challenges

Greetings, hope this message finds you all in the best of your health, and you are staying safe amid the ongoing crisis.

Firstly, to give you context, Small wiki toolkits (SWT) is an initiative to support small wiki communities, to learn and share technical and semi-technical skills to support, maintain, and grow. In India, a series of workshops were conducted last year, and they received good response. They are being continued this year, and the first session is: Understanding the technical challenges of wikis (by Birgit): Brainstorming about technical challenges faced by contributors contributing to language projects related to South Asia. The session is on 24 January 2021, at 18:00 to 19:30 (India time), 18:15 to 19:45 (Nepal time), and 18:30 to 20:00 pm (Bangladesh time).

You can register yourself by visiting this page! This discussion will be crucial to decide topics for future workshops. Community members are also welcome to suggest topics for future workshops anytime at https://w.wiki/t8Q. If you have any questions, please contact us on the talk page here. MediaWiki message delivery (చర్చ) 16:39, 19 జనవరి 2021 (UTC)

వ్యాసాలలో భవిష్యత్ కాలంతో కూడిన సమాచారం

చాలా వ్యాసాలలో భవిష్యత్ కాలంతో కూడిన వాక్యాలతో సమాచారం చేరింది.ఇంకా నిరంతరం చేరుతుంది. ఎన్నాళ్లు ఉన్నా ఆ వాక్యాలు అలానే ఉంటున్నవి. తాజా సవరింపు జరుగుటలేదు. చేర్చిన వాడుకరి మర్చిపోతాడు.చేయాలనే ధ్యాస కూడా ఉండదు.అది సహజం. ఒకవేళ ఉన్నా అది ఒకరకంగా అది కష్టమైన పనే.సరే గమనించిన వాడుకరులు కూడా దానిని సవరించాలని ఉన్నా, ఏదో 100 కి ఒకటిలేక రెండిటికైనా సవరించటం జరుగుతుందని నేను అనుకోవటంలేదు.ఎందుకంటే ఇది కూడా కష్టమైన పనే. చేయాలంటే దానికి సమాచారం లభించదు. ఆ కార్యక్రమం జరిగిందో లేదు తెలియదు.జరిగితే పురస్కార గ్రహీత వెళ్లాడో లేదో సమాచారం ఉండదు.నేను పైన చేప్పే విషయాలు భవిష్యత్ సమాచారం రాసే అన్ని కార్యక్రమాలు దృష్టిలో పెట్టుకుని చెపుతున్నాను.ఇవి ముఖ్యంగా వ్యక్తుల వ్యాసాలలో, గ్రామ వ్యాసాలలోని దేవాలయాల నిర్మాణాలు, శంకుస్థాపనలు, ఉపాధ్యాయులు, విద్యార్థులకు చెందిన సమాచారం రాసే సందర్బాలలో ఎక్కువగా జరుగుతుంది.

ఉదాహరణ పదాలు

• ప్రదానం చేస్తారు:వ్యాసం:షేక్ దాదపీర్ - ఇండో-థాయిలాండ్ అంతర్జాతీయ పురస్కారానికి ఎంపికైనారు. కొత్తడిల్లీకి చెందిన All India Development Association అను సంస్థ, ఇతనిని ఈ పురస్కారానికి ఎంపిక చేసింది. పర్యావరణ పరిరక్షణ, మూడనమ్మకాలపై ఇతను విశేషకృషికి, ఈ పురస్కారాన్ని, ఫిబ్రవరి-15 న బ్యాంగ్ కాక్ లో ప్రదానం చేస్తారు.

• అందుకుంటారు:వ్యాసం:గురజ - ఈ పాఠశాల పూర్వ ఉపాధ్యాయులు, పామర్రు పూర్వ ఎం.ఈ.ఓ.శ్రీ భవిరి శంకరనాథ్, జాతీయ పురస్కారానికి ఎంపికైనారు. "నేషనల్ యూనివర్శిటీ ఫర్ ఎడ్యుకేషన్ ప్లానింగ్ & అడ్మినిస్ట్రేషన్" అధ్వర్యంలో నిర్వహించిన, "విద్యా పరిపాలనలో నూతన పోకడలు" అను అంశంపై చేసిన ప్రాజెక్టుతోపాటు, పామర్రు ఎం.ఈ.ఓ.గా, 100% పిల్లలను బడిబాట పట్టించినందుకు, కేంద్ర విద్యాశాఖ ఈ పురస్కారానికి ఎంపిక చేసింది. ఆంధ్రప్రదేశ్ రాష్ట్రం తరఫున వీరు ఈ పురస్కారనికి ఎంపికైనారు. 2015, డిసెంబరు-10వ తేదీనాడు, కొత్తఢిల్లీలో నిర్వహించు ఒక కార్యక్రమంలో కేంద్రమంత్రి శ్రీమతి స్మృతి ఇరానీ చేతుల మీదుగా వీరు ఈ పురస్కారాన్ని అందుకుంటారు

• సత్కరించనున్నది:వ్యాసం:కొత్త మల్లాయపాలెం - ఈ గ్రామాన్ని కేంద్రప్రభుత్వ నిర్మల్ పురస్కారానికి ఎంపికచేసారు. ఈ పురస్కారం క్రింద రు. 2 లక్షల రూపాయల నగదు మరియూ ఆ గ్రామ ప్రజాప్రతినిధులను ప్రభుత్వం సత్కరించనున్నది. ఈ పురస్కారాన్ని, ఈ గ్రామ పంచాయతీ సర్పంచి, కార్యదర్శి, 2015, ఆగస్టు-22వ తెదీనాడు, విశాఖపట్నంలోని ఆంధ్రా విశ్వవిద్యాలయంలోని వై.వి.ఎస్.మూర్తి ఆడిటోరియంలో, రాష్ట్రమంత్రి శ్రీ చింతకాయల అయ్యన్నపాత్రుడుగారి చేతులమీదుగా ఈ పురస్కారాన్ని అందుకుంటారు.

• పోటీలలో పాల్గొంటుంది: వ్యాసం: సాలెంపాలెం - ఈ పాఠశాలలో 8వ తరగతి చదువుచున్న రామాను నాగలక్ష్మి అను విద్యార్థిని, 2016, అక్టోబరు-22 నుండి 24 వరకు అనంతపురంలో నిర్వహించిన రాష్ట్రస్థాయి సాఫ్ట్ బాల్ పోటీలలో, అండర్-14 విభాగంలో, కృష్ణా జిల్లా జట్టు తరఫున పాల్గొని, తన ప్రతిభతో, జాతీయస్థాయి పోటీలలో పాల్గొనడానికి ఎంపికైనది. ఈమె డిసెంబరు-2016లో ఢిల్లీలో నిర్వహించు జాతీయస్థాయి పోటీలలో పాల్గొంటుంది.

ఇవి కేవలం ఉదాహరణలు మాత్రమే.ఇలాంటివి చాలా ఉన్నవి.

గమనికలు

• అయితే ఈ పదాలలో కొన్ని పదాలు ప్రతి సంవత్సరం జరిగే కార్యక్రమాల వ్యాసాలలో, కొన్ని సినిమా వ్యాసాల కథలలో రాయాల్సిన అవసరం ఉంటుంది.

• కొన్ని వ్యాసాలలో ఈ సమాచారం తొలగిస్తే,ఇక దానిలో రెండు లేక మూడు వాక్యాలు సాధారణ సమాచారం మాత్రమే ఉండి,మొలక వ్యాసాలుగా మారి,తొలగింపుకు కూడా గురికావచ్చు.

• వ్యాసాలు వీక్షించినవారు తాజాసమాచారం ఉండదని, అనుకోవటానికి అవకాశం ఉంటుంది.దీనికి సరియైన పరిష్కార మార్గం గురించి, గౌరవ వాడుకరులు వారి స్పందనలు తెలియజేయగలరు.--యర్రా రామారావు (చర్చ) 18:15, 21 జనవరి 2021 (UTC)

అభిప్రాయాలు, సూచనలు

• యర్రా రామారావు: ఇలాంటి సమాచారం ఉన్న అన్ని వ్యాసాలు ముందుగా ఒక వర్గంలోకి చేర్చి, ప్రాజెక్టుగా అన్ని వ్యాసాలలో అవకాశం ఉంటే తాజాకరించటం, అవకాశం లేకపోతే సమాచారం తొలగించటం, ఇక ముందునుండి భవిష్యత్ కాలంతో కూడిన చద్ది సమాచారం, భవిష్యత్తులో రాయకుండా అరికట్టాలని నేను భావిస్తున్నాను.--యర్రా రామారావు (చర్చ) 18:15, 21 జనవరి 2021 (UTC)
• చదువరి: యర్రా రామారావు గారు మంచి విషయాన్ని లేవనెత్తారు. కాలదోషం పట్టిన సమాచారం మనకున్న చాలా పెద్ద సమస్య. ఈ సమాచారాన్ని నివారించడం, ఈసరికే ఉన్న సమాచారాన్ని సరిదిద్దడం - ఈ రెంటి గురించీ మనం ఆలోచించాలి.
  • నివారించడం:
  1. భవిష్యత్తులో జరగబోయే విషయాన్ని చేర్చాలంటే, ముందు అసలు అది అవసరమా అనేది పరిశీలించాలి. ఉదాహరణకు పైన ఉదహరించిన సాలెంపాలెం వ్యాసంలో 2016 ఢిల్లీ పోటీల్లో పాల్గొనే సంగతి రాయాల్సిన పని లేదు.
  2. ఒకవేళ రాయాల్సి వచ్చినా.. కాలదోషం పట్టని విధంగా రాయాలి. ఉదా: "2016 డిసెంబరులో జరిగే జాతీయస్థాయి పోటీలలో పాల్గొనడానికి ఎంపికైంది." అని రాస్తే సరిపోతుంది. ఇది కాలదోషం పట్టే రూపంలో లేదు.
  3. "ప్రస్తుతం" అనే పదాన్ని, కాలాన్ని సూచించే ఇతర పదాలనూ వాడకూడదు. "ప్రస్తుతం" వాడాల్సిన సందర్భాల్లో తేదీని వాడితే ఈ సమస్యను చాలావరకు నివారించవచ్చు. "ప్రస్తుతం అతడు ఆసుపత్రిలో ఉన్నాడు" అని రాస్తే అది మురిగిపోతుంది. అతడు ఆసుపత్రి నుండి బయటికి రాగానే మార్చాల్సి ఉంటుంది. "2021 జనవరి 23 నాటికి అతడు ఆసుపత్రిలో ఉన్నాడు." అంటే ఇక దాన్ని మార్చకపోయినా పర్లేదు.
  4. అలాగే తేదీ చెప్పకుండా వారం, సమయం మాత్రమే చెప్పేవి మరొక రకం. తేదీ రాయకుండా "శుక్రవారం సాయంత్రం 5 గంటలకు గుండెపోటుతో మరణించాడు" అని రాస్తే అందులో స్పష్టత కంటే పాఠకుడు ఊహించుకోవాల్సిందే ఎక్కువ ఉంటుంది.
  5. ఇకపోతే, సమయాన్ని సాపేక్షంగా సూచించే ప్రయోగాలు ఇంకొన్ని. ఇవి మరింత అస్పష్టంగా ఉంటాయి. ఉదాహరణకు "గత నెల 15 వ తేదీన" "గత రాత్రి" .. ఇలా రాస్తే మొదటిది నెలలో, రెండవది ఒకే ఒక్క రోజులో మురిగిపోతాయి. ఎ.బి.బర్థన్, బంగారు లక్ష్మణ్ వ్యాసాల్లో గత నెల అని వాడారు.
  • సరిదిద్దడం: చేసేదేముంది.. వెతుకులాటలో ఒక్కోటి వెతుక్కుని మార్చుకుంటూ పోవడమే. (ఏదైనా ఒక పద్ధతి, వరస ప్రకారం ఉన్నాయేమో గమనించి అలాంటిదేమైనా ఉంటే కనీసం అలాంటివాటినైనా ఎడబ్ల్యూబో ద్వారా మార్చుకునే ప్రయత్నం చెయ్యవచ్చు. కానీ ఆ సంభావన అంతగా ఉంటుందని అనిపించడం లేదు) ప్రస్తుతం అనే మాటను వాడిన పేజీలు 5600 పైబడి ఉన్నాయి. రామారావు గారు చెప్పినవి గ్రామాల పేజీల్లో చాలానే ఉన్నాయి. వాటన్నిటినీ ఒకటొకటిగా సవరించుకోవాల్సిందే. ముందుగా అలాంటి వాటిని వెతికి వర్గం:కాలదోషం పట్టగల సమచారమున్న పేజీలు అనో వర్గం:చద్ది సమాచారం ఉన్న పేజీలు అనో ఓ వర్గం లోకి పడెయ్యాలి. ఆ తరువాత ఒక ప్రాజెక్టు పెట్టి ఆ అయా పేజీలను సవరించుకుంటూ పోవాలి. __చదువరి (చర్చ • రచనలు) 15:12, 23 జనవరి 2021 (UTC)
• ఇంతకు ముందు నేను చర్చకు తీసుకువచ్చినట్లుగా ఇలాంటి సమాచారం చాలా వరకు వికీ విధి విధానలపై పెద్దగా అవగాహన లేని సభ్యులు చేసిన మార్పులుగా గమనించాను. ఎందుకంటే చాలా సందర్భాల్లో జిల్లా పత్రికల్లో సమచారాన్ని యధావిధిగా దించేశారు. వీటిలో చాలా వరకు ప్రాముఖ్యత లేని విషయాలే. పైన ఉదాహరణనే తీసుకుందాం. ఒక గ్రామ పాఠశాలలో ఎవరైనా విద్యార్థిని లేదా విద్యార్థి జాతీయ స్థాయి పోటీలకు ఎంపికయ్యారు అన్నది వికీలో ఉండదగ్గ విషయమేనా? ఒకవేళ ఉండదగ్గది అనుకుంటే మనం ఎన్ని పాఠశాలల గురించి రాయాలి? ఎంతమంది విద్యార్థుల గురించి రాయాలి? అసలు వీటికీ గుర్తింపు (నోటబిలిటీ) ఉంటుందా? వీటికి మరో చర్చ అవసరమేమో! ఇంకో విషయం ఏమిటంటే, రాసేవాళ్ళు సింహభాగం అనామక వాడుకరులే (ఐపీ అడ్రసులే). వారిని హెచ్చరించి దారిలో పెట్టడానికి కూడా అవకాశం చిక్కలేదు. - రవిచంద్ర (చర్చ) 16:55, 23 జనవరి 2021 (UTC)

• ప్రస్తుతం లేక కాలం తెలిపే పదాలు వాడేటప్పుడు, {{As of}} వాడితే ఆ మూస వున్న వ్యాసాలు అప్రమేయంగా తగిన నిర్వహణ వర్గాలలోకి చేరతాయి. వాటి ఆధారంగా ముందు సవరణలు చేపట్టవచ్చు. --అర్జున (చర్చ) 09:52, 25 జనవరి 2021 (UTC)

• {{Update}} మూస వాడడం ద్వారా తాజాపరచవలసిన నిర్వహణ వర్గాలలోకి వ్యాసాలు అప్రమేయంగా చేరుతాయి. అలా తాజాపరచటం సులభమవుతుంది. అయితే ఈ మూసని అవసరమైన చోట మాత్రమే వాడండి. ఉదాహరణకు జనగణన సంఖ్యలు ప్రతి జనావాసం వ్యాసంలో వుంటాయి. కొత్త జనగణన వచ్చినపుడు, వాటిని తాజాచేయటం సులభం. జనావాసం కాని వ్యాసంలో ఈ సంఖ్యలకు సంబంధించిన వివరాలుంటే వాటి దగ్గర ఈ మూస వాడడం సముచితం. --అర్జున (చర్చ) 16:50, 9 ఫిబ్రవరి 2021 (UTC)

• అర్జున గారూ మీ సూచనలకు ధన్యవాదాలు.<s>{{As of}}</s> {{tl|when}} మూసంలో ఆంగ్ల వర్గానికి బదులుగా ఆంగ్లంలో ఉన్న వర్గం:సమయం అస్పష్టంగా ఉన్న వ్యాసాలు గా మార్చాను. అలాగే {{Update}} మూసలో All Wikipedia articles in need of updating వర్గానికి బదులు తెలుగులో "నవీకరించాల్సిన  వ్యాసాలు" గా మార్చాను. గమనించిన వ్యాసాలలో అవసరాన్ని బట్టి ఈ మూసలు చేర్చితే, ఒక ప్రాజెక్టుగా చేపట్టవచ్చు. యర్రా రామారావు (చర్చ) 04:39, 11 ఫిబ్రవరి 2021 (UTC)

• యర్రా రామారావు గారు, మీ స్పందనకు ధన్యవాదాలు. పైన మీరు సవరించిన మూస {{when}} కావున, మీ వ్యాఖ్యలో మార్పుచేశాను. --అర్జున (చర్చ) 05:19, 11 ఫిబ్రవరి 2021 (UTC)

చర్యలు అవసరమైన మరికొన్ని చర్చ పేజీలు

వ్యాసం పేజీలను తొలగించాక మిగిలిపోయిన చర్చ పేజీలు, వ్యాసం పేజీ/చర్చ పేజీ జతలో ఏదో ఒకటే దారిమార్పు అయి, రెండోది అలాగే మిగిలిపోయిన పేజీలు వంటి పేజీల జాబితాలను గతంలో తయారుచేసి సముదాయం దృష్టికి తీసుకువచ్చాను. ఇప్పుడు, కింది జాబితాను మీ దృష్టికి తెస్తున్నాను.

• వికీపీడియా:పేజీల గణాంకాలు/ఒకే దిద్దుబాటుతో ఆగిపోయిన వ్యాసపు చర్చ పేజీలు - సముదాయం దృష్టి పెట్టి, ఏదో ఒక చర్య తీసుకోవాల్సిన పేజీలు ఈ జాబితాలో ఉండవచ్చు.

పై పేజీలను పరిశీలించి తగు చర్యలు తీసుకోవాల్సిందిగా వాడుకరులందరినీ కోరుతున్నాను. __చదువరి (చర్చ • రచనలు) 03:27, 24 జనవరి 2021 (UTC)

వాడుకరి:Chaduvari గారూ మీరు గణాంకాలు బయటకి తీసి వికీపీడియా నాణ్యతాభివృద్ధికి దోహదం చేస్తున్నందుకు ధన్యవాదాలు.ముందు వాటిని దానికి తగిన అనుగుణంగా వర్గం:చర్చల కొరకు ఎదురు చూస్తున్న చర్పా పేజీలు లేదా ఇంకొక సరియైన పేరుగల ఒక వర్గం సృష్టించి, దానిలో AWB ద్వారా చేరిస్తే నిర్వహణలో భాగంగా కంటిన్యూగా సాగించవచ్చు అని నా అభిప్రాయం. వీటిలో కొన్ని చేసిన మార్పులు గురించి రాసినవి ఉన్నవి.కొన్ని చర్చలు గమనించక చాలాకాలం నుండి అలానే ఉండిపోతున్నవి. యర్రా రామారావు (చర్చ) 04:13, 24 జనవరి 2021 (UTC)

@యర్రా రామారావు గారూ, వీటిలో చర్చ కోసం ఎదురు చూసేవి కొన్నే ఉంటాయి. మిగతావన్నీ చర్చ అవసరం లేని సూచనలో, మరోటో ఉంటై. ఒక్కొక్కదాన్నే చూసి, మానవికంగానే వర్గం లోకి చేర్చాల్సి ఉంటుంది. __ చదువరి (చర్చ • రచనలు) 04:58, 24 జనవరి 2021 (UTC)

ఇటీవలి మార్పులు చాలా వేగం

చదువరి గారు, గణాంకాల పేజీలను అనేక రకాలు తీస్తు ఉంటే వృధా గా ఉన్న పేజీలు, సమాచారం, తొలగింపునకు గురి అవుతుంటే ఇటీవల మార్పులు చాలా వేగంగా జరుగుతూ ఉన్నాయి, అయితే అజ్ఞాత వాడుకరుల దిద్దుబాట్లు, కొన్ని వ్యాసాల లో తప్పుగా చేసిన దిద్దుబాట్లు ఇటీవల మార్పులలో దాటిపోయే అవకాశం ఉంది. కావున 500 నుండి 1000 మధ్య మార్పుచేర్పులు చేయాలి అని నిర్వాహకులకు మనవి. మరో విషయం, ఆ సమయంలో అజ్ఞాత వ్యక్తుల మార్పుల చేర్పులకు అవకాశం లేకుండా నిరోధం ఒక గంట, రెండు గంటలు, విధిస్తే బావుంటుంది. పరిశీలించగలరు. __ ప్రభాకర్ గౌడ్ నోముల ^చర్చ 03:35, 24 జనవరి 2021 (UTC)

ప్రభాకర్ గారూ, అందుకనే ఇటీవలి మార్పులు అనేక సౌకర్యాలను కల్పిస్తోంది. ఇటీవలి మార్పులు శీర్షం లోని అంశాలను వాడుకుని వడపోతలను సృస్ఃటించి వాడుకుంటే మీరు సూచించిన సమస్యల వంటి వాటిని అవలీలగా అధిగమించవచ్చు. పరిశీలించండి.__చదువరి (చర్చ • రచనలు) 03:42, 24 జనవరి 2021 (UTC)

కొత్త పేజీలు సృష్టించడానికి మరో మార్గదర్శకం

7 భారతీయ భాషా వికీపీడియాల్లో (తమిళ, మలయాళ, కన్నడ, హిందీ, మరాఠీ, పంజాబీ, బెంగాలీ) పేజీలు ఉండికూడా తెలుగులో పేజీ లేని ఇంగ్లీషు వికీ పేజీల జాబితాను తయారు చేసి పెట్టాను. ఇన్ని భాషల్లో పేజీ ఉందంటే, దానికి తెలుగు లోనూ ఉండే "అర్హత" ఉన్నట్టే కదా. ఏయే కొత్త పేజీలను సృష్టించాలనేదానికి ఇపుడు ఈ పేజీ కూడా ఒక వనరు. పరిశీలించవలసినది.__చదువరి (చర్చ • రచనలు) 17:09, 24 జనవరి 2021 (UTC)

ధన్యవాదాలు చదువరి గారు.-- ప్రణయ్‌రాజ్ వంగరి (చర్చ|రచనలు) 17:34, 24 జనవరి 2021 (UTC)

ఈ జాబితా నాకు చాలా ఉపయోగకరం చదువరి గారు, వ్యాసాలు సృష్టించేటపుడు ఎలాంటివి అయితే బాగుంటాయి? అలాగే ముఖ్యమైనవి విషయాలు ఏమిటనే ప్రశ్నలకు ఈ జాబితా ఒక సూచికగా ఉపయోగపడుతుంది. కొత్త వ్యాసాలు సృష్టికి నేను ఈ జాబితాను వాడుకుంటాను. భవిష్యత్తులో దీన్ని వీలైతే మనం ఒక ప్రాజెక్టుగా కూడా చేపట్టవచ్చు. రవిచంద్ర (చర్చ) 17:49, 24 జనవరి 2021 (UTC)

చదువరి గారు, చాలా మంచి పేజీ సృష్టించారు. కొత్త వ్యాసాలు రాయడం ఒక రహాదారి లాంటిది. ధన్యవాదాలు. __ ప్రభాకర్ గౌడ్ నోముల ^చర్చ 18:21, 24 జనవరి 2021 (UTC)

తెలుగులో చేర్చ వలసిన చాలా మంచి ఆర్టికల్స్ ఉన్నాయి, ఇవి మొలకల ప్రాజెక్టు లా చేపట్ట వచ్చు , నెనర్లు చదువరి గారూ Kasyap (చర్చ) 09:44, 26 జనవరి 2021 (UTC)

వికీ గణాంకాల ప్రాజెక్టు

వికీపీడియా గణాంకాలపై గత కొద్ది కాలంగా పనిచేస్తూ ఉన్నాను. పని మొదలు పెట్టింది, చారిత్రికంగా తెవికీ ఎలా పురోగతి చెందింది అనేదాన్ని అక్షరబద్ధం, అంకెలబద్ధం చేద్దాం అనే ఉద్దేశంతో. కానీ పని చేస్తూ ఉండగా దాన్ని విస్తరించి వివిధ పేజీల్లో, వివిధ అంశాల్లో ఉన్న అసంగతాలను వెలికితీసి ప్రచురిస్తే, తెవికీ నాణ్యతను పెంచే క్రమంలో అవి మనకు ఉపయోగపడతాయని భావించాను. ఆ విధంగా కొన్ని పేజీలను చేర్చాను. వర్గం:చర్యలు అవసరమైన పేజీలు అనే వర్గంలో ఇలాంటి పేజీలను చూడవచ్చు. ఈ పనులు, ఇలాంటి పనులూ గతంలో చేసినవారు ఉన్నారు. ఇప్పుడూ చెయ్యగలవారు ఉన్నారు. ఇంకా మెరుగ్గా చెయ్యగలవారూ ఉన్నారు. అలాగే SQL క్వెరీలు రాయలేక పోయినా చక్కటి సూచనలు సలహాలిచ్చి కొత్త గణాంకాలకు తెరదీయగలవారూ ఉన్నారు. ఇపుడు నేను చేసిన గణాంకాల్లో కొన్ని యర్రా రామారావు గారిచ్చిన సూచనల మేరకు చేసినవే. అలాగే చర్యలు అవసరమైన పేజీల్లో వెంకటరమణ గారు వెంటనే పనులు మొదలు పెట్టి ఆయా పనుల ఆవశ్యకతను తెలియజెప్పారు. ఈ అందరూ కూడా ఈ పనిలో పాల్గొంటే మరింత మెరుగ్గా ఈ పనులను చెయ్యవచ్చనే నేను భావిస్తున్నాను. ఈ ఉద్ద్దేశంతో వికీపీడియా:వికీప్రాజెక్టు/వికీపీడియా గణాంకాలు అనే ప్రాజెక్టును సృష్టించాను. ఈ పనిపై ఆసక్తి ఉన్న అందరూ ఈ ప్రాజెక్టులో పాలుపంచుకోవాలని కోరుతున్నాను. ముఖ్యంగా అర్జునరావు గారూ, మీరు సాంకేతిక సామర్థ్యం ఉన్నవారు, గణాంకాల పని మొదలుపెట్టిన ఆద్యుల్లో మీరొకరు. ఈ పనిని మరింత సమర్థవంతంగా, మరింత ప్రయోజనకరంగా ఎలా చెయ్యవచ్చో తెలిసినవారు. మీరు ఈ ప్రాజెక్టులో చేరి దీన్ని ముందుకు తీసుకుపోవాలని కోరుతున్నాను. __చదువరి (చర్చ • రచనలు) 07:09, 25 జనవరి 2021 (UTC)

వాడుకరి:Chaduvari గారు, కొత్త ప్రాజెక్టు రూపొందించి చాలారకాలు గణాంకాలు చేర్చడం గమనించాను. నేను కొద్దిపాటి పరిధితో గణాంకాలపై పనిచేయగా, మీరు మరింత విస్తారంగా చేస్తున్నందులకు సంతోషం. ప్రస్తుతం నాకు గణాంకాలపై అంత ధ్యాసలేదు. వీలువెంబడి పాల్గొంటాను. --అర్జున (చర్చ) 01:25, 26 జనవరి 2021 (UTC)

తాజా గణాంకాల చేర్పు కోసం ఒక బాటు

వికీపీడియా:వికీప్రాజెక్టు/వికీపీడియా గణాంకాలు ప్రాజెక్టులో భాగంగా వికీపీడియా:కాలావధి గణాంకాలు/రోజువారీ గణాంకాలు పేజీలో రోజువారీ గణాంకాలను తాజాకరిస్తూ ఉంటాం. ప్రస్తుతం ఈ తాజాకరణ మానవికంగా జరుగుతోంది. ఈ పని చేసేందుకు బాటు కావాలనే అభ్యర్థనను బాటు అభ్యర్థనలు పేజీలో రాసాను. బాటు సాంకేతికులు ఈ అంశాన్ని పరిశీలించాలని కోరుతున్నాను. __చదువరి (చర్చ • రచనలు) 06:36, 27 జనవరి 2021 (UTC)

Moving Wikimania 2021 to a Virtual Event

నమస్తే. Apologies if you are not reading this message in your native language. Please help translate to your language. కృతజ్ఞతలు!

Wikimania will be a virtual event this year, and hosted by a wide group of community members. Whenever the next in-person large gathering is possible again, the ESEAP Core Organizing Team will be in charge of it. Stay tuned for more information about how you can get involved in the planning process and other aspects of the event. Please read the longer version of this announcement on wikimedia-l.

ESEAP Core Organizing Team, Wikimania Steering Committee, Wikimedia Foundation Events Team, 15:16, 27 జనవరి 2021 (UTC)

Project Grant Open Call

This is the announcement for the Project Grants program open call that started on January 11, with the submission deadline of February 10, 2021.
This first open call will be focussed on Community Organizing proposals. A second open call focused on research and software proposals is scheduled from February 15 with a submission deadline of March 16, 2021.

For the Round 1 open call, we invite you to propose grant applications that fall under community development and organizing (offline and online) categories. Project Grant funds are available to support individuals, groups, and organizations to implement new experiments and proven ideas, from organizing a better process on your wiki, coordinating a campaign or editathon series to providing other support for community building. We offer the following resources to help you plan your project and complete a grant proposal:

• Weekly proposals clinics via Zoom during the Open Call. Join us for #Upcoming_Proposal_Clinics|real-time discussions with Program Officers and select thematic experts and get live feedback about your Project Grants proposal. We’ll answer questions and help you make your proposal better. We also offer these support pages to help you build your proposal:
• Video tutorials for writing a strong application
  
• General planning page for Project Grants
  
• Program guidelines and criteria
  

Program officers are also available to offer individualized proposal support upon request. Contact us if you would like feedback or more information.

We are excited to see your grant ideas that will support our community and make an impact on the future of Wikimedia projects. Put your idea into motion, and submit your proposal by February 10, 2021!

Please feel free to get in touch with questions about getting started with your grant application, or about serving on the Project Grants Committee. Contact us at projectgrantsమూస:Atwikimedia.org. Please help us translate this message to your local language. MediaWiki message delivery (చర్చ) 08:01, 28 జనవరి 2021 (UTC)

[Small wiki toolkits] Upcoming bots workshops: Understanding community needs

Greetings, as you may be aware that as part of Small wiki toolkits - South Asia, we conduct a workshop every month on technical topics to help small wikis. In February, we are planning on organizing a workshop on the topic of bots. Bots are automated tools that carry out repetitive, tedious and mundane tasks. To help us structure the workshop, we would like understand the needs of the community in this regard. Please let us know any of

• a) repetitive/mundane tasks that you generally do, especially for maintenance
• b) tasks you think can be automated on your wiki.

Please let us your inputs on workshops talk page, before 7 February 2021. You can also let me know your inputs by emailing me or pinging me here in this section. Please note that you do not need to have any programming knowledge for this workshop or to give input. Regards, KCVelaga 13:45, 28 జనవరి 2021 (UTC)

2021 లో తెవికీ అభివృద్ధి ప్రణాళిక

2021 లో సాముదాయికంగా ఎలాంటి కృషి చెయ్యాలనే విషయమై ఒక ప్రణాళికా పత్రాన్ని తయారుచేసి చర్చకు పెట్టాను. వాడుకరులంతా ఆ చర్చలో పాల్గొని తమ సూచనలు, సలహాలు, ప్రతిపాదనలను అక్కడ చేర్చవలసినదిగా కోరుతున్నాను. __చదువరి (చర్చ • రచనలు) 07:45, 29 జనవరి 2021 (UTC)

వీటిలో కొన్నిటిని పోటీలుగా పెట్టుకుని వాటికి బహుమతులను కూడా ప్రకటించవచ్చు. @Pavan santhosh.s, @B.K.Viswanadh, @రహ్మానుద్దీన్, @Arjunaraoc, @Rajasekhar1961 వంటి పెద్దలు ఈ విషయమై మీడియావికీ నుండి గ్రాంటు పొందగలమేమో కూడా పరిశీలించవలసినది. __ చదువరి (చర్చ • రచనలు) 08:34, 29 జనవరి 2021 (UTC)

అసహజ మానవీయ అనువాద స్థాయి పరిమితిని అధిగమించడానికి చిట్కా

అసహజ మానవీయ అనువాద పరిమితి విధానం వలన నేను గతంలో కొత్త వ్యాసాలు అనువదించి ప్రచురించలేకపోయాను. విధానమార్పుకు చేసిన ప్రయత్నం ఫలించలేదు. (విధానం మార్చటానికి జరిగిన పాత చర్చ) అయితే ఒక చిన్న కిటుకు ద్వారా ఈ సమస్యను పరిష్కరించుకోవచ్చు. మీరు అనువాదాన్ని ప్రారంభించి సాధ్యమైనంతవరకు, ఇష్టమైన భాగాలు అనువాదం చేయండి. ప్రచురించడానికి ప్రచురించు అనే బటన్ ముందుగల గేర్ బొమ్మ పై నొక్కి మీ వాడుకరి పేరుబరిని లక్ష్యంగా ఎంపికచేయండి. ప్రచురించటానికి ప్రయత్నించండి. ప్రచురించడం వీలుకాకపోతే, మీ అనువాదం లో చివరికి వెళ్లి, Some text (to be deleted after publishing) అని టైప్ చేసి ఒక ఐదు-పది పేరాల తెలుగు పాఠ్యం ఇతర వ్యాసాలనుండి నకలు చేసి అతికించండి. (సాధారణంగా గ్రామాల వ్యాసాలలో సులభంగా పది పేరాలు ఎంపిక చేసుకోవడం సులభం). ఆ తరువాత ప్రచురించడానికి ప్రయత్నించండి. ఇంకనూ ప్రచురించటానికి అనుమతించకపోతే మరల నకలు చేసినదాన్ని ఇంకొకసారి అతికించండి. ఇలా మీరు సులభంగా ప్రచురించవచ్చు. ఆ తరువాత ఆ పేజీలో చివరలో మీరు అతికించిన భాగాన్ని తొలగించండి. ఇప్పుడు అనువాదాన్ని మరింత మెరుగుపరచండి. ఆ తరువాత మీరు అనువదించినది కొత్త వ్యాసమైతే ఆ పేజీని ప్రధానపేరుబరికి దారి మార్పు లేకుండా తరలించండి, ఇప్పటికే వున్న వ్యాసమైతే మీరు అనువదించిన భాగాలను ఇప్పటికే వున్న వ్యాసంలో విలీనం చేయండి. గత వారంలో నేను దాదాపు పది వ్యాసాలు(పూర్తిగా లేక పాక్షికంగా) ఇలా అనువదించాను. (ఉదాహరణ భారతదేశపు పట్టణ పరిపాలన, అతికించి తొలగించిన పాఠ్యం)

దయచేసి సమస్యలు ఎదుర్కొనేవారు విధానం మారేదాకా పై పద్ధతిని వాడండి. మీ అనువాదం నాణ్యతపై సహాయం కావాలంటే ఆయా చర్చాపేజీలలో వ్యాఖ్య వ్రాసి {{సహాయం కావాలి}}మూస చేర్చండి.

ఈ చిట్కా నేను వాడుకరి:ప్రభాకర్ గౌడ్ నోముల గారి అనువాదాల వ్యాసాలు పరిశీలించినపుడు కాకతాళీయంగా తెలుసుకున్నాను. వారికి నా ధన్యవాదాలు.--అర్జున (చర్చ) 00:41, 31 జనవరి 2021 (UTC)

ఈ సమస్య అర్జునరావు గారే కాక ఇంకా ఎవరెవరు ఎదుర్కొంటున్నారో, ఎక్కడ సమస్య వస్తుందో తెలియజేయగలరు. రవిచంద్ర (చర్చ) 01:35, 31 జనవరి 2021 (UTC)

కొన్ని వ్యాసాలను శుద్ధి చేసినపుడు. ఆ వ్యాసం బాగా అనువాదం జరిగినా కూడా ఇంకా 70 శాతం పరిమితిని చూపి వ్యాస ప్రచురణను అనువాద పరికరం సహకరించడం లేదు. శాస్త్ర సాంకేతిక వ్యాసాలను అనువాదం చేసేటప్పుడు ఇంకా ఎక్కువ శుద్ధి చేయవలసి ఉంటుంది. కొన్ని విజ్ఞాన శాస్త్ర వ్యాసాలలో పరికరంతో అనువాదం చేసేకన్నా మానవీయంగా చేస్తే మేలని అనిపిస్తుంది. 70 శాతం పరిమితిపై స్వల్ప మార్పు చేయడంపై చర్చించి సరైన నిర్ణయం తీసుకోవాలి గానీ, ఇతర వ్యాసాల నుండి వ్యాసాలను అనువాద వ్యాసానికి అతికించి ఎలాగోలా ప్రచురించి తరువాత తొలగించడం సరికాదు. అనుభవజ్ఞులకు అవగాహన ఉంటుంది కాబట్టి ఎలాగోలావ్యాసం ప్రచురించి పాఠ్యాంశాన్ని తొలగించి శుద్ధి చేసుకుంటారు. ఈ సులువు తెలిస్తే అనుభవం లేని వాడుకరులు దీనిని అనుసరించి యాంత్రిక అనువాదాన్ని శుద్ధి చేయకుండా శుద్ధి చేయబడిన వ్యాసాలలోని పాఠ్యాన్ని అతికించి ప్రచురించుకునే అవకాశం ఉంది.'- K.Venkataramana - ☎ 02:24, 31 జనవరి 2021 (UTC)

అర్జునరావు గురువు గారు, నమస్తే, అనువాద పరికరం తో ప్రయోగాలు చేస్తూనే ఉన్నాను, ఫలితంగా 2020 చివరి నాటికి 35 వ్యాసాలను ప్రచురించాను, తెవికిలో అనువాద యంత్రంతో వ్యాసాలను ప్రచురించిన వాడుకరుల జాబితాలో టాప్ 10 అధిక వ్యాసాలు అనువదించిన వారి వరసలో నిలిచాను,( వికీపీడియా:వాడుకరుల గణాంకాలు/అనువాద గణాంకాలు), అయితే, సంఖ్యాపరంగా కంటే వ్యాసంలో నాణ్యత తక్కువగా ఉన్నది, అని గ్రహించి ప్రచురించిన సుమారుగా 44 వ్యాసాలను అభివృద్ధి చేయడం ప్రారంభించాను. మొదటమదురై జిల్లా వ్యాసంతో వాక్య నిర్మాణాలు సరి చేస్తున్నాను, వీలుచిక్కినప్పుడల్లా మిగతా 40 వ్యాసాలను కూడా తప్పులను సరి చేస్తాను. ఈ యంత్రం తో నాకు ఇటీవల ఎలాంటి సమస్య లేదని మనవి.( నేను సృష్టించినవ్యాసాలు) డిసెంబర్2020- జనవరి 2021 కాలంలో నా వ్యాసాల యంత్రఅనువాద శాతం ఇందుకు ఉదాహరణ. ధన్యవాదాలు. __ ప్రభాకర్ గౌడ్ నోముల ^చర్చ 04:59, 31 జనవరి 2021 (UTC)

@Arjunaraoc: అసహజమైన "మరియు" ఒక్కటి తొలగించినా, తర్వాత అనువాద ఉపకరణం బయటకి తెచ్చి ప్రచురించాకా మీరు చేసిన బోలెడు మార్పుచేర్పులు అదే ఉపకరణంలో చేసినా కూడా మీరు ఈ అసహజమైన చిట్కాలు చేయక్కరలేకుండా ఉండేది. --పవన్ సంతోష్ (చర్చ) 05:00, 1 ఫిబ్రవరి 2021 (UTC)

ఏది అసహజం? ఎవరిది అసహజం?

ఈ ఒక్క జనవరి నెలలోనే వాడుకరులందరూ కలిసి మొత్తం 279 అనువాదాలు ప్రచురించారు. వాటిలో అర్జున గారు తమ "చిట్కా" వాడి చేసినవి 5. అంటే సుమారుగా 270 వ్యాసాలు అర్జున గారు వర్ణించిన "అసహజ పరిమితి"కి లోబడి చేసినవే, అర్జున గారి "చిట్కా"ను వాడకుండా చేసినవే. మరి, చిట్కా వాడకుండా ఇన్ని అనువాదాలు చెయ్యగలిగితే, ఆయనకు చిట్కా వాడాల్సిన అవసరం ఎందుకొచ్చింది? సమస్య ఎవరిది? అనువాద పరికరానిదా? వాడుకరిదా?

అర్జున గారు వర్ణించిన "అసహజ పరిమితి"ని విధించాక, నేను 250 వ్యాసాలకు పైగా అనువాద పరికరం నుండి అనువదించాను. ఐదారు వ్యాసాల్లో తప్పించి మిగతా వాటిలో ఏ సమస్యా రాలేదు. ఆ సమస్య వచ్చినపుడు కూడా అనువాదాన్ని సరిచేసి ప్రచురించేసాను గానీ చిట్కాలు వాడలేదు. ఎందుకంటే నాకు ఆ పరికరంపై పగ లేదు. ఏదో రకంగా ఆ పరికరం విలువను తక్కువ చేసి చూపాలనే తహతహ లేదు. నాణ్యత కోసం కొంచెం కష్టపడ్డానికే సిద్ధంగా ఉంటాను గానీ, ఇలాంటి "అసహజ పరిమితి" అంటూ ఆరోపించను. అర్జున గారికి నాది తెలివితక్కువతనంగాను, చాదస్తం గానూ అనిపిస్తే అనిపించవచ్చు.

నేను చేసే అనువాదం ఇలా సాగుతుంది:

1. పరికరం చేసిన యాంత్రిక అనువాదాన్ని సాధ్యమైనంత సహజంగా ఉండేట్టు మారుస్తాను.
2. ప్రచురించడానికి పరికరం అనుమతి నిరాకరిస్తే (95% వ్యాసాల విషయంలో నాకు అలా జరగలేదు) మళ్ళీ అనువాదాన్ని పరిశీలించి, ఇంకా సవరణలు అవసరమైతే చేస్తాను.
3. నేరుగా ప్రధానబరి లోనే ప్రచురిస్తాను

అర్జున గారి "చిట్కా" పద్ధతి ఇలా సాగుతుంది:

1. పరికరం చేసిన యాంత్రిక అనువాదాన్ని సాధ్యమైనంత సహజంగా ఉండేట్టు మారుస్తారు.
2. అనువాదం లో చివరికి వెళ్లి, Some text (to be deleted after publishing) అని టైప్ చేసి ఒక ఐదు-పది పేరాల తెలుగు పాఠ్యం ఇతర వ్యాసాలనుండి నకలు చేసి అతికిస్తారు. ఉదాహరణకు "చంద్రబాబు నాయుడు" వ్యాసం నుండి పాఠ్యం తెచ్చి ఇక్కడ పెడతారు. అదేంటి, నేను చేస్తున్నది "జగన్మోహనరెడ్డి" వ్యాసం కదా.., అందులోకి "చంద్రబాబు నాయుడు" సమాచారం ఎలా చేరుస్తాను అని కంగారు పడొద్దు. కింద చదవండి.
3. ఆ తరువాత ఆ "వ్యాసాన్ని" వాడుకరి పేరుబరిలో, మీ వాడుకరి పేజీకి అనుబంధంగా ప్రచురిస్తారు.
4. ఆ తరువాత "చంద్రబాబు నాయుడు" సమాచారాన్ని తీసేస్తారు.
5. మళ్ళీ కొత్త సమాచారాన్ని మానవికంగా చేరుస్తారు.
6. ఆ తరువాత ఆ పేజీని వాడుకరి పేరుబరి నుండి ప్రధానబరికి తరలిస్తారు.

ఈ చుట్టుతిరుగుడు పనిని ఎందుకు చేస్తున్నారో గమనించారా? 30% అనువాదం మానవికంగా చెయ్యకుండా తప్పించుకునేందుకు ("అసహజ పరిమితి"ని బైపాస్ చేసేందుకు)! ఇప్పుడు ఆలోచించండి: ఏది "అసహజం" - అనువాద పరిమితా? దాన్ని తప్పించుకోజూసే ప్రయత్నమా?

అర్జున గారి "చిట్కా" కంటే మొదటి పనే తేలికైనది. ఈ పద్ధతిలో భాషా నాణ్యతను పరికరం లోనే సరిచేసి ప్రచురించేస్తాం. నేరుగా ప్రధానబరి లోనే ప్రచురించేస్తాం. ఇలా చేసే ప్రణయ్ రాజ్ గారు ఈ నెల ఇప్పటికే 151 వ్యాసాలను ప్రచురించారు. గత నెల 114 ప్రచురించారు. చిట్కా వైద్యంతో చేసిన అనువాదాల కంటే, ప్రణయ్ చేసిన పని ఇరవై పాతిక రెట్లు ఎక్కువ!

వాడుకరులందరికీ నా విజ్ఞప్తి ఒక్కటే.. ప్రణయ్ రాజ్ పద్ధతిని గానీ, చిట్కాలను గానీ ఏదో ఒకదాన్ని ఎంచుకోండి. మీకు నచ్చినదే ఎంచుకోండి. కానీ అనువాద పరికరం లోని సౌకర్యాన్ని వాడుకోండి. నాణ్యమైన అనువాదాలు చేసి ప్రచురించండి. అంతే!

ఇకపోతే అనువాద పరికరంపై నిర్హేతుకమైన పగ పెంచుకున్న వారికి ఒక విజ్ఞప్తి: ఎవరి మీదో ఉన్న కసిని, కోపాన్నీ దానిపై చూపించకండి. నాణ్యతను ఉద్దేశించి పెట్టిన ఒక పరిమితిని అపహాస్యం చెయ్యకండి. మిగతా వాళ్ళు చెయ్యగలిగిన పనిని నేనెందుకు చెయ్యలేను అని తర్కించుకోండి. __చదువరి (చర్చ • రచనలు) 05:40, 31 జనవరి 2021 (UTC)

చదువరి గారు, మీ స్పందనకు, చిట్కాను మరింత వివరంగా తెలిపినందులకు (ఉదాహరణగా చూపిన వ్యాసాల పేర్లతో వక్రీకరణ తప్పించి), చివరిగా చిట్కావాడటాన్ని ఆహ్వానించినందులకు నా ప్రత్యేక ధన్యవాదాలు. నాకు ఎవరిపైనా కసి, కోపం లేదు. వికీ మూలసూత్రాలకు (ఎవరైన స్వేచ్ఛగా వికీపీడియాలో కృషి చేయడం, సమష్ఠిగా అభివృద్ధి చేయడం) విరుద్ధంగా వికీపీడియా అభివృద్ధికి నిరోధకంగా పనిచేసే విధానాలపైన మాత్రమే వ్యతిరేకత వుంది. అది గ్రహించమని మిమ్ములను సహవికీపీడియా సభ్యులను కోరుతున్నాను. --అర్జున (చర్చ) 23:34, 2 ఫిబ్రవరి 2021 (UTC)

అర్జున గారు కొత్త అనువాద చిట్కా కనిపెట్టి అందరికి తెలిపినందుకు ధన్యవాదాలు.అది సహజమో అసహజమో ఎవ్వరికి వారు నిర్ణయించుకోవాలి.నాకైతే ఆ ప్రాసెస్ ఒక పట్టాన అర్థం కాలేదు.నాకైతే ఆ చిట్కా అసహజమనిపిస్తుంది.వెంకటరమణ గారు అన్నట్లు శాస్త్ర సాంకేతిక వ్యాసాలను అనువాదం చేసేటప్పుడు కొద్దిగా ఎక్కువ కష్టం ఉండవచ్చు.

ఇక పోతే 30% అనువాదం మానవికంగా చేసే పరిమితి విధించిన తరువాత నేను అనువదించిన వ్యాసాలపై నా అనుభవాలు, అబిప్రాయాలు వివరిస్తున్నాను.

1. 30% అనువాదం మానవికంగా చేసే పరిమితి విధించిన తరువాత నేను ఈ రోజుకు 100 వ్యాసాలు అనువదించి ప్రచురించాను.
2. నేను అనువదించేటప్పుడు చిన్న చిన్న సమస్యలు మాత్రమే ఎదుర్కొన్నాను.
3. మొత్తం అనువదించినా ప్రచురణ కాని సందర్బంలో,మనం అనువదించేటప్పుడు స్పేస్ లు ఎక్కువుగా ఉంటే వాటిని సవరిస్తే ప్రచురణ అయిన సందర్బాలు చాలా ఉన్నాయి.డేట్ ప్రార్మెట్ అది అనువదించినట్లే ఉంచి,ప్రచురణ చేసిన తరువాత,తెవికీ శైలి ప్రకారం తరువాత మార్చుకోవాలి.అక్కడే వికీ శైలి ప్రకారం చేస్తే ఒక్కోసారి అది కూడా ఒక కారణం.
4. ఆంగ్ల వ్యాసాలు ఎక్కువుగా కామాలుతోటి పెద్ద పెద్ద వాక్యాలు ఉంటాయి.ఇవి అనువాదంలో కొంత అగమ్యగోచరంగా ఉంటాయి.అక్కడ వాక్య నిర్మాణం కొద్దిగా కష్టంగా ఉంటుంది.దీనికి అనువాద పరిమితికి ఇది సంబంధంలేదు.ఇలాంటి బహు కొద్ది సందర్బాలలో నేను వాక్య నిర్మాణానికి అర్థంకాని ఆంగ్ల పాఠ్యం కాపీ చేసి, మామూలు గూగుల్ ట్రాన్సులేట్ లో అతికించి, కామాలు, పుల్ స్టాపులు ఉన్నవరకు ఎంటర్ కొట్టి, వాక్యాలు విడగొడతాను.దానివలన కొంత మెరుగైన అనువాదం వస్తుంది. దానిని అనువాద యంత్రంలో కూర్పు చేసి అక్కడ సవరిస్తాను.దానిలో అంతకుముందు అనువాదం అయిన పాఠ్యం తొలగిస్తాను.ఏది ఏమైనా అనువాద యంత్రంలో 30% అనువాదం మానవికంగా చేసే పరిమితి విధింపునాకు కష్టం అనిపించుటలేదు.
5. ఆ మాత్రం పరిమితి లేకపోతే అనువాద పరికరం ద్వారా చేసే వ్యాసాలు సృష్టింపు నాణ్యత చాలా అగమ్యగోచరంగా ఉంటుంది.ప్రచురించిన తరువాత శుద్ధి చేయటానికి అంతగా ఆసక్తి కనపర్చరని నేను భావిస్తున్నాను.అసలే చురుకైన వాడుకరులు తక్కువుగా ఉన్న ఈ సమయంలో ఆ వ్యాసాల నాణ్యత పరిశీలించటానికి సాద్యపడుతుందా, నాణ్యత ఎలా ఉంటుందో ఒకసారి అందరూ అలోచించుకోవాలని నా అభిప్రాయం.

యర్రా రామారావు (చర్చ) 07:58, 31 జనవరి 2021 (UTC)

@User:యర్రా రామారావు గారు, మీ అనుభవాలలో కొన్ని చిట్కాలను తెలిపినందులకు ధన్యవాదాలు. అర్జున (చర్చ) 23:38, 2 ఫిబ్రవరి 2021 (UTC)

గత 6 నెలలుగా నేను అనువాద పరికరం ద్వారానే వ్యాసాలు రాస్తున్నాను. 30శాతం అనువాద పరిమితి వల్ల నాకెప్పుడూ సమస్య ఎదురుకాలేదు. అనువాద పరికరంపై అర్జున గారు చేస్తున్న ఆరోపణలు చూస్తుంటే, అనువాద పరికరంపై ఆయనకున్న అవగాహనలేమిని సూచిస్తోంది. అంతేకాకుండా, కొత్త అనువాద చిట్కా అంటూ పైన పేర్కొన్న అంశాలు వికీ నాణ్యతను దెబ్బతీసేందుకు తప్పుదారికి తెరతీస్తున్నట్టే.-- ప్రణయ్‌రాజ్ వంగరి (చర్చ|రచనలు) 08:25, 31 జనవరి 2021 (UTC)

అనువాద పరికరంపై అసహజమైన ఆక్రోశం

పై విభాగంలో అర్జున గారు అసహజమైన పరిమితి అంటూ అనువాద పరికరం లోని పరిమితిపై కోపాన్ని వెళ్ళగక్కారు. ఇది ఈ ఒక్క సందర్భంలో చేసిన వ్యాఖ్య కాదు. ఇంతకు ముందు వేరే సందర్భంలో కూడా చేసారు. వికీపీడియా:తొలగింపు కొరకు వ్యాసాలు/ప్రజోపయోగ పరిధి అనే పేజీలో కూడా అలాగే రాసారు. 2012 లో తాను సృష్టించి వదిలేసిన మొలకను విస్తరించకపోవడానికి కారణం అనువాద పరికరం లోని అసహజమైన పరిమితే నన్నట్టు ఆరోపించారు.

అర్జున గారూ, అక్కడి మీ వ్యాఖ్యలను ఇక్కడ ఉటంకించి రాయాల్సిన సందర్భాన్ని మీరు సృష్టించారు. ఆ వ్యాఖ్యలో ఇమిడి ఉన్న రెండు విషయాలను నేను చూపుతాను

1. మీరు ప్రజోపయోగ పరిధి అనే వ్యాసం రాసినది 2012 జూలైలో - ఎనిమిదేళ్ళ కిందట. మీరన్న "అసహజ పరిమితి" పెట్టి ఇంకా సంవత్సరం కూడా కాలేదు. మరి కనీసం ఐదారేళ్ళ పాటు ఆ పరిమితి లేని కాలంలో, ఆ పరికరం ద్వారా బోల్డంత అనువాదం చేసి ఉండవచ్చే! ఎందుకు విస్తరించలేదు? నిన్న రాసిన పరీక్షలో ఎందుకు తప్పావురా అని అడిగితే, నిరుడు నా పెన్సిలు ముక్కు ఇరిగి పోయింది మాస్టారూ అన్న పిల్లవాడి లాగా ఉంది ఈ ఆరోపణ.
2. రెండో సంగతి ఏంటంటే.. మీరన్న ఆ "అసహజ పరిమితి" పెట్టాకనే, ఆ పరికరం ద్వారానే, ఈ ఒక్క జనవరి నెలలోనే, ఇప్పటి దాకా 270+ వ్యాసాలను ప్రచురించారు. తెవికీలో ఇప్పటి వరకూ ఒకే నెలలో జరిగిన అనువాదాల సంఖ్యకు ఇది రికార్డు. 2020 డిసెంబరులో 194, నవంబరులో 150, అక్టోబరులో 133, సెప్టెంబరులో 44 - ఇదీ నెలవారీగా జరిగిన అనువాదాల సంఖ్య! అనువాద పరికరాన్ని తక్కువ చేసి చూపాలని ఎవరు ఎంత ప్రయత్నించినా దాని పనితీరు పెరుగుతూనే పోతోంది. మరి మీరు ఎందుకు చెయ్యలేకపోతున్నారు? అదే "అసహజ పరిమితి"తో ఇతరులు చెయ్యగా లేనిది మీరెందుకు చెయ్యలేరు? లోపం "ఆసహజ పరిమితి"ది కాదని, మరేదో ఉందనీ, లోపం అనువాద పరికరంలో లేదని మరెక్కడో ఉందనీ నాకు అనిపిస్తోంది. ఒక్కసారి ఆ పరికరం పట్ల, అసహజమైన ఆగ్రహాన్ని, ఆక్రోశాన్నీ వదిలేసుకుని చూస్తే, పరికరం మళ్ళీ మంచిగానే కనిపించవచ్చు. పరిశీలించండి. __చదువరి (చర్చ • రచనలు) 05:59, 31 జనవరి 2021 (UTC)

పరికరాన్ని వ్యతిరేకించటలేదు, పరికరంలో విధించిన పరిమితిని వ్యతిరేకిస్తున్నాను. దీనిగురించి విధాన మార్పుకు జరిగిన చర్చలో విస్తారంగా చర్చించాను. ఎవరు ఎన్ని వ్యాసాలు రాశారని మీరు తెలిపిన గణాంకాలు మీ వాదనకు బలం చేకూర్చేవి కావు. ఎవరు ఎన్ని వ్యాసాలు రాయటం, వారికి గల ఖాళీసమయం, వారి లక్ష్యాలు, వారి ప్రాధాన్యతలు, వారి భాషాజ్ఞానం, వికీలో సమష్ఠి కృషిని పెంపొందించే సుహృద్భావ వాతావరణం లాంటి ఎన్నో వాటిపై ఆధారపడుతుందని నేను మీకు చెప్పనవసరంలేదు. మీకు గణాంకాలపై ప్రత్యేక శ్రద్ధవుంటే ఎంతమంది కొత్త వాడుకరులు అనువాద ఉపకరణం వాడి వ్యాసాల సృష్టికర్తలుగా మారారో చూడండి. ఉపయోగంగా వుంటుంది.

ఇంకొక్క మాట: నాకు తెలిసినదేమిటంటే మనస్తత్వ శాస్త్రం ప్రకారం, ఒకరు ఒక అభిప్రాయాన్ని లిఖితబద్ధం చేసినతరువాత, దానికి కట్టుబడినతరువాత, ఎన్ని అభ్యంతరాలు వచ్చినా, దాన్ని మార్చుకోవడానికి ఇష్టపడరట (మూలం గుర్తు లేదు కావున తెలుపుటలేదు). అది మీకు వర్తించుతుందేమో మీరు ఆలోచించండి. ధన్యవాదాలు. --అర్జున (చర్చ) 23:53, 2 ఫిబ్రవరి 2021 (UTC)

@Arjunaraoc గారూ, "...వారి లక్ష్యాలు, వారి ప్రాధాన్యతలు,.." ఈ విషయంతో సంపూర్ణంగా ఏకీభవిస్తున్నాను, మరొక అభిప్రాయమే లేదు, ఉండే వీలే లేదు.

ఎటొచ్చీ మన ప్రాధాన్యతలు ఏంటనేదే పరిశీలించాల్సిన విషయం. పరికరాలను డిస్‌క్రెడిట్ చెయ్యడం కాకుండా, వాటి నుండి నాణ్యతను ఎలా పిండుకోవాలి అని కదా ఆలోచించాల్సింది? కుప్పుసామయ్యరు మేడ్డిఫికల్టు లాంటి చిట్కాలు చెప్పడం కాకుండా, దాన్నుండి నాణ్యమైన పని తేలిగ్గా ఎలా పొందాలి అని కదా చెప్పాల్సింది? పదమూడేళ్ళకు పైగా అనుభవమున్న ఒక సీనియరు వాడుకరి నుండి ఆశించేది పనిని తేలిగ్గా చెయ్యగలిగే చిట్కాలు గానీ, పనిని క్లిష్టపరచే చిట్కాలు కాదు గదా! ఏదో ఒక పేజీలో "మరణం" అనే విభాగ శీర్షిక ఉండాలా వద్దా అనే విషయంపై రోజుల తరబడి చర్చ చేసే బదులు, అసలు వ్యక్తుల పేజీలో ఆకృతి ఎలా ఉండాలి అనే విషయం గురించి ఒక విధానపరమైన చర్చ చేసి, పద్ధతిని నిర్ణయించి సముదాయానికి మార్గదర్శకత్వం చేసి ఉండాల్సింది కాదా? ప్రణయ్ రాజ్ గారు మీకంటే బాగా జూనియరు. ఒక ప్రామాణిక విషయసూచిక గురించి ఆయన అడిగారు కూడా. కానీ, మీరు దాన్ని అసలు పట్టించుకోలేదు. 15 రోజుల పాటు జరిగిన చర్చ వలన జరిగిన ఉపయోగమేంటి?

మీరు చెప్పుకొచ్చిన మనస్తత్వ సిద్ధాంతం గురించి నాకు ఇప్పుడే, మీరు చెప్పాకే తెలిసింది. అది నాకు వర్తిస్తుందో లేదో నాకు తెలియదు, మీరే చెప్పాలి. అలాగే మీకు వర్తిస్తుందో లేదో మీకు తెలుస్తోందో లేదో గానీ, నాకు తెలుస్తోంది. నాకు తెలిసిన దాని ప్రకారం మీరు ఆ మనస్తత్వ సిద్ధాంతాన్ని తు.చ. తప్పకుండా పాటిస్తున్నారు - 30% పరిమితిని తొలగించాలంటూ నాణ్యతకు గొడ్డలి పెట్టు లాంటి ప్రతిపాదన తెచ్చారు మీరు. వోటింగూ పెట్టారు. మీ ప్రతిపాదన వీగిపోయాక కూడా మీరు దానిపైన దాడి చేస్తూనే ఉన్నారు. మీరు చెప్పిన మనస్తత్వ సిద్ధాంతానికి గుర్తు ఈ ధోరణి.__ చదువరి (చర్చ • రచనలు) 02:58, 3 ఫిబ్రవరి 2021 (UTC)

ఇహపోతే @Arjunaraoc గారూ, "ఎంతమంది కొత్త వాడుకరులు అనువాద ఉపకరణం వాడి వ్యాసాల సృష్టికర్తలుగా మారారో" చూడమని మీరన్నారు చూసారూ.. ఆ మాటతో "వ్యాసాల సంఖ్య పెరిగినా, కొత్తగా వచ్చిన వాడుకరులు ఏమీ లేరు" అని మీరు చెప్పదలచుకున్నారని నాకు అర్థమైంది. దానికి నా వివరణ ఇది:

నిజమే కొత్తగా వచ్చిన వాడుకరులు లేరు. ఆ సంగతి నేను ఇదివరకే చూసాను. అయితే ఇది కొత్త విషయమేమీ కాదు. తెవికీ పుట్టినప్పటి నుండీ వస్తున్నదే. ఆది నుండి ఇప్పటి వరకూ జరుగుతున్నది అదే. మన దగ్గర ఉన్న వాడుకరుల సంఖ్య వేలల్లో ఉన్నా, చురుగ్గా ఉన్న వాడుకరుల సంఖ్య వందల్లో ఉన్నా ఇక్కడ జరిగిన మొత్తం దిద్దుబాట్లలోను,,చేర్చిన పాఠ్యంలోనూ సింహ భాగం చేసినది అతి కొద్ది మందే. ఓ ముప్పైనలుగురు వాడుకరులు కలిసి తెవికీలో దాదాపు 90% దిద్దుబాట్లు చేసారని మీకు తెలుసా? కేవలం ముగ్గురు వాడుకరులు కలిసి మూడోవంతు దిద్దుబాట్లు ఛేసారని మీకు తెలుసా? ఇవన్నీ నేను గమనించాను. కావాలంటే వాడుకరుల గణాంకాల పేజీ చూడండి. అక్కడ నేను ఈ గణాంకాలను ఇవ్వడమే కాదు, వివరంగానే రాసాను. ఆ సంగతి ఇక్కడ రచ్చబండలో కూడా చేర్చాను. మీరు గమనించలేదనుకుంటాను.

అంతేకాదు..,నేను గణాంకాలను సెలక్టివ్‌గా పెట్టలేదు. నాకు తోచినంతలో , నాకు చేతనైనంతలో అనేక రకాల గణాంకాలను చేర్చాను. ఇంకా చేరుస్తాను కూడా. వీటికి క్వెరీల లింకులను కూడా ఇచ్చాను. 2021 లో ఇప్పటి వరకు ఎవరెవరు ఎన్నేసి అనువాదాలు చేసారో చూడమని కూడా ఓ రెండు క్వెరీలకు లింకులు ఇచ్చాను. దాన్ని మీరు గమనించినట్టు లేదు. ఇవిగో ఆ లింకులు మళ్ళీ ఇస్తున్నాను:

1. https://quarry.wmflabs.org/query/51144
2. https://quarry.wmflabs.org/query/50975

ఈ లింకుల్లో చూడొచ్చు, ఎంతమంది అనువాదాలు చేసారు, ఎన్ని అనువాదాలు చేసారు అని. అన్నీ బహిరంగమే, దాచిపెట్టినదేమీ లేదు. అందరూ రండి ఈ పనిలో పలుపంచుకొమ్మని అడిగాను కూడా. __ చదువరి (చర్చ • రచనలు) 05:03, 3 ఫిబ్రవరి 2021 (UTC)

తొలగించే వ్యాసాలన్నిటికి అనువాద పరికరానికి అర్జున గారు అంటగట్టిన అసందర్బ అసహజపరిమితే కారణం అన్నట్లుగా, అర్జున గారు పరోక్షంగా వక్రీకరిస్తున్నారని నేను భావిస్తున్నాను. యర్రా రామారావు (చర్చ) 06:12, 31 జనవరి 2021 (UTC)

కనిపించని నివేదిక

వికీపీడియా:సమావేశం/తెవికీ జన్మదిన వేడుక 2020 2020 డిసెంబరు 13 ఆదివారం నాడు తెలుగు వికీపీడియా 16వ జన్మదినోత్సవం గూగుల్ మీట్ ద్వారా ఆ సమావేశం జరిగింది, ఆ సమావేశాలో పాల్గొన్నవారు వివరించిన నివేదిక భవిష్యత్తు లో చేయబోయే కార్యక్రమాల గురించి మరోసారి చదవాలని ప్రయత్నిస్తే ఆ పేజీ కనిపించడం లేదు. గురువుగారు పవన్ సంతోష్ గారు, తయారు చేశారు. ఆ నివేదిక లింకు లేదా పేజీ గురించి ఎవరైనా వివరించగలరు. __ ప్రభాకర్ గౌడ్ నోముల ^చర్చ 11:28, 31 జనవరి 2021 (UTC)

పవన్ సంతోష్ గురువు గారు, జన్మదినోత్సవం గూగుల్ మీట్ ద్వారా ఆ సమావేశం మీరు నిర్వహించారు, ఈ విషయం మై మీరే ముందు స్పందించాలి, నివేదిక తొలగించారా ఉన్నదా అనేది వివరించగలరు. ధన్యవాదాలు. __ ప్రభాకర్ గౌడ్ నోముల ^చర్చ 04:58, 2 ఫిబ్రవరి 2021 (UTC)

ప్రభాకర్ గౌడ్‌ గారూ, నేను కార్యక్రమం నిర్వహించడం, సంధానకర్త తరహాలో వ్యవహరించడం మాత్రమే కాకుండా కార్యక్రమం జరుగుతున్నప్పుడు రన్నింగ్ నోట్స్ తరహాలో ఒక పక్కన నోట్స్ తీసుకున్నాను. (వాస్తవానికి ఆ రోజు భోజనం సమయానికి చాలా అలసిపోయాను) ఆ మీటింగ్ నోట్స్ కూడా నేను నా చిత్తు పేజీలోనే తీసుకుంటూ వచ్చాను. అదే మీటింగ్‌లో లింకు ఇచ్చి ఇతరులను దీనిపై పనిచేసి ఒక ఒద్దికకు తీసుకురమ్మని కోరాను. కాకపోతే, కొద్దిగా చదువరి గారూ, ప్రణయ్ రాజ్ గారూ తప్పించి మరెవరూ పనిచేసినట్టు లేరు. ఇది ఒక నివేదిక రూపంలో లేదు. ఉండాలంటే కార్యక్రమం ఎలా మొదలైందో, ఎలా ముగిసిందో, ఏమేం జరిగాయో ఉండాలి. మీరు దీనిపై ఉత్సాహం చూపుతున్నారు కాబట్టి ఈ చిత్తు ప్రతి మీద పనిచేసి (నా పేరుబరిలో ఉందని ఈ ఒక్క పేజీ విషయంలో సంకోచించద్దనే ఆనాడు చెప్పాను, ఈనాడూ అదే చెప్తున్నాను) కాస్త మంచి రూపానికి తీసుకువచ్చాకా మీరే తగిన విధంగా సమావేశం ఉపపేజీకి తరలించగలరని ఆశిస్తున్నాను. --పవన్ సంతోష్ (చర్చ) 06:48, 2 ఫిబ్రవరి 2021 (UTC)

పవన్ సంతోష్ గురువు గారు, 2020 నివేదిక భవిష్యత్తు 2021 లో చేయబోయే కార్యక్రమాల గురించి మరోసారి చదవాలనిపించింది. మీ స్పందనకు ధన్యవాదాలు. __ ప్రభాకర్ గౌడ్ నోముల ^చర్చ 07:29, 2 ఫిబ్రవరి 2021 (UTC)